ليله فرحي جوزي مسك المايك

يوم فرحي جوزي مسك المايك واتعهد قدام الكل انه هيصرف على اخته لحد ما تخلص جامعتها رغم ان مش هيفضل من مرتبه غير 3 الاف جنيه لينا…بس اللي امي عملته خلاه ندم على كل حرف قدام الناس
في القاعه مذيع ال DJ لسه بيغني ويرحب بالضيوف، بس عصام خـــ,طف المايك منه.
كل العيون في القاعة اتعلقت بيه. لابس بدلة شيك ومحضر كلمته، ووشه أحمر من الحماس.
قلبي وقع في رجلي، حسيت بخــ,,نقة، وكأن فيه مصــ,يبة جاية في الطريق.
عصام اتنحنح وقال

يا جماعة، حبايبنا وأهلنا، النهاردة يوم فرحي أنا وندى.. بشكركم كلكم إنكم شرفتمونا.
التصفيق بدأ يهدا.. وأنا قاعدة في فستاني الأبيض، حاسة إني زي وردة بتدبل قبل أوانها.
عصام خد نفس طويل، وصوته عليّ
في اليوم ده، عايز أخد عهد على نفسي قدامكم كلكم!
ما بصليش ولا مرة. عينه كانت في ترابيزة العيلة أبوه وأمه وأخته سارة قاعدين بيسمعوه بفخر.
سارة كانت بتبتسم بغرور، وحمايا الحاج مصطفى بيهز راسه كأنه بيقول له ده ابني البطل.
حماتي فوزية

مقالات ذات صلة

اتصل بي ابني
منذ يوم واحد

قصة مزارع
منذ أسبوع واحد

قفلت المكالمه مع حماتي
منذ أسبوعين

لمدة ثمانية عشر عامًا
منذ أسبوعين
ماسكة إيد بنتها وعنيها بتلمع، كأن اللي بيتقال ده إنجاز قومي عيلة أبو عصام عملته.
أنا عصام، رغم إن

مرتبي 15 ألف جنيه بس…
سكت شوية عشان يدراما
أوعدكم إني هشتغل ليل نهار، وهشيل مسئولية بيتي، والأهم من ده.. إني هتكفل بمصاريف سارة أختي، أكل وشرب وجامعة، لحد ما تتخرج!
القاعة سكتت ثانية.. وبعدها انفجــ,رت تصفيق.
راجل!، ده الأخ بجد!، يا بخته بأهله!
حمايا قام وقف يرفع كاس العصير أو الشربات، وحماتي بتنشف دموع التماثيل.
أنا؟ أنا كنت قاعدة زي التمثال، حاسة إن دمي نشف.
مرتبه 15 ألف.. قسط الشقة 12 ألف.

يفضل 3 آلاف جنيه.. دول يا دوب يكفوا كهرباء، مية، غاز، ومواصلات، وفطار وعشا.
أنا مرتبي كويس، بس كان فيه اتفاق إن فلوسي للبيت والادخار والمستقبل، وهو اللي عليه المصاريف الأساسية.
دلوقتي، هو جايب سارة يركبها على كتافنا؟
هو فاكر نفسه مين؟ وليه يخلي مستقبلنا سبوبة عشان يبان قدام الناس إنه الأخ الشهم؟
مسكت إيدي تحت الترابيزة لدرجة إن ضوافري
غرزت في جلدي. غضب، إهانة، إحساس بالخــ,يانة.. مكنتش قادرة آخد نفسي.
عصام نزل من على المسرح كأنه بطل قومي، من غير حتى ما يبص لي. راح قعد وسط أهله، وأنا بقيت مجرد ديكور في فرحي.