ناكره الجميل ج٢ صافي هاني

كل اللي في الشقة اتجمدوا حماتي بهت لونها ومسكت طرف الكرسي عشان ماتقعش نجلاء بدأت تبكي وهي بتحضن بطنها أما كريم فكان بيبص للباب مرة وليا مرة كأنه بيدور على أي طريق يهرب منه الخبط زاد والصوت رجع تاني افتحوا الباب حالًا كريم همس بسرعة ماحدش يفتح لكن الباب اتفتح قبل ما يكمل كلامه كان الجيران واقفين في السلم بعد ما سمعوا الخناق وخلفهم دخل ضابط ومعاه اتنين من أفراد المباحث بص الضابط علينا كلنا وقال بهدوء مين الأستاذ كريم كريم رفع إيده وهو بيحاول يبان ثابت أنا قال الضابط محتاجين نتكلم معاك شوية حماتي دخلت في الكلام بسرعة هو في إيه يا حضرة الضابط رد بهدوء وصلتنا معلومات جديدة خلتنا نعيد فحص ملف وفاة المرحوم سامح ولقينا أدلة ماكنتش موجودة وقت التحقيق الأول قلبي دق بقوة بصيت للظرف اللي في إيدي وفهمت إن الرسالة دي مش صدفة الضابط لمح الظرف وقال إيه اللي معاكي ده قلت دي رسالة المرحوم سامح كاتب اسمي عليها وفيها فلاشة أول ما كريم سمع كلمة فلاشة اندفع ناحيتي يحاول يخطفها لكن فرد المباحث مسكه من دراعه بسرعة وقال بحدة مكانك كريم حاول يفلت وهو بيزعق دي أكاذيب... دي بتلفق لي الضابط أخد الظرف من إيدي بحرص وطلع الفلاشة طلب من أحد الأمناء يشغلها على اللابتوب اللي كان معاه سادت لحظة صمت تقيلة وبعدين اشتغل أول فيديو ظهر سامح بنفسه قدام الكاميرا وشه كان مرهق لكنه كان بيتكلم بثبات قال أنا سامح... ولو الفيديو ده بيتشاف يبقى غالبًا حصل لي حاجة أنا مش مريض زي ما الناس فاكرة ولو مت فجأة يبقى لازم تعرفوا إن في ناس كانت مستفيدة من موتي الكاميرا بعدها اتحولت لتسجيل من الصالة وكان واضح التاريخ والوقت ظهر كريم داخل الشقة وبعده بدقايق ظهرت نجلاء وبعدين... دخلت حماتي التلاتة كانوا قاعدين بيتكلموا وفجأة سمعنا صوت حماتي بوضوح وهي بتقول لازم سامح يبعد من طريقنا وإلا عمر كريم ما هيعرف يعيش حياته مع نجلاء الشقة كلها غرقت في صمت مرعب الضابط وقف الفيديو فجأة وبص لكريم ونجلاء وحماتي وقال بصوت حاسم واضح إن عندنا كلام كتير لازم يتقال في القسم لكن قبل ما أي حد يتحرك طلع صوت من الفيديو كان الضابط وقفه قبل ما يخلص صوت سامح وهو بيقول ولو حصل لي حاجة فاعرفوا إن الدليل الحقيقي مش في الفلاشة... الدليل الحقيقي مستخبي في مكان محدش فيهم يتخيل يفتش فيه...الضابط رجع شغل الفيديو بسرعة ظهر سامح وهو بيبص مباشرة في الكاميرا وقال لو وصلتوا للجزء ده يبقى معناه إنهم لسه بيدوروا على الدليل ومش لاقيينه أنا ما سيبتوش في البيت ولا في العربية ولا في الشغل أنا خبأته في المكان الوحيد اللي هما عمرهم ما هيفكروا يفتحوه صندوق لعب ابني القديم اللي في أوضة أمي جوه الصندوق هتلاقوا ظرف أزرق وفي الظرف كل المستندات والأوراق اللي تثبت الحقيقة الفيديو وقف الضابط بعت في نفس اللحظة قوة تروح تجيب الصندوق وكريم كان واقف ساكت وشه بقى أصفر وحماتي كانت بتتمتم بكلمات مش مفهومة أما نجلاء فانهارت على الكرسي وهي بتبكي بعد أقل من ساعة رجع أحد أفراد المباحث وهو شايل صندوق خشب قديم فتحوه قدام الكل وكان فعلًا فيه ظرف أزرق الضابط طلعه وبدأ يفتح الأوراق أول ورقة كانت تقرير تحليل DNA وبمجرد ما الضابط قراها رفع عينه ناحية كريم في ذهول وقال غريبة... كريم بص له بتوتر خير يا فندم الضابط قلب الورقة تاني وقال التحليل ده معمول من شهور وبيثبت إن الجنين اللي كانت نجلاء حامل فيه وقتها... مش ابن سامح سكت لحظة وكمل وابن شخص تاني حماتي قفلت عينيها وكريم بدأ يتراجع لورا خطوة الضابط فتح الورقة اللي بعدها كانت صور ورسائل وتحويلات بنكية ومستندات تثبت إن العلاقة بين كريم ونجلاء بدأت قبل وفاة سامح بفترة طويلة لكن آخر ورقة هي اللي قلبت كل حاجة كانت عقد تأمين على حياة سامح بمبلغ ضخم جدًا والمستفيد الوحيد منه... ماكانتش نجلاء ولا أي حد من أهله كان اسم كريم مكتوب بوضوح رفع الضابط الورقة قدام الجميع وقال دلوقتي بقى عندنا سبب واضح يخلينا نعرف مين كان مستفيد من وفاة سامح في اللحظة دي كريم فقد أعصابه تمامًا وبدون أي إنذار جرى ناحية باب الشقة بكل قوته وهو بيحاول يهرب لكن أول ما فتح الباب اتفاجأ بأفراد الشرطة واقفين في السلم مستنيينه ولما حاول يفلت منهم صاح بأعلى صوته أنا هقول الحقيقة كلها... بس مش هنا... لأن اللي بدأ الخطة من الأول... مش أنا...رجال الشرطة مسكوا كريم قبل ما ينزل السلم الضابط بص له وقال يبقى قول الحقيقة دلوقتي كريم قعد على أول درجة وهو بينهج وبعدين رفع عينه ناحية أمه لأول مرة ماكانش بيبصلها باحترام كان بيبصلها بخوف وقال بصوت مكسور أنا غلطت... لكن أول واحد اقترح كل اللي حصل ماكنتش أنا حماتي صرخت فيه اسكت لكن الضابط قال بحزم سيبه يتكلم كريم بلع ريقه وقال بعد ما اتجوزت منى بسنتين ولما عرفنا إنها مش بتخلف بسرعة أمي بدأت كل يوم تقولي إن اسم العيلة هيضيع وإن لازم يبقى عندنا حفيد كنت برفض في الأول لكن فضلت تضغط عليا وبعدين لما سامح اتجوز نجلاء وأصبحت قريبة مننا... أمي هي اللي كانت بتخليني أروح أساعدها في أي حاجة بصيت لحماتي وأنا حاسة إن كل كلمة بتأكد اللي كنت شاككة فيه كريم كمل مع الوقت أنا ونجلاء قربنا من بعض ولما عرفت إنها حامل خفت قلت لازم أعترف لمنى لكن أمي قالت لي اسكت وقالت إن سامح هيفتكر الطفل ابنه ولو عرف الحقيقة هيطلقها وساعتها كل حاجة هتضيع نجلاء كانت بتعيط وهي بتقول أنا قلتله بلاش والله قلتله بلاش لكن حماتي صرخت فيها إنتي كمان اسكتي الضابط سأل كريم وسامح مات إزاي كريم نزل راسه وقال أقسم بالله أنا ما قتلتوش آخر مرة شفته كان جاي يواجهني كان عرف إن في علاقة بيني وبين مراته اتخانقنا وساب البيت وهو متعصب وبعدها بساعات عرفنا إنه عمل حادث بالعربية الضابط سأله يبقى ليه خبيتوا الحقيقة رد كريم لأننا كنا عارفين إن الناس كلها هتتهمنا وخافنا الق\ضية تتفتح فخبينا علاقتنا وكملنا الكذب الضابط فضل ساكت شوية وبعدين قال كل اللي قلته هيتحقق منه لكن لسه في أسئلة كتير محتاجة إجابة وفي اللحظة دي دخل أحد أفراد المباحث وهو ماسك ملف جديد وقال يا فندم تقرير الطب الشرعي الجديد وصل حالًا الضابط فتح الملف بسرعة وقرأ أول صفحة وفجأة اتغيرت ملامحه تمامًا رفع عينه ناحية كريم وقال واضح إنك كنت فاكر إن سامح مات في حادث... لكن التقرير الجديد بيقول إن العربية ما خرجتش عن الطريق لوحدها كان فيها عبث متعمد في نظام الفرامل قبل الحادث بساعات...ساد الصمت في المكان كريم انهار تمامًا وقعد على الأرض وهو بيخبي وشه بين إيديه حماتي فقدت تماسكها لأول مرة، أما نجلاء فكانت بتبكي في صمت وهي عارفة إن النهاية وصلت الضابط قفل الملف وقال بهدوء من النهارده كل واحد فيكم هيقول اللي عنده قدام النيابة، واللي عمله هيتحاسب عليه بالقانون اتاخد كريم وحماته ونجلاء للتحقيق، واتفتحت الق\ضية من أول وجديد وبعد شهور من التحقيقات وسماع الشهود وفحص الأدلة، اتكشفت الحقيقة كاملة ثبت إن سامح اكتشف العلاقة بين كريم ونجلاء قبل وفاته، وإنه كان بيجمع الأدلة فعلًا عشان يواجههم ويحمي حقه أما العبث في فرامل عربيته، فقد أثبتت التحقيقات هوية المسؤول عنه، واتحاسب كل من شارك أو أخفى الحقيقة وفقًا لحكم المحكمة أما أنا... خرجت من المحكمة وأنا حاسة إن حملًا تقيلًا اتشال من على قلبي طلبت الطلاق، ورجعت أبدأ حياتي من جديد في الأول كنت فاكرة إن نهاية جوازي هي نهاية عمري لكن اكتشفت إنها كانت بداية لحياة أهدى وأنضف وأكرم اتعلمت إن الخيانة عمرها ما بتستخبى للأبد، وإن الكذب مهما طال لازم ييجي اليوم اللي يقع فيه والإنسان اللي يرضى يظلم غيره، في الآخر بيدفع تمن ظلمه بنفسه بعد سنة كاملة، كنت ماشية في الشارع وأنا مبتسمة لأول مرة من غير وجع عديت من قدام محل حلويات، فاشتريت تورتة صغيرة مش عشان مناسبة لكن عشان أحتفل بحاجة أهم أحتفل إني نجوت نجوت من بيت كان مبني على الكذب ومن ناس كانوا فاكرين إنهم يقدروا يكسروني لكن ربنا رد لي حقي في الوقت اللي اختاره، وأثبت لي إن الصبر عمره ما بيروح هدر ومن يومها بقيت كل ما أشوف حد مكسور أقول له جملة واحدة غيرت حياتي كلها "يمكن اللي خسرته كان نعمة، ويمكن اللي ربنا أخده منك كان عشان ينجيك من شر أكبر." تمت.

مقالات ذات صلة

الدخان

مراد ونور ج1

رماني برا البيت وانا بولد

العوده الى المنزل

يوم فرح اختي

شقه ابويا ج١

اترك تعليقاً إلغاء الرد