بعد ١٠ ايام جواز

بعد 10 أيام جواز بس.. نسي موبايله في الحمام رن لقيت اسم لورين.. فتحت الشات لقيته كاتبلها رساله بيقولها وحشتيني أنا اتجوزت عشان أنساكي!
بيان كانت بنت عادية جدا بس قلبها مش عادي بنت متربية في بيت بسيط في منطقة شعبية ابوها ماټ وهي صغيرة وسراج اخوها الكبير هو اللي شال مسئوليتها وامها كانت بتشتغل في حضانة الصبح هادية وبتتكسف ومالهاش في جو البنات بتاع السوشيال ميديا، صاحبتها الوحيدة نادين اللي معاها من ابتدائي.
وفي يوم فرح بنت خالة نادين بيان راحت معاها ولابسة فستان بسيط جدا لونه لبني وشعرها معمول كحكة بسيطة بس كانت زي القمر، هناك شافها مهند مهندس مدني ابن ناس ومتربي شكله حلو وعنده شقة وعربية واي بنت تتمناه بس هو كان بيدور على واحدة هادية بنت حلال، من اول ما عينه جت على بيان حس ان قلبه دق راح سأل نادين مين البنت اللي معاكي دي نادين ضحكت وقالت له دي بيان اختي مش اي حد.
مهند طلب رقم سراج اخوها تاني يوم على طول وسراج سأل عليه وعرف انه محترم وابن حلال وكلم معاذ صاحبه اللي شغال مع مهند في نفس الشركة معاذ قاله يا سراج مهند ده راجل بمعنى الكلمة وانا اضمنهولك برقبتي، وجه اتقدم بيان اول ما شافته في الرؤية الشرعية اتكسفت جدا بس حست براحة غريبة كلامه كان موزون ومحترم بيقولها انا مش بتاع لف ودوران انا عايز واحدة تصون بيتي.
بيان وافقت والخطوبة اتعملت بسرعة وكانت ست شهور بس ست شهور كان فيهم كل حاجة حلوة مهند كان بيجيب لها ورد وشيكولاتة بيخرجها بيكلمها كل يوم بالساعة يقولها بحبك ووحشتيني كان بيغير عليها من اي حد، بيان كانت طايرة من الفرحة وكانت بتحكي لنادين انها اخيرا لقت الراجل اللي هيعوضها عن كل حاجة.
وجه يوم الفرح الفرح كان في قاعة كبيرة وبيان كانت لابسة فستان ابيض جميل جدا ومهند كان لابس بدلة شيك والناس كلها بتبارك واتجوزوا وراحوا شقتهم الجديدة اللي مهند كان موضبها على اعلى مستوى، اول اسبوع كان حلم شهر عسل في البيت مهند كان شايلها من على الارض شيل بيعملها الفطار بيقولها كلام حب.
لحد ما جه اليوم المشئوم بعد جوازهم بعشر ايام بالظبط مهند نسي موبايله في الحمام ودخل يجيب فطار من تحت الموبايل رن بيان عمرها ما كانت بتفتش وراه بس الاسم اللي ظهر خلاها تتجمد مكانها لورين مين لورين دي مسكت الموبايل بايد بتترعش وفتحت الشات لقت اخر رسالة هو اللي كاتبها كاتب وحشتيني اوي يا لورين انا عارف اني ظلمتك بس والله العظيم اتجوزت عشان انساكي ومش عارف انساكي انتي لسه في قلبي.
بيان حست انها هتقع من طولها يعني