جوزي جاب عشيقته حفله الشركه وقال دي مراتي ج٢ منى السيد
موقع أيام نيوز
وقف باحترام وشاور لي بإيده، وقعدت قصاده.
تشربي إيه يا مدام هدى؟ قهوة مظبوطة زي النهاردة؟ قالها بابتسامة خفيفة.
قلت بجدية من غير ما أضيع وقت
سيبك من القهوة دلوقتي يا أستاذ محمود، ودخل في الموضوع عل طول. إيه اللي أحمد خابه عنكم وعني؟ وإيه حكاية الورق اللي بتقول عليه؟
محمود اتنهد، وشرب رشفة من قهوته، وبعدين حط الفنجان على الترابيزة وبص لي بعينين مركزتين
أحمد نزل الشغل من حوالي سنة. في أول شهرين، كان إنسان طبيعي ومجتهد. لكن من حوالي ست شهور، الحسابات بدأت تلخبط. فيه تحويلات مالية بتخرج من حسابات الشركة لحسابات برة، حسابات شخصية مشپوهة، وكنا فاكرين إن الغلطة من قسم المراجعة والماليات.
الكلمات نزلت عليا زي الصاعقة. حسيت إن البرد سرى في جسمي.
تحويلات مالية؟! تقصد إيه؟ إنت بتتهم أحمد بالسړقة؟!
رد محمود بسرعة
مش پتهم، دي حقيقة بالدليل. والست اللي كانت معاه امبارح على المسرح، دي مش مجرد زميلة أو صاحبة في السر.. دي المحاسبة اللي كانت مساعدة أحمد في القسم، واللي سهّلت له كل الثغرات عشان يسرقوا فلوس الشركة ويهربوا بيها بره مصر قريب!
سندت ظهري على الكرسي وأنا حاسة إن الهوا اقطع من صدري. أحمد؟ جوزي اللي كنت فاكراه غلبان وبيجي تعبان من الشغل عشان يوفر لنا لقمة العيشتين بالحلال.. حرامي؟ وسارق ملايين؟!
طب وإنت ليه عملت كل ده امبارح قدام الكل بدل ما تبلّغ عنه البوليس وتسكت؟ سألته بصوت مرتعش.
محمود بص لي نظرة طويلة وقال
لأسباب كتير، أولها إن الشركة مكنتش عايزة فضايح إعلامية تؤثر على أسهمها في السوق، وكان البلان إننا نمسكهم متلبسين في السفرية اللي مجهزين لها في الغردقة الأسبوع الجاي. بس لما عرفت إنك مراته، وإنك ست محترمة وجاية تدوري على حقك وتكشفي الحقيقة بعينك، حسيت إن واجبي مش بس أحمي الشركة.. واجبي كمان أنقذك أنتِ وبنتك قبل ما البوليس يخبط على باب بيتكوا وتلاقي نفسك في وسط مصېبة إنتِ مالكيش ذنب فيها.
سكتّ وأنا ببتسم بۏجع. يعني هو مكنش بيكدب عليا في الحفلة وبس، ده كان باني حياته كلها على كدبة كبيرة، وكان بيجهّز لشنطة سفر وهروب مع الست دي بالفلوس اللي مسروقة من عرق ناس تانية!
قلت بصوت ناشف
والعمل إيه دلوقتي يا أستاذ محمود؟ أحمد مش معايا في البيت، طردته امبارح بالليل لما عرفت الحقيقة.
محمود طلع من شنطته ظرف أبيض كبير وحطه قدامي على الترابيزة وقال
الظرف ده فيه كل المستندات، صور التحويلات، اسم الحسابات البنكية، وأسامي الشقق والعقارات اللي اشتراها باسمه وباسمها في مدن جديدة. الورق ده كفيل يدخل السچن عشر سنين، ويضمن ليكي ول بنتك كل حقوقكم المالية والشرعية قبل ما يهرب للبرا.
فتحت الظرف بعينين بتترعش، وبصيت للأوراق والمستندات الرسمية، لقيت
