قبل فرحي باسبوع ج2 منال علي
كل ما أغمض عيني أشوف وشوش الناس وهي بتتفرج.
وأسمع صوت بابا وهو بيزعق.
وأفتكر نظرة خطيبي…
نظرة عمرها ما هتطلع من دماغي.
وبقيت أسأل نفسي كل دقيقة…
حتى لو الجواز تم…بقلـم حكايات منـال علي
إزاي هرجع العمارة دي؟
إزاي هدخل الشقة والناس كلها فاكرة المشهد؟
وإزاي أبص في عين خطيبي بعد اللي حصل؟
لكن السؤال اللي كان بيقت*لني أكتر من أي حاجة…
كان:
هو بابا عمل كده ليه…؟ وهل اللي حصل كان مجرد لحظة غضب… ولا كان بداية كارثة هتنسف فرحي كله قبل ما يبدأ؟
يـتبع 👀
قعدت في أوضتي لحد الفجر، ولا لقمة دخلت بقي، ولا دموعي وقفت.
كل شوية الموبايل ينور باسم خطيبي.
مرة… اتنين… عشرة…
لكن ماكانش عندي قدرة أرد.
كنت حاسة إني مكسورة.
الصبح، سمعت خبط خفيف على باب الأوضة.
كان بابا.
فتح الباب بهدوء، ولأول مرة من امبارح كان شكله هادي.
قال: “انزلي… في حد مستنيكي.”
نزلت وأنا قلبي بيرتعش.
اتفاجئت بخطيبي قاعد في الصالون، ومعاه أبوه وأمه.
افتكرت إنهم جايين يفسخوا الخطوبة.
قعدت وأنا مش قادرة أرفع عيني.
بابا اتكلم الأول وقال:
“أنا آسف على اللي حصل… لكن اللي عملته كان خوف.”
خطيبي بص له وقال بهدوء:
“خوف من إيه يا عمي؟”
بابا أخد نفس طويل وقال:
“أنا اتربيت إن البنت حتى لو مكتوب كتابها، ما تدخلش شقتها قبل الفرح. وخفت حد يشوفهم ويتكلم عليهم، أو حد يطلع إشاعة تبوظ سمعة بنتي.”
سكت لحظة، وكمل بصوت مكسور:
“بس أنا غلطت… غلطت لما مديت إيدي عليها، وغلطت أكتر لما جرحتها قدام الناس.”
بصلي لأول مرة من امبارح وقال:
“سامحيني يا بنتي.”
الدموع نزلت من عيني تاني.
لكن الجرح كان أكبر من كلمة “آسف”.
وقبل ما أتكلم، خطيبي قال:
“يا عمي… أنا مقدر خوفك، لكن اللي حصل مايتقبلش. دي مراتي قدام ربنا والناس، وإهانتها قدامي كانت إهانة لينا إحنا الاتنين.”
البيت كله سكت.
أم خطيبي قالت بهدوء:
“الموضوع لازم يقف هنا. إحنا مش هنخسر بعض بسبب لحظة غضب.”
افتكرت إن كل حاجة انتهت.
لكن بعد العصر حصلت المفاجأة.
جرس الباب رن.
ولما فتحنا…
لقينا عم إبراهيم، بواب العمارة، ومعاه صاحب السوبر ماركت وكام واحد من الجيران.
كلهم داخلين.
استغربنا جدًا.
عم إبراهيم قال:
“إحنا جايين عشان نقول كلمة حق.”
وبص لأبويا وقال:
“إحنا شفنا اللي حصل… لكن كمان شفنا إن البنت ماعملتش أي حاجة غلط. كانت طالعة تحط جهازها وتنزل، والباب كان مفتوح، ومافيش حاجة تستدعي كل اللي حصل.”
