زوج منسيه ج٣ منال علي

— أنتِ فرحتي معايا في يوم من الأيام يا هناء؟ ولا كله كان نكد؟

السؤال ده خلاني أدمع.. لأن الحقيقة أيوة، أنا فرحت معاه.. في أول سنين جوازنا كنت سعيدة جداً ومبسوطة بالضحكة اللي على وشه.

ابتسمت والدموع في عيني:

— فرحت يا شريف.. لحد ما بدأت أختفي وأتلاشى جوة الجوازة ومبقاش ليا وجود.

وطى رأسه ومشي.. وأعتقد إنه أخيرًا فهم الدرس.

—بقلم منــال عــلي

النهاردة بقالي سنتين كاملين من يوم السفرية دي..

لسه بشتغل وبكبر في مجالي وبقبض كويس.. بسافر مع أمي كل فترة والتانية نتبسط.. واتعلمت أنام بالليل من غير ما يكون فيه جبل جاثم على صدري أو ضربات قلب سريعة من التوتر.

والغريب؟ بقلم منــال عــلي

محدش عاد بيقول عليا “أنانية” عشان قررت أرتاح أو أهتم بنفسي.

ساعات بفتكر شريف.. مش بـ غل ولا كره..

بفتكره كـ شخص ساب أمه تاخد مساحة كبيرة أوي في حياته وبيته.. لحد ما المساحة دي طردت مراته برا حياته بالكامل.

الأسبوع اللي فات، لقيت صورة قديمة لينا وإحنا في الساحل.. بقلم منــال عــلي

كنت مبتسمة في الصورة بس عيني باين فيها التعب والإرهاق.. وشريف حاضن أمه.. وطنط سعاد بتشاور بـ صباعها وبتختار المكان اللي هنتعشى فيه بالليل والكل بينفذ.

فضلت باصة للصورة دي كتير..

وبعدين استوعبت حاجة مهمة جداً وفهمتها بجد:

أنا قضيت سنين من عمري بحاول أكون مقبولة ومحبوبة في وسط “عيلة” ما كانتش بتحبني غير طول ما أنا “خدامة لراحتهم وممولة لطلباتهم”..

والحب المشروط.. عمره ما كان حب حقيقي.. ده كان استغلال متغطي بكلمة عيلة.

النهاردة شقتي لسه هادية وفاضية..بقلم منــال عــلي

بس الهدوء ده خفيف ويشرح القلب..

مفيهوش خوف من نقد..

مفيهوش نظرات حموات بتراقبك وبتحاسبك على ضحكتك وأكلك..بقلم منــال عــلي

ومفيهوش إحساس إنك لازم تثبتي قيمتك وشطارتك وفلوسك كل ثانية عشان يرضوا عنكِ.

من كام يوم، أمي كانت قاعدة معايا في البلكونة بتشرب الشاي.. بصت حواليها وقالتلي:

— أنتِ مبسوطة بجد يا هناء وأنتِ لوحدك كدة؟ مابتتخنقش؟

فكرت ثواني قبل ما أرد عليها..

لأن لأول مرة في حياتي كلها..

أنا ما كنتش لوحدي.. بقلم منــال عــلي

أنا أخيرًا رجعت لنفسي، ونفسي بقت معايا وفي حضني من تاني.بقلم منــال عــلي