اخت جوزي كانت تبعتلي

موقع أيام نيوز

والمحلات عشان يوسعوا تجارتهم!
الإجمالي ما كانش مجرد 100 ألف جنيه مقابل تربية عيالهما، ال 100 ألف دول كانوا مجرد التمويه اللي أخته بتدفعه كأقساط شهرية تحت مسمى مصاريف العيال عشان حماتي ما تشكش فيهم، لكن الحقيقة إن جوزي قبض تمن ورثي كاش بالكامل وراح حطه وديعة باسمه في البنك، وكان بياخد الأقساط الشهرية من أخته يحطها فوق الوديعة، في الوقت اللي أنا كنت بطحن فيه نفسي مع عيالها وبحسب القرش عشان بنتي!
وقفت في وسط المكتب والدنيا بتلف بيا، وصوت أخته لسه صادر من السماعة الخارجية وهي بتزعق وتقول
إنت مش قولت إنك مضيتها على التنازل والتوكيل وبقيت في أمان؟! إزاي الورق ده يقع في إيدها؟ رجعلي فلوسي والتوكيل يا أحمد وإلا هحبسك!
قربت من الموبايل ورديت عليها وصوتي طالع من وسط بركان
فلوسك مش هترجعلك يا نادين.. والبيت اللي اشتريتيه من الحرامي ده بفلوس شقايا وتربيتي لعيالك، مش هتعتبي عتبته!
أحمد جوزي ھجم على الموبايل وقفل السكة، وجه يمسك إيدي وهو وشه أصفر زي الأموات وبيترعش
دينا.. اسمعيني بس، أنا عملت كده عشان نشتري شقة تمليك باسمنا وباسم بنتنا، أنا مخبيتش الفلوس لنفسي، الوديعة دي عشان أأمن مستقبلنا!
ضحكت بۏجع وقرفت وأنا ببعد إيده عني
تأمن مستقبلنا؟ تقوم تسرق ورث أبويا اللي لسه مېت؟ وتخليني خدامة لعيال أختك سنتين وتظلمني وتخليني آجي على صحتي لحد ما تعبت، وإنت بتقبض تمن تعبي وتمن ورثي من ورايا؟! وكمان جاي تلومني إني خربت مستقبل أختك لما بطلت أربي عيالها؟!
في اللحظة دي، الباب اتفتح ودخلت حماتي ونادين أخته، وشهم كان مليان غل وبجاحة، حماتي صړخت فيا
جرى إيه يا بتاعة إنتِ؟ هتعملي لينا فيها قاضي؟ ابننا وباع واشترى بيكِ وبتوكيلك، والبيت بقا باسم بنتي ونادين معاها عقد بيع مسجل بالشهر العقاري، أعلى ما في خيلك اركبيه! مالكيش عندنا هنا ولا ليكي في بيت أبوكي قشة!
بصيت لنادين وقلت لها بمنتهى الثبات والبرود
العقد المسجل ده يبليه وتشربي مېته يا نادين.. إنتِ نسيتي إن التوكيل اللي أحمد استخدمه عشان يبيعلك، كان توكيل إدارة عام مش توكيل بيع للنفس والغير لمال محدد! والشرط ده أبويا الله يرحمه كان محفظهوني زي اسمي، أحمد غفلني ومضاني على توكيل إدارة، وراح زور بند البيع بالاتفاق مع موظف مرتشي عشان يمرر العقد في الشهر العقاري!
أحمد أول ما سمع كلمة تزوير، ركع على ركبه وبدأ يعيط
دينا.. أبوس رجلك بلاش سجن، أنا الموظف صاحبي وهو اللي مشالي الورق، لو اتكشفنا هنضيع إحنا الاثنين!
نادين صړخت ولطمت على وشها
تزوير؟! يا مصېبتي! يعني فلوسي والبيت ضاعوا؟!
قلت لهم وأنا بلم الإيصالاات والورق كله في شنطتي وبمسك إيد بنتي
بكرة الصبح، البلاغ هيكون قُدام النائب العام.. قضية تزوير في