ناكره الجميل ج١ صافي هاني
وشفت وش كريم اصفر أكتر
لفيت أمشي
لكن وأنا خارجة عيني وقعت على صورة صغيرة فوق المكتبة
كانت صورة جوز نجلاء الله يرحمه
ولاحظت حاجة خلت رجلي تتجمد
تاريخ الصورة
كان متصور فيها قبل وفاته بأسبوع
لكن اللي لفت نظري ماكانش التاريخ
كان ظرف بني صغير ظاهر على طرف الترابيزة في الصورة ومكتوب عليه بخط واضح
وصية خاصة لا تفتح إلا بعد وفاتي
قلبي دق بسرعة
لأن نفس الظرف كان موجود قدامي دلوقتي فوق الدولاب في نفس المكان بالظبط
يعني الوصية عمرها ما اتفتحت
رفعت عيني ناحية نجلاء
لقيتها أول ما شافتني ببص للظرف وشها اتغير فجأة وجريت ناحيته بسرعة وهي بتخبيه ورا ضهرها
لكن كان فات الأوان
كنت شفت اسم الشخص المكتوب على الوصية
وماكانش اسم نجلاء
ولا اسم كريم
كان اسمي أنا
وفي اللحظة دي عرفت إن جوز نجلاء قبل ما يموت كان سايب لي رسالة محدش فيهم كان عايزني أشوفها
ولما مديت إيدي ناحية الظرف صرخ كريم لأول مرة بصوت مرعوب
إوعي تلمسيه…ي متابعه ولايك عشان القصص هناك معظمها حصري وعشان يوصلك كل جديد♥♥♥♥♥♥♥
@أبرز المعجبين
#حكايات_صافي_هاني
#حصري
اتلفت ناحيته بهدوء
كانت أول مرة أشوف الرعب الحقيقي في عينيه
لا رعب واحد اتكشف وهو بيخون
لكن رعب واحد عارف إن الحقيقة لو خرجت هتضيع كل حاجة بناها بالكذب
قلت وأنا مابعدتش عيني عن الظرف
وليه ما ألمسوش
حماتي اتحركت بسرعة ووقفت قدامي وقالت
سيبيه مكانه ده مالكيش دعوة بيه
ابتسمت ابتسامة صغيرة وقلت
الغريب إنه مكتوب عليه اسمي يبقى إزاي ماليش دعوة
نجلاء كانت ماسكة الظرف بإيديها الاتنين وبتترعش
وكريم قرب منها وقال بصوت واطي
ادخلي الأوضة
لكنها فضلت واقفة مكانها
واضح إنها هي كمان بقت خايفة
مديت إيدي ناحية الظرف
حماتي حاولت تمنعني
لكنها اتأخرت
خطفته من إيد نجلاء بسرعة
أول ما بقى في إيدي كريم اندفع ناحيتي يحاول ياخده
رجعت خطوة لورا وقلت
لو قربت مني هكسر الظرف وأقرأ اللي فيه قدام كل الناس
وقف مكانه
كان عارف إني مش بهزر
