نفقه متاخره ج٣ منال علي
ابتسمت. حكايات منــال عـلـي
ابتسامة طالعة من قلبي لأول مرة من شهور.
وقلتله:
“الندم الحقيقي… إني ضيعت وقت من عمري وأنا مصدقة كل كلمة كنت بتقولها.”
مسكت الشنطة.
فتحت الباب.
وبصيت للشقة آخر بصّة.
البيت اللي كنت فاكرة إنه أمان…
طلع مجرد مكان مليان كدب.
قفلت الباب ورايا…
ونزلت السلم. حكايات منــال عـلـي
ومع كل درجة كنت بنزلها…
كنت حاسة إني بسيب ورايا حمل تقيل، وماضية ناحية حياة جديدة.
بعد الطلاق بكام شهر…
كنت ماشية في السوق بجيب شوية طلبات.
ولقيت حد بينادي عليا.
لفيت…
لقيت أم البنات.
أول ما شافتني، حضنتني من غير ما تقول كلمة.
وبعدين ابتسمت وقالت:
“الحمد لله… البنات بقوا مستنيين أول كل شهر، مش علشان أبوهم يفتكرهم… لكن علشان حقهم بقى بينزل لوحده.”
ضحكت وقلت:
“أهو المهم إن حقهم بقى بيوصل.”
قالت وهي بتبص بعيد:
“والأهم من الفلوس… إنهم بطلوا يقعدوا كل عيد وكل عيد ميلاد مستنيين باب مش هيتفتح، ولا
تليفون مش هيرن.”
ساعتها حسيت إن الجملة دي وجعتني أكتر من أي حاجة.
لأن أصعب وجع على الطفل…
إنه يفضل مستني حد عمره ما هييجي.
رجعت بيتي…
وقعدت أبص من البلكونة وأنا بشرب فنجان قهوة.
واكتشفت إن ربنا ساعات بيكشفلك الحقيقة متأخر…
بس بيكشفها في الوقت اللي ينقذك.
ولو كنت خلفت من أحمد…
كان ممكن ألاقي نفسي بعد سنين في نفس مكان طليقته.
أجري ورا نفقة…
وأستنى راجل يفتكر إن عنده عيال.
وقتها حمدت ربنا ألف مرة إنه فتح عيني بدري. متوفره على روايات واقتباسات
أما أحمد…
فسمعت بعد كده من ناس مشتركة بينا إنه بقى أول كل شهر، أول ما المرتب ينزل، يفضل يبص في موبايله مستني رسالة البنك.
الرسالة اللي بتقوله إن جزء من مرتبه اتحول تلقائيًا لحساب بناته.
كل شهر…
نفس الرسالة.
ونفس الوجع.
يمكن الفلوس بقت بتتخصم في ثواني…
بس الإحساس إنه كان فاكر نفسه هيهرب من مسؤوليته، وبقى مجبور يدفعها كل شهر، كان بيوجعه أكتر من الخصم نفسه.
وساعتها فهمت إن ربنا مش لازم ينتقم من الظالم بصوت عالي.
أوقات العقاب بيبقى هادي جدًا…
رسالة
صغيرة على الموبايل.
لكن بتفضل تفكره كل شهر، وكل سنة، بالغلط اللي حاول يهرب منه… وماعرفش.
تمت
ولو إنتوا مكاني… كنتوا هتروحوا تدوروا على الحقيقة بنفسكم؟ ولا كنتوا هتصدقوا كلام جوزكم وتقفلوا الموضوع؟
