اربعه على السفره

.. عقد الشركة اللي أحمد كان كاتبلي فيه 50% من نصيبه عشان أضمن حقي لما اتجوزنا، والشرط الجزائي اللي بيمنعه من البيع أو التصرف إلا بموافقتي!قربت من المايك تاني وقُلت بثبات: * “وبناءً عليه… أنا بعلن النهاردة تنازلي عن أحمد لسارة رسمياً، وبطلب الطلاق للهجر والضرر. وأحب أبلغك يا أحمد إن المحامي رفع قضية حجر على أسهمك في الشركة بناءً على التبديد اللي ثبت بالشرائح المرفقة على الشاشة. “بصيت لسارة وقُلت بابتسامة ناعمة: * “مكسب طيب يا سارورة… خدي الباقي، أنا أخدت الأهم!

“سبت المايك يقع على الأرض، ومشيت بثقة وسط صراخ حماتي وذهول العيلة كلها، وصوت أحمد وهو بيزعق لسارة اللي بدأت تصرخ فيه وتطالبه بحقها قبل ما يضيع. خرجت للهواء المنعش بره الأوتيل، أخدت نفس عميق… وعرفت إن الانتقام لما بيتاكل بارد، بيكون أطعم بكتير من أي أكل اتطبخ في مطبخهم! ركبت عربيتي، وركنت على جنب بعد ما بعدت عن الأوتيل بمسافة كافية.

أتاري شعور الانتصار مش دايماً بيبقى زغاريد وصوت عالي… أوقات بيكون الهدوء المرعب ده، الهدوء اللي بييجي بعد ما تحط نقطة النهاية في كتاب قعدت تقرأه بالعافية لسنين. موبايلي ما بطلش رن. أحمد… 23 مكالمة مفقودة. حماتي… 8 مكالمات. وحتى حنين، اللي كانت من ساعة بتضحك بتشفي، باعتة رسالة صوتية بتترجاني فيها أرد عشان “نلم الموضوع وديّاً بعيد عن الفضايح والمحاكم”.ما رديتش على حد. عملت للكل “صامت”، وشغلت الراديو على مزيكا هادية، وسقت لحد ما وصلت لبيتي الجديد.

.. الشقة الصغيرة اللي كنت مأجراها من شهر من غير ما حد يعرف، وحاطة فيها كل هدومي وحاجاتي المهمة بالتدريج. عدى أسبوع كامل. في الأسبوع ده، الأستاذ فاروق كان شغال زي المشرط في إيد جراح ما بيرحمش. أول ضــ,,ـــــربة: الحجز التحفظي على أرصدة أحمد في البنوك بسبب إثبات التبديد من حسابات الشركة. تاني ضــ,,ـــــربة: إن سارة، بنت العمه “الرقيعة” اللي كانت عاملة فيها الضحية، أول ما لقيت الفلوس اتجمدت، وأحمد بقى متهدد بالحبس والتشهير، انقلبت عليه رأساً على عقب!

جالي الخبر من خالة أحمد نفسها… سارة راحت عملت محضر لأحمد تتهمه فيه إنه استغل ظرفها النفسي وجوزها عرفي برغبتها وتحت الضغط، وطالبت بحقها الشرعي ومؤخر صداق كبير!القطط لما تجوع، بتاكل بعضها. في يوم الأحد، الأستاذ فاروق كلمني وقال لي: * “ندى… أحمد قاعد عندي في المكتب، وشه للين، وجاي بيترجاكِ عشان تنازلي عن قضايا التبديد والشركة، ومستعد يطلقك رسمي ويرد لك كل حقوقك وزيادة.