مربيه ولاد زعيم المافيا كشفت السر اللى اخفى ج٢

أنا جريت ناحية الحمام. مفيش. فتحت الدولاب. مفيش. وبعدين لاحظت باب صغير في الحائط.
كان باب خدمة مخفي. فتحته. سمعت صوت آسر من جوه.
«سلمى!»
دخلت بسرعة. لقيته مستخبي وبيعيط. حضنته.
«إنت كويس؟»
هز راسه.
«راجل خد أخويا.»
اتجمدت.
«مين؟»
«الراجل اللي بييجي بالليل.»
ياسين دخل علينا.
«فين آدم؟»
آسر أشار للممر السري.
«خده من هنا.»
ياسين حمل السـ،،لــ،ـاح وجري. أنا وراه. الممر كان طويل ومظلم، وبينتهي عند باب خلفي للقصر. سمعنا صوت عربية بتتحرك. ياسين خرج بسرعة. لكن العربية كانت اختفت. رجع وهو غضبان بشكل ماشفتهوش قبل كده. لكن آسر كان ماسك في إيدي وبيعيط. وفجأة قال:

«أنا عارف الراجل.»
ياسين ركع قدامه.
«مين؟»
آسر بص له بخوف.
«الدكتور فؤاد.»
ياسين سكت. لكن قبل ما يقدر يتكلم، موبايله رن. رقم مجهول. رد. جاله صوت رجل:
«لو عايز ابنك يرجع… ماتدورش ورا الدكتور.»
ياسين شد على الموبايل.
«إنت مين؟»
ضحكة قصيرة خرجت من الطرف التاني.
«إنت طول عمرك فاكر إن فلوسك تقدر تشتري كل حاجة.»
«لو لمست ابني—»
«ابنك مش هو المشكلة يا ياسين.»
سكت لحظة. وبعدين قال:
«المشكلة إنك قربت تعرف مين قـ،،تــ،ـل مراته.»
المكالمة اتقفلت. بصيت لياسين.
«كان بيتكلم عن أم الولدين.»

ما ردش. فتح الملف القديم بسرعة. بدأ يقلب في الأوراق. وفجأة وقف عند تقرير. قال:
«ده مش تقرير الوفاة.»
«أمال إيه؟»
«ده تقرير سـ،،مــ،ـوم.»
بصيت له.
«وكان فيه مادة غريبة في جسمها؟»
هز راسه ببطء.
«أيوه.»
«وإنت كنت عارف؟»
«التقرير ده ماوصلنيش وقتها.»
سحب نفس عميق.
«حد أخفاه عني.»
في اللحظة دي، وصلت رسالة على موبايله. كانت صورة. صورة آدم مربوط على كرسي. وتحتها رسالة واحدة: “عندك ساعتين تعرف الحقيقة… وإلا مش هتشوف ابنك تاني.”
#حكايات_شروق_خالد
بصيت للصورة وقلبي كان هيقف. آدم كان باين عليه الخوف، لكن عينيه كانوا مفتوحين.
قلت بسرعة:

«ياسين، هو عايزك تتصرف بعصبية. لو روحنا وراه من غير ما نفكر، ممكن يأذي الولد.»
ياسين فضل ساكت ثواني. وبعدين بص لي وقال:
«عندك فكرة؟»
«أيوه.»
رجعت أبص للصورة.
«ابعتله إنك مصدقه.»
ياسين فهم قصدي. رد عليه:
«هعمل اللي طلبته.»
بعد دقائق وصلت رسالة بالمكان. مخزن قديم في أطراف القاهرة. ياسين جهز رجاله، لكني طلبت منه حاجة.
«ماتخليش حد يدخل قبلك.»
«ليه؟»
«لأن اللي عمل كل ده كان عايزك بعيد عن الحقيقة. لازم نعرف الحقيقة الأول.»
وصلنا المخزن. كان هادي بشكل مخيف. دخل ياسين لوحده. بعد لحظات سمعنا صوت إطلاق نـ،،ا،ر.