زوجتي الثانيه ج1 شيمو
مراتي التانية قلبت حياتي جحيم”
“أنا اتجوزت التانية عشان أخلف… لكني ما كنتش أعرف إن التوأم اللي ربنا رزقني بيهم هيكونوا السبب في إن بيتي الأول يتحول لمعركة… وإن الست اللي وثقت فيها هتبقى هي أول واحدة تطلب مني أعمل حاجة ممكن تخليني أخسر كل حاجة!”
مقالات ذات صلة
خلفة صبيان
منذ 14 ساعة
حكايات امانى السيد 3
منذ 18 ساعة
حكايات امانى السيد 2
منذ 18 ساعة
حكايات امانى السيد 1
منذ 18 ساعة
أنا متجوز من عشر سنين.
عشر سنين من غير أولاد، وعشر سنين وأنا ومراتي الأولى بنلف على الدكاترة، نسافر من محافظة لمحافظة، وندفع فلوس كتير، وفي الآخر الأطباء كلهم قالوا نفس الكلام:
“مفيش مانع طبي واضح عند أي حد فيكم.”
مراتي عمرها ما عايرتني، ولا قالتلي كلمة تضايقني، بالعكس… كانت دايمًا تقول:
— ربنا لما يريد هيرزقنا.
وأهلها كمان وقفوا معايا في أصعب ظروفي، ولما ورثت فلوس حطتها تحت إيدي وقالتلي: — إحنا مش غرب عن بعض.
لكن كلام الناس كان بيوجعني.
لحد ما بدأت أفكر في الجواز التاني.
اتجوزت في الغربة، والجواز كان رسمي، ومراتي الجديدة كانت عارفة إني متجوز وعارفة إن مراتي الأولى هتعرف في يوم من الأيام.
في البداية كانت هادية جدًا…
لكن بعد فترة بدأت أشوف وش تاني.
مرة قالتلي: — إنت هتفضل مخبي جوازنا لحد إمتى؟
قلت: — لحد ما ألاقي الوقت المناسب.
ضحكت وقالت: — الوقت المناسب؟ ولا إنت خايف منها؟
عديت كلامها.
وبعدها بشهور ربنا رزقني بتوأم ولاد.
كنت طاير من الفرحة.
سميت واحد على اسم أبويا، والتاني على اسم أبو مراتي الأولى، وقلت لنفسي: “مهما حصل… دي عشرة عمر ومينفعش أنكر فضلها.”
لكن مراتي التانية أول ما عرفت إني سميت ابني على اسم والد مراتي الأولى اتغير وشها.
قالت: — حتى ولادنا عايز تدخلها فيهم؟
قلت: — ده اسم راجل وقف جنبي وساعدني.
ردت بحدة: — لا… إنت لسه بتحبها.
ومن اليوم ده بدأت المشاكل.
بقت كل شوية تقول: — لازم تنزل مصر وتطلقها.
قلت: — مستحيل، خصوصًا إنها حامل دلوقتي.
اتجمدت مكانها وقالت: — حامل؟!
قلت: — أيوه… عرفت من شهرين.
بصتلي وقالت: — يعني أنا أخلفلك توأم… وهي كمان حامل؟!
وساعتها لأول مرة شفت الغيرة في عينيها.
بعدها بدأت تضغط عليا بشكل مرعب.
مرة قالت: — لو بتحب ولادك، لازم تختار… أنا وولادي، أو هي.
