قبل الجمعه ج1 شروق خالد
بصت للساعة.
«الأربعاء.»
غمضت عيني لحظة.
«يعني قدامي يومين.»
سماح قربت وقالت:
«مش يومين يا أستاذ ياسين.»
فتحت عيني وبصيت لها.
«ليه؟»
قالت:
«لأني سمعت حاجة أخطر.»
سكتُّ.
«إيه؟»
بصت ناحية الباب، وبعدها قالت:
«النهارده الصبح، قبل ما نادين تدخل لحضرتك، سمعتها بتتكلم مع الدكتور سامح.»
اتشد جسمي كله.
«الدكتور سامح؟»
«أيوه.»
«قالوا إيه؟»
سماح قربت مني أكتر.
«قالت له إن الجرعة لازم تتاخد الليلة.»
فضلت ساكت.
«أي جرعة؟»
«ماعرفش. بس الدكتور قال لها إن جسم حضرتك ضعيف وممكن ما يستحملش.»
قبضت إيدي.
الدكتور سامح كان طبيبي الخاص من سبع سنين.
راجل كنت بثق فيه أكتر من ناس كتير من عيلتي.
قلت:
«يبقى الخيانة أكبر مما كنت فاكر.»
سماح بصتلي وقالت:
«أنا كنت عارفة إن في حاجة غلط من يوم الحادث.»
«ليه؟»
«عشان قبل الحادث بيوم، سمعت نادين بتتكلم مع الأستاذ شريف.»
«ابن عمي؟»
هزت راسها.
«كانت بتقوله: لو ياسين مات، الشركة هتروح لمين؟»
سكت لحظة.
«وقال لها إيه؟»
«قال لها: متقلقيش… كل حاجة متظبطة.»
بصيت للسقف وأنا بحاول أجمع الخيوط.
الحادث.
نادين.
شريف.
الدكتور سامح.
والمحامي.
كل واحد فيهم كان عنده سبب.
لكن كان فيه سؤال واحد مش لاقي له إجابة.
مين صاحب الخطة؟
قلت:
«سماح، أنا محتاج منك خدمة.»
«أي حاجة.»
«هتخرجي من هنا دلوقتي، وتتصرفي طبيعي جدًا.»
هزت راسها.
«بس لو حد سألك، تقولي إنك جيتي تغيري الورد وملقتيش أي حاجة غريبة.»
«حاضر.»
«وبعدها تروحي مكتبي القديم.»
اتوترت.
«مكتب حضرتك؟»
«أيوه. فيه خزنة صغيرة ورا اللوحة اللي عليها صورة والدي.»
«عايزاني أجيب إيه؟»
«فلاشة سودا.»
بصتلي باستغراب.
«هتلاقي عليها تسجيلات ومعلومات عن حسابات الشركة.»
«وبعدين؟»
«هتجيبيها هنا من غير ما حد يشوفك.»
سماح سكتت لحظة، وبعدها قالت:
«ولو حد شافني؟»
بصيت في عينيها.
«متخليش حد يشوفك.»
ابتسمت ابتسامة صغيرة رغم خوفها.
«حاضر.»
وقبل ما تخرج، مسكت إيدها.
«سماح.»
بصتلي.
«لو حصل لي أي حاجة…»
قاطعتني فورًا.
«مش هيحصل.»
«اسمعيني.»
سكتت.
قلت:
«لو حصل لي أي حاجة، الفلاشة دي تروحي بيها للشرطة.»
هزت راسها.
لكن قبل ما تفتح الباب، سمعنا صوت خطوات في الممر.
سماح اتجمدت.
وأنا رجعت غمضت عيني فورًا.
الباب اتفتح.
دخل الدكتور سامح.
ورا منه نادين.
سمعت صوتها وهي بتقول:
«هو لسه زي ما هو؟»
الدكتور رد:
