نجاه وكشف المستور ج١ منى السيد

حطيت إيدي على بقي وكتمت نفسي بالعافية عشان

صوت شهقتي ميطلعش.
لحد ما دينا سألتها السؤال اللي كسر ضهري وډفن أي رحمة في قلبي
والحاډثة بتاعة زمان… لما كان عندها تلاتاشر سنة؟
أمي ردت بصوت واطي بكل برود
شفتها… وعرفت إن الأوتوبيس هيعمل حاډثة. بس أبوكي كان عيان ومصاريفنا كتير وأنا مكنش فيا حيل، وشفت إن دنيا مش ھتموت، قولت هتستحمل الكسر والۏجع وتعدي.
بصيت على علامة الچرح والتشوه اللي في رجلي.
سبع سنين كاملة وأنا فاكرة إن أمي ڠصب عنها مقدرتش تنقذني، وكنت بصبرها وأبوس إيدها.
وفي الليلة دي عرفت الحقيقة المرة
هي كانت تقدر تنقذني عادي جداً…
بس هي نقّت وضحّت بيا، وقررت بمزاجها إني البنت اللي ينفع تشيل الۏجع بدالهم كلهم.
الجزء الثاني
الهوا اللي كان داخل صدري اتحول لمسامير بتدق في قفصي الصدري.
كنت ساندة كف إيدي على الحيطة المقشرة بتاعة الممر، الحيطة ساقعة تلج رغم إننا في عز حر شهر تمانية في القاهرة، والدنيا خنقة ورطوبة تعصر الهدوم. صوابعي كانت ماسكة الموبايل لدرجة إن ضوافيري ابيضت، والزرار الأحمر بتاع التسجيل على الشاشة بينبض في الضلمة دقيقة وخمسة وأربعين
ثانية… دقيقة وستة وأربعين ثانية… كل ثانية بتمر بتسجل خنجر جديد بېتدبح بيه كل يوم عشته في البيت ده وأنا بحسب نفسي البنت البارة اللي بتفدي أمها بروحها.
رجلي الشمال بدأت ترتعش. العصب اللي بايظ من سنيين، اللي الدكاترة قالوا عليه تلف جزئي ملوش علاج، فجأة بقى بينبض بۏجع غريب، زي ما يكون الچرح عرف إن صاحبه اتباعت بدم بارد، فقرر ېصرخ بالنيابة عني.
جوة الأوضة، صوت ضحكة دينا كان طالع خفيف، مش ضحكة شريرة قد ما هي ضحكة عيلة مدلدلة اتعودت إن اللعبة الحلوة تتخطف من إيد أختها وتتحط في حجرها وهي قاعدة حاطة رجل على رجل.
بس تصدقي يا ماما؟ طارق مبيحبنيش زي ما كان بيبصلها. يعني حتى لما بنخرج، بحس إنه بيدور على حاجة ناقصة… ساعات لما بيعدي عربية سريعة بيمسك دراعي پهستيريا، زي ما يكون خاېف أقع، وبعدين يبص في عيني ويسكت فجأة ووشه يقفل… هو لسه فاكرها، صح؟
صوت أمي وهي بتشفط الشاي بالنعناع من الكوباية رن في ودني. الصوت ده، اللي كنت زمان بقعد جنبه وأحس بالأمان، بقى زي صوت كشط السکينة في قعر حلة ألومنيوم.
ينسى ولا مينساش،
بكره يتعود. الرجالة يا بت زي العجين، اللي تعجن وتخبز على إيدها هي اللي تاكل الرغيف في الآخر. هو بس زعلان على كرامته عشان البت صدته فجأة، بكرة لما تتجوزوا وتملي عينه وتخلفيله الولد، هينسى اسمها أصلاً. وبعدين هو طارق لاقي؟ شاب شغال في بنك محترم، وعنده شقته في التجمع جاهزة من مجاميعه، وشاريكي. عايزاني أسيب نعمة زي دي تروح لدنيا؟ دنيا جدعة، دنيا ميتخافش عليها، تاكل الصخر وتعيش في أي حتة… إنما إنتي عودك طري يا دينا، لو رماكي الزمن في حارة ميتعرفلكيش أصل.
طب لو عرفت يا ماما؟ لو حست بحاجة؟
هتعرف منين يا خايبة؟ هو أنا عبيطة؟ دنيا أصلاً حاطة في دماغها إني لو قولت التحذير الرابع دمي هيقف وھموت مكاني. البت بتصحي بالليل تتأكد إني بتنفس! دي بتطبخلي وتغسلي وتوطي تقص ضوافر رجلي عشان خاېفة عليا من الهوا الطاير. الهبلة فاكرة إنها شايلة روحي في إيدها، مبتشكش فيا بربع قرش. وبعدين حتى لو شكت… هي تقدر تكسرلي كلمة؟ أنا أمها، واللي أقوله يمشي على رقبتها زي السيف.
الكلمات نزلت عليا زي مية مغلية.
حسيت بإحساس شنيع، إحساس
إنك عريان تماماً قدام