عشق بقلب عنيد زهره الربيع

وتين دخلت كمان تستحمى وعز طلع راح لميار علشان يمشيها
ميار لبست وجهزت وقبل ما يخبط عليها فتحت وقالت انا جاهزه ..هات بقيه حسابي

عز ضحك وقال..لسه زي ما انتي بتلمعي اوكر

ضحكت وقالت لا يا خويا انتو الي صوت ضحككم كان مسمع وباين انكم اتصالحتو..بس انا قصداك في خدمه يا ريت توصلني بعربيتك الدنيا قربت تليل وبتمرمط في الموصلات

عز قال..تمام مفيش مشكله يلا
في الوقت ده طلعت لهم وتين وقالت بضيق يلا فين

عز قال بابتسامه.. هوصلها وهجيلك جري
وتين قالت بقلق منها ..لا متوصلهاش ولا اقولك خدني معاك
ميار قالت بسرعه مش هينفع ..وميلت على عز وقالت …مش هينفع تيجي انت عارف الاماكن الي انا بروحها

عز قال..اه معاكي حق وبص لوتين وقال..توته انا هاجي على طول يا قلبي والله ما هتأخر

وتين ابتسمت بالعافيه وقالت..طيب

ميار مشيت هيه وعز وفضلت وتين مستنياه بقلق ومضايقه انو طلع معاها

بعد شويه الباب خبط وابتسمت بسعاده افتكرتو رجع وجريت فتحت بس اتصدمت لما لقت ممدوح قدامها وووووو
#عشق_بقلب_عنيد6_الأخير
وجريت فتحت بس اتصدمت لما لقت ممدوح قدامها
ارتبكت ورجعت لورا بخوف

عند عز وصل ميار لبيتها وهيه قالت انت هتدخل تتعشا معايا.. كانت عايزه تعطلو علشان ممدوح ياخد راحتو مع وتين

عز ابتسم وقال..مش هينفع..انا لازم ارجع علشان وتين

ميار قالت.. مش هأخرك نص ساعه ونبي تجبر بخاطري وتسلم على اخواتي الصغيرين

عز اتنهد وقال..حاضر ياستي بس عشر دقايق وهمشي ..بس خدي دول الاول وطلع فلوس كتير ودهالها وقال..شكرا يا ميار ربنا يوفقك في حياتك
بقلم..زهرة الربيع
بصت للفلوس لقتها كتير جدا قالت..ايوه بس ليه كل ده

عز ابتسم وقال ..ده مش اجرك…ده تقدري تعتبريه راتب شهري…علشان متضطريش تروحي الكباريه تاني اصرفي منو على اخواتك..وكل شهر هيجيلك زيهم ..وتوعديني متنزليش الشغل المقرف ده تاني

ميار اتملت عيونها دموع وقالت…انت بتعمل ايه انا..انا مستاهلش كده منك يا عز ابدا

عز قربها ليه وباس جبينها وقال بابتسامه..انتي طيبه يا ميار وتستاهلي كل خير بس دوري على الحلو الي جواكي…واياكي تشتغلي الشغل ده تاني ..يلا علشان اسلم على اخواتك وامشي

ميار بلعت ريقها بقلق وقالت بسرعه…لا متنزلش..الحق مراتك يا عز..ارجع بسرعه عند مراتك حالا