جوزي باعني ج4

آسر ابتسم ابتسامة جانبية فيها كل معاني الثقة والقوة:
— “رجالتي سلموه للجهات المختصة بقضية الاختلاس وتزوير الأوراق، ومعاه كل الأدلة اللي تدينه، بالإضافة لمحضر رسمي بالخداع والنصب.. و ده كله طبعا بعد ما رجالتي روقو عليه و خلوه مش نافع لحاجة خالص .. يتمنى المو. ت وميلاقوش!”

مي بصت له بذهول، وقالت بقلق:
— “بس.. بس أنا لسه على ذمته يا آسر!”
آسر ابتسم وهز راسه بهدوء وثقة:
— “اطمني يا مي.. ال*** ده كان بعت لأهلك ورق طلاقك الرسمي بعد ليلة الأوتيل بيوم ، يعني قانوناً وشرعاً، إنتي كنتي من اللحظة دي حرة طليقة، مفيش أي صلة تجمعك بالراجل ده.

”
كلمة «حرة» نزلت على قلب مي كأنها طوق نجاة. حست إن هم السنين كله انزاح من على صدرها. بصت لآسر بارتباك، وقلبها كان بينبض بقوة:
— “آسر .. أنت عملت ده كله ليه؟ … يعني دورت ورا كلامي و خدت حقي منه و حاميني هنا في بيتك .. كل ده ليه”

آسر قرب منها أكتر، ومد إيديه مسك كف ايدها البارد بين إيديه الدافيين، ونطق بصوت دافئ، صادق، ونابع من أعماق قلبه:
— “عشان من أول يوم شفتك فيه في الشركة من أربع شهور، وأنا قلبي اختارك ..

من اول مرة عيني لمحت عينك مش قادرة تغيبي عن بالي وعشان مستعد أعوضك عن كل وجع وكسرة عشتيها في حياتك لحد النهاردة”
مي دمعت عيونها للمرة دي من الفرحة.. ابتسمت وسط دموعها، وسألت بخجل:
— “بس.. بس أنا لسه متجوزة.. أقصد، إحنا لسه بنقول.

..”
قاطعها آسر بابتسامة ساحرة وهو بيطبع بوسة رقيقة على كف إيدها:
— “متجوزة إيه بس يا هانم؟ بقولك طلقك رسمي قبل الليلة دي .. ، و من بعد يوم واحد بس من شهور عِدتك هنكتب كتابنا، ده طبعا لو وافقتي تدي قلبك فرصة يتعافي و تدي قلبي انا فرصة يكفر عن ذنبه ويحميكي لحد آخر عمره”

مي هزت راسها بالموافقة برقة، ودموع الفرحة نازلة من عيونها، وقالت بصوت هادئ ومحب:
— “موافقة يا آسر.. موافقة نبدأ من جديد”
قرب منها آسر، وطبع بوسة رقيقة ودافية على جبينها، إعلاناً بإن العاصفة انتهت، وإن السكون والدفء والأمان.. بقوا عنوان حياتهم الجديدة مع بعض للأبد!تمت .