بعد ١٥ سنه ترمل ج١ منال علي

مرة حسسني إني أكبر منه.
كان بيحتوي كل كسرة جوايا.
كان بيسمعني بالساعات
ويضحكني
ويخليني أحس إني لسه أنثى
بعد ما كنت فاكرة إن الإحساس ده ماټ من زمان.
ولأول مرة بعد سنين
كنت برجع بيتي وأنا مبتسمة.
…
عدى على جوازنا شهور.
وكل حاجة كانت مستقرة.
لحد ما بدأت أتعب.
في الأول افتكرته دور برد.
بعدها بقيت أنام كتير
وأكره ريحة الأكل
وأدوخ من أقل مجهود.
حتى هو لاحظ
وقالي
لازم تكشفي.
كنت بضحك
وأقوله
أكيد نقص فيتامينات.
لكن التعب زاد.
فروحت للدكتور
وكانت الصدمة اللي هدت الدنيا فوق دماغي.
…
رجعت وأنا ماسكة التحاليل.
قلبي بيدق
مش عارفة أضحك
ولا أعيط
ولا أهرب.
أول ما شافني
قام جري عليا.
قال بلهفة
خير؟
ناولته الورقة من غير ما أتكلم.
فضل يقراها
مرة
واتنين
وفجأة
لقيته بيضحك.
ضحكة عمري ما شفتها على وشه.
وبعدين حضڼي وهو بيعيط
وقال
أنا هبقى أب أنا مش مصدق!
أنا كنت واقفة متخشبة.
قلتله بصوت متقطع
بس إزاي؟
رد وهو بيبص للسما
دي معجزة من ربنا.
…
افتكرته هيخاف
أو يقول ننزل الحمل.
لكن حصل العكس.
من يومها وهو بقى متعلق بالبيبي بشكل يخوف. حكايات منال علي
يقعد يكلم بطني
ويحسب الأيام
ويشتري هدوم أطفال.
وأخيرًا قاللي القرار اللي نسف كل حاجة.
قال وهو ماسك إيدي
لازم نوثق الجواز.
اتجمدت مكاني.
قولتله
إنت اټجننت؟
قال بمنتهى الجدية
ابننا لازم يبقى باسمي.
قلتله وأنا بعيط
ولادي ھيقتلوني!
رد
يبقوا يزعلوا لكن بعدين هيفهموا.
هزيت راسي وأنا مړعوپة
محدش هيفهم هما أصلًا مايعرفوش إني متجوزة!
سكت شوية
وبعدين بصلي بنظرة أول مرة أشوفها في عينيه. متوفره على روايات واقتباسات
وقال بحزم
اسمعيني كويس أنا مستحيل أوافق إنك تنزلي الطفل ده وأقسم بالله لو اضطرينا هروح أوثق الجواز بنفسي وأقول الحقيقة كلها حتى لو الدنيا كلها قامت علينا.
الكلام وقع عليا زي الصاعقة.
خرجت من عنده وأنا مش قادرة أتنفس.
في العربية كنت ببص لبطني
وبعدين افتكرت وشوش ولادي
وافتكرت أهلي
وافتكرت الناس
ولأول مرة حسيت إني واقفة بين نارين
يا إما أحافظ على ابني وعلى الراجل اللي حبني بجد
يا إما أخسر كل الناس اللي فضلت أعيش عشانهم طول عمري.
لكن اللي حصل بعدها
خلاني أتمنى إن خبر الحمل ماكانش وصلني أبدًا
يتبع