ناكره الجميل ج١ صافي هاني

فتحت الظرف بهدوء

طلعت منه ورق متطبق بعناية

وفيه فلاشة صغيرة مربوطة بشريط أحمر

حماتي شهقت

وقالت

اقفلي الورق ده حالا

لكن ما سمعتلهاش

فتحت أول ورقة

كان في أولها بخط واضح

إذا كانت منى هي اللي بتقرأ الكلام ده يبقى أنا غالبًا بقيت في ذمة الله

ولو وصلتلها الجواب ده يبقى معناها إن اللي كنت خايف منه حصل فعلًا

إيدي بدأت ترتعش

وكملت القراءة

يا منى يمكن تستغربي ليه كتبت اسمك إنتي

بس لأني الوحيد اللي لاحظ إن في حاجة غلط بتحصل من شهور

كنت بشوف كريم يدخل بيتي في غيابي بحجة إنه بيطمن على مراتي

وفي الأول كنت بصدق

لكن بعد كده بدأت أشوف نظرات ما تتفسرش

وسمعت كلام خلاني أشك

وقبل ما أموت بأيام ركبت كاميرا صغيرة في الصالة من غير ما حد يعرف

ولو أنا مت موتة طبيعية امسحي الفلاشة دي

أما لو موتي كان مدبر

فسلميها للشرطة

وقبل ما أكمل السطور اللي بعدها

كريم انقض عليا بكل قوته وهو بيصرخ

إوعي تكملي… مش هتستفيدي حاجة

لكن في اللحظة دي خرج صوت من باب الشقة

صوت خبطات قوية متتالية

وصوت راجل بيقول

افتحوا الباب… إحنا من المباحث وعندنا أمر بإعادة فتح التحقيق في وفاة زوج نجلاء…