احكام ج١

#الأول جوزك مسافر وانتي مقرطساه وجايبه راجل اوضة نومك عيني عينك قدام بنتك يا فاجره يا بنت الكلا*ب وضر\بها قلم قوي وقعت على الارض بصدمه جري عليها شاب في العشرينات ووقفها وهو بيقول بزهول… احكام…قومي معايا باسم الله والتفت للشاب اللي ضر\بها بغضب وقال…انت عملت ايه يا حيوان انت… ووطي صوتك هتفضح الدنيا وانت فاهم غلط اصلا رد عليه وقال بغضب و\\سخريه…اااه عشيق الهانم بيتكلم كمان بعد ما ظبطتكم وانتو بتخونو اخويا وبتستغفلوه في قلب بيته عايزين تكدبوني في نظري مش كده يا ابراهيم باشا ولا انا بفتري عليكم ابراهيم بصلو بغضب شديد واحكام لطمت على خدودها وهيه بتبكي بشده وقالت..انت بتقول ايه..عشيق مين..ابو\س ايدك وطي صوتك بلاش فضايح خلينا نتكلم جوه…طب..طب هاتلي حاجه البسها يا جوده ده انا مرات اخوك جوده قال بغضب..لا هتنزلي كده قدام كل الناس بفوطة الحمام علشان اللي ربنا بيرفع عنو سترو محدش بيستره بقت تلطم بشده وبتقول بصدمه ورعب ..يا مصبتي السوده يا مصبتك يا احكام واقفه جنبهم بنت صغيره في عمر ال ٤ سنين بقت تبكي وقالت..متبكيش يا ماما..بتبكي ليه..انا خايفه احكام لسه هتحض\نها جوده شد البنت بغضب ورماها لواحده واقفه جمبو وقال…خلي البت معاكي يا نوال ..متخليهاش تلمسها لاحسن تتعدي من وساختها …دي مهما كان بنت اخويا..ولو ان الله اعلم اذا كانت بنتو ولا لا احكام لطمت بقوه وقالت. يالهوي..يالهوي انت بتقول ايه وبصت لنوال وقالت بلهفه ورجاء….نوال ….نوال انا مليش غيرك..ابو\س ايدك… ابو\س رجلك قولي كلمة حق .. انتي كنتي في البيت وعارفه اللي حصل وانبي تتكلمي وتفهمي جوزك ابو\س ايدك جوده بص لنوال بطرف عينه وهيه نزلت عيونها في الارض وقالت…احم…انا…انا معرفش يا احكام..انا كنت نايمه صحيت على صوت زعيق جوده احكام اتسعت عنيها بزهول وقالت بالعافيه ..ايه صحيتي على صوت جوده ازاي ….انتي بتقولي ايه ابراهيم هز راسو بحزن ويأس وقال….مفيش فايده يا احكام..متتعبيش نفسك معاهم ..واضح انهم طابخينها سوا وناوين على غدر وفضايح….متحاوليش….امشي معايا هروحك عند امك دلوقتي وهنكلم خالد هو جوزك وهو اللي هيعرف يوقف المهزله دي ويحط حد لأخوه جوده قال بسخريه..هو فعلا لازم يحط حد…مهو مش هينفع يفضل قرطاس اكتر من كده احكام قالت بغضب شديد…انت بتقول ايه يا ابراهيم ده بيت جوزي…..وهو بس اللي من حقو يمشيني من بيتو مش اي حد تاني..وانا هفضل في بيت جوزي مع بنتي ومش هتحرك إلا لو خالد مشاني بنفسو جوده قال بغضب……ليه انتي فاكره اني هسيبك تسحريلو زي كل مره يا بنت الزناتي…ورحمة ابويا مش هيحصل والبيت ده مش هيتنجس اكتر من كده احكام لسه هتتكلم اتفاجأت بناس طالعين على السلم وراجل كبير في السن منهم قال… فيه ايه…خير يا جوده صوتكم طالع بس كلهم اتصدمو بشده من شكل احكام اللي كانت واقفه لافه نفسها بفوطة حمام جمب ابراهيم احكام اترعبت اول ما شافت الناس واستخبت ورا ضهر ابراهيم اللي قال بسرعه..مفيش يا حج نعمان مفيش انزلو لو سمحتو احنا هنحلها بس جوده قال بزعيق ..لا فيه…اشهدو يا خلق على الخاينه اللي المفروض تترجم لحد المو\ت…رجعت من الشغل لقيتها منيمه مراتي الله اعلم سقياها ايه …..وهيه والبيه واخدين راحتهم في الاوضه بالمنظر اللي قدامكم ده …تقريبا كان بيصلحلها الحمام الناس اتصدموا وبقم يضر\بو كف بكف واحكام كانت هتقع من طولها و بقت تقول ببكا…..منك لله يا شيخ حسبي الله فيك..حسبي الله فيك يا ظالم هتروح منو فين وهجمت عليه عايزه تضر\بوا بس مسكها من معاصمها وقال بحده…براحه يا حلوه لاحسن الفوطه تقع وقلوب الناس تقع معاها ..وانا اولهم احكام فلتت اديها منو ومسكت الفوطه بايدها و بقت تبكي جامد ابراهيم جري على الحج نعمان اخد عبايتو بسرعه ولفها بيها وقال..يلا بينا يا احكام…هنكلم جوزك وهو يتصرف مع اخوه يلا احكام قالت ببكا وصراخ..مش همشي من غير بنتي عايزه بنتي والبنت بقت تبكي وتضر\ب في نوال عيزاها تسيبها تروح لامها بس جوده دفع احكام ودخل جوه الشقه وقفل الباب بغضب احكام بقت تخبط على الباب بكل قوتها وتقول ببكا وصراخ…..جوده ابو\س ايدك هات البنت..جوده حرام عليك هات البنت…حنان يا حببتي متخافيش انا هنا يا قلب ماما…جوده افتح منك لله..منك لله يا شيخ ..حد يجبلي بنتي عايزه بنتي يا نااااس وقعدت بانهيار عند الباب وبقت تبكي بشده ابراهيم لمعت عيونه بالدموع من منظرها وقرب عليها يقومها من جمب الباب بس احكام وقفت ودفعتو وقالت بزعيق… متقربش…انت السبب..منك لله انت التاني ربنا ياخدني وارتاح منكم وجريت وهيه بتبكي بقوه ومش شايفه قدامها راحت لبيت اهلها وسط تهامس الناس عليها خصوصا الستات اللي نظراتهم كانت كلها استحقار فضلت تجري وهيه ضامه العبايه عليها وبترتعش من صدمتها بعد اللي حصلها…. وراحت على بيتها اللي كان بيبعد شارعين بس عن بيت جوزها طلعت الدور التاني بسرعه وبقت تخبط على الباب بقوه فتحت ست في الخمسين وهيه بتقول…براحه ياللي على الباب و بس قطعت جملتها بصدمه وقالت…احكام…يا مصبتي فيه ايه احكام حض\نتها بقوه وبقت تبكي جامد وقالت..الحقيني يا اما …الحقيني اخدو بنتي مني امها ضمتها بزهول ورعب شديد وهيه مش فاهمه اي حاجه بعد شويه كانت احكام حكت لوالدتها اللي حصل بس والدتها بقت زي البركان وهتنفجر وشدت طرحتها وقالت بغضب..طب والنعمه لأنزل افرجو تمامو في نص الشارع ابن فوقيه واخلي الحاره كلها تتفرج عليه الو،،سخ اللي مش عايز ينضف احكام جريت وقفت قدامها وهيه بتبكي وقالت..يا اما تروحي فين ابو\س ايدك انا فيا اللي مكفيني… ده واحد و،،سخ وممكن يتطاول عليكي امها قالت بغضب اعمى ….يتطاول عليا طب خليه يعملها علشان انزل باللي في رجلي فوق دماغو ..هو فاكر ايه هيتبلى عليكي وياخد بنتك منك واسكت كل ده علشان ابوكي م\ات وانا خلفتك وحيده..لكن لا ..لا يا بنت عبد السميع…انا لسه عايشه وبصحتي اوعي من قدامي ودفعتها بقوه وخرجت جري ناحية بيت جوده ابراهيم شافها نازله جري واحكام بتجري وراها راح وراهم بسرعه ام احكام بقت تخبط على بيت جوده بغضب شديد وبتقول…افتح يا جوده…افتح يابواقي الرجاله يا مصدي جوده فتح الباب بغضب وقال..فيه ايه يا وليه..مش هنخلص انهارده ولا ايه ام احكام مسكته من هدومه وقالت…لا الوليه دي اللي هتحتاجها تولول على تربتك يا ابن الزبال يالمامة الحته جوده نفض اديها بغضب وقال…..مش بس ابويا اللي طلع زبال كمان اخويا طلع زيو ولم زبالة الحته كلها وعمل منها مراتو هنا ام احكام ضر\بتو قلم قوي وقالت….اخرس قطع لسانك يا و،،سخ جوده اتصدم باللي عملتوا والغضب عماه وضر\بها قلم قوي جدا وقعها على الارض مقدرتش تقوم من قوته في الوقت ده وصل ابراهيم واحكام اللي صرخت وجريت على امها وبقت تفوق فيها وابراهيم مسك في جوده بغضب وقال…انت ضر\بتها..مديت ايدك على مره يا كل،،ب يا و،،اطي جوده دفعو بغضب وقال…..غور يلا من هنا لم الاوساخ دول وغور مش ناقصه نجاسه ولسه هيقفل الباب جات عينه على احكام اللي كانت بتبصلوا بحقد وغضب يخوف ودموعها ماليه عيونها اتنهد وقفل الباب بسرعه مش قادر يتواجه معاها تاني ابراهيم شال ام احكام وراح بيها على البيت واحكام مشيت معاه وسط الناس اللي كانو بيتهامسوا عليهم بكلام ميتقالش بعد شويه عند احكام كانت قاعده جمب امها بتبو\س دماغها وايدها وبتبكي بحر\قه امها نزلت دموعها وقالت…..حقك عليا يا ضنايا…حقك عليا مش عارفه احميكي وانا لوحدي يا بنتي ابراهيم وقف وقال بغضب..وانتي تحميها ليه يا خالتي وتعرضي نفسك لمواجه مع كلب زي ده..هيه متجوزه راجل يحميها…ولو معرفش يعملها يبقى ميستاهلهاش احكام قالت بسرعه..ابراهيم معاه حق يا اما…..بقولك يا ابراهيم..تليفونك معاك…اصل تليفوني عند الحيوان ده معرفتش اخد حاجه …..وتليفون امي عطلان ابراهيم طلع تليفونه بسرعه وقال…التليفون اهوه..وانا معاكي وهفضل معاكم للاخر لحد ما يجي جوزك وياخدك على اي حته بعيد عن اخوه الكلب ده احكام ابتسمتلوا بالعافيه واخدت التليفون وراحت تكلم جوزها في مكان تاني كان واقف شاب جميل في اواخر العشرين بيشرف على عمال تنقيب عن البترول وقال لواحد صاحبه… بقالنا ايام ومفيش حاجه ظهرت الواحد تعب من الحر ده صاحبه ضحك وقال…تعب من الحر ولا اشتاق..بس عازرك اول مره تسافر بعد جوازك اكيد لك حق تتعب ضحك وقال….. بس يلا هيه نقصاك…مش كفايه برنلها مش بترد..انا هتجنن عمرها ما طنشتني كده صاحبو قال…. يلاا اتقل هو كل الي اتجوزوا اتدلقوا كده اتنهد وقال بحب بيلمع في عيونه ..لا طبعا…ولاكل الستات احكام صاحبو صفر وقال …ايوه يا عم مرزق ابتسم ولسه هيتكلم تليفونو رن باسم ابراهيم صاحب عمره رد وقال…..هيما واحشني يا جدع و بس قطع جملتو لما جالو صوتها وهيه بتبكي جامد وقالت بالعافيه…خالد…الحقني..تعالى بسرعه ابو\س ايدك…. ياترى ايه هيكون رد فعل خالد وهيقدر يساعد احكام ولا لا ..وايه قصة جوده معاها كل ده هنعرفه في الحلقات الجايه لو حابين تكملوها معايا متنسوش تضغطوا لايك كل ما التفاعل يزيد تنزل اسرع #الثاني ارجع بسرعه يا خالد اخوك رماني بره البيت وبهدلني وضر\ب امي واخد مني بنتي عايزه بنتي يا خالد تعالى بسرعه ارجوك خالد اتسعت عنيه بزهول شديد وهو بيسمعها وكانت بتبكي بشده وبتتكلم بسرعه قال بتوتر..اهدي طيب اهدي يا احكام …اهدي انا مش فاهم حاجه اديني ابراهيم…. ابراهيم جمبك هاتيه احكام كانت بتبكي وبس وبتقول…. انا محتجالك يا خالد عايزه بنتي عايزه بنتي في حض\ني وانبي هنا ابراهيم اخد منها التليفون وقال….ارجوكي يا احكام مش كده اهدي علشان الراجل يفهمك ورد هو على خالد وقال…ايوه يا خالد خالد كان بياخد حاجته الي في الموقع بسرعه وقال…ايه اللي بيحصل عندك يا ابراهيم ايه اللي احكام قالته ده ابراهيم اتنهد وقال…ده الي حصل يا خالد… جوده ذودها قوي المره دي لو سمحت متتأخرش خالد قال بسرعه…..جاي مسافة السكه واكون عندكم وقفل معاه ابراهيم بص لاحكام اللي كانت بتبكي جامد في حض\ن امها واتنهد بحزن شديد وهو حاسس بالذنب ومش عارف يعمل ايه علشانها عند جوده كانت الطفله بتبكي جامد ومش راضيه تسكت ولا تنام نوال اتنهدت وقالت..البت على الحالة دي من الصبح يا جوده رجعها لأمها مش هينفع كده دي مهما كان بنت اخوك جوده بصلها بغضب وقال…انتي مالك بتدخلي ليه…غوريها تنام مش ناقصه صداع نوال وقفت بغضب وقالت للطفله…حنان يا حببتي ادخلي اوضتك دلوقت وانا هخليكي تكلمي ماما حنان قالت بفرحه….بجد نوال قالت…. ايوه يا حببتي يلا حنان دخلت الاوضه بحزن ونوال قربت من جوده وقالت بغضب مكبوت…استفدت ايه من اللي عملتوا ده…انت مش اتفقت معايا هنلفقلها مصيبه ونخلي جوزها يطلقها وبس…كان لزمتو ايه الفضايح دي تطلعها من البيت بالشكل ده وتفرج عليها الخلق مش حرام جوده كان بيشرب القهوه بتاعته وضحك جامد وشرق وقال وهو بيكح…..يخربيتك كنتي هتمو\تيني..حد يرمي نكته وفيه حد بيشرب قدامو واتبدلت ملامحو لغضب يخوف وقال….وانبي حرام ياروح امك ..مكنتش اعرف تصدقي..ولما نلبسها مصيبه ونطلقها من غير فضايح حلال..اوعي تلبسيلي الوش البريئ مش لايقلك عمرك ما هتعرفي تكوني زيها ولسه هيدخل على اوضتو قالت بغضب شديد…ولا انت هتعرف تكون خالد وعمرها ما ه جوده احتدت عنيه بغضب شديد وقرب منها مسكها من شعرها بقوه وقال بغضب..معاكي حق…احنا الأتنين زباله زي بعض ولايقين قوي على بعض..فنسمع الكلام ونبقى حلوين من غير ما نحلو على بعض..لاننا عارفين نوايا بعض كويس ودفعها بغضب وقعها على الارض نوال قالت ببكا….انا عارفه ان اللي عملناه غلط وحرام…..بس اللي حصل بره افظع…احنا اتهمنا واحده بريئه في شرفها وشهدنا عليها الناس كلها…انا منكرش اني كنت عايزه امشيها من البيت ومش طيقاها..وغيرانه منها كمان بس متوصلش لكده مش قادره اسكت اكتر مش قادره جوده قرب منها وقال بخب\ث….وتسكتي ليه روحي قولي اللي معاكي كلو…انا راجل كنت في شغلي وجيت على اللي حصل واللي بلغني اكيد انتي وهدفك تتبلي على الست وتطلقيها من جوزها ..وكل ده ليه وقرب عند ودنها وقال بمكر…لانك غيرانه وجوزك عينه منها…وانتي مش ماليه عنيه ابدا…ولا هتمليهم…وتمليهم ازاي الفرق بينك وبينها زي الفرق ببن السما والارض نوال بصتلو بزهول وهو قال بمكر….ده الكلام اللي هتسمعيه بعد ما تتكلمي يا حلوه لو هتقدري تسمعيه اتفضلي الباب قدامك مش همنعك ابدا قال كده ودخل على اوضته ونوال حطت ايدها على وشها وبقت تبكي جامد وهيه مش قادره تنسى اللي حصل ونظرات احكام والأسوء الكلام اللي جوده قالو عند خالد كان وصل الحاره ونزل من التاكس وبيحاسب السواق وكانو واقفين وراه راجل كبير في السن ومعاه شاب بيقولو…..يا خبر ده خالد رجع دي هتبقى معجنه التاني رد عليه وقال…. يا حول الله الراجل جاي من شغلو يا ولداه يلاقي سيرة مراتو على كل لسان الراجل قال بصوت واضح…هو حد كان اتبلى عليها دي استغفر الله ظبطوها في حض\ن صاحبو في بيت جوزها و هنا خالد التفتلو بزهول ومسكو من هدومه بغضب وقال …انت بتقول ايه يا و\\سخ منك ليه …بتقولو ايه الراجل قال بتوتر…..احنا مالنا يا ابني ده اللي سمعناه وشفناه بعنينا…وحد الله يابني ربنا يعوضك باللي احسن منها خالد كان هيتجنن ودفع الراجل بزهول وساب شنطتو وجري باقصى سرعه على بيتو وكلامهم بيتردد في ودانو الراجل خلاه مشي وطلع التليفون وعمل مكالمه وقال…تم يا معلم جوده …اخوك وصل وعملنا زي ما طلبت عند احكام كانت مش راضيه تاكل حاجه ومستنيه عند الباب ودموعها منشفتش امها قالت بحزن..يا بنتي حرام عليكي نفسك زمانه على وصول ارتاحي شويه رجليكي دابت احكام قالت بدموع ….حنان ياماما سبتها بتعيط…والله اعلم الزباله دول عملو فيها ايه…انا هتجنن ابراهيم كان واقف زيها وقال بحزن … هيعملو ايه يعني يا احكام دي مهما كانت بنت اخوه برضوه احكام قالت بدموع و\\سخريه …ما انا كمان مرات اخوه يا ابراهيم مرات اخوه …محدش يقنعني ان ده بني ادم طبيعي وعندو حدود مستحيل امها اتنهدت وقالت… لا حول ولا قوة الا بالله العلي العظيم عند خالد وصل شقتهم وبقى يخبط على الباب بقوه وجنون نوال مسحت دموعها وقامت لبست طرحتها وفتحت بسرعه بلعت ريقها بارتباك لما لقت خالد في وشها وقالت…خالد….حمد الله على السلامه خالد مردش و دخل وهو بيدور على اخوه بعيونه وقال بغضب شديد….جوده فين…هو فيييين جوده طلع وقال ببرود…هنا ..حمد الله على سلامتك يا ابن ابويا خالد مسكو من هدومه بغضب وقال…احكام فين..مراتي فين يا جوده….وايه اللي الناس بتحكيه تحت ده…فيه ايه جوده نزل اديه بضيق وقال..ايه يا خالد…هتضر\ب اخوك الكبير ولا ايه وقعد بمنتهى الهدوء ومسك الشيشه بتاعته وبص لنوال وقال..غيري الحجر يا نوله نوال هزت راسها بطاعه وخوف وجريت على المطبخ خالد كان بيبصلوا بزهول وقال…ايه البرود ده..انا مش بكلمك..مراتي فين…احكام فيييين جوده قال بضيق…طردتها…انت مش سمعت اللي اتقال تحت..اوعى تقولي انك مسمعتش…دي الناس مش معاها سيره غير الموضوع من ساعة ماشافو المحروسه وهيه ملفوفه…. وقطع جملته واتنهد وقال بخب\ث ….استغفر الله العظيم يارب… بلاش يا حبيبي تخليني اجرحك..ملوش لزوم الكلام ده اللي حصل حصل ربنا يعوضك خالد كانت الارض بتدور بيه قال بزهول…ايه اللي حصل يا جوده جوده اتنهد وقال ..اللي حصل ميتحكيش يا ابن ابويا..بس انا لازم اوعيك …لما تعرف مني احسن م\اتعرف من الغريب…انا طلعت على شغلي الصبح زي العاده …وبعد ساعه كده لقيت نفسي تعبان قوي وحرارتي عاليه قولت ارجع انام شويه…وياريتني ما رجعت…لقيت الفاجره منيمه مراتي قتيله مش حاسه بحاجه الله اعلم سقتها ايه..وحنان بتتفرج على التلفزيون دخلت ناحيه اوضتها علشان اقولها اني جيت سمعت ضحك وهئ وميئ ..الدم فار في عروقي فتحت الباب وكانت المصيبه الهانم واقفه بفوطة الحمام وهو هنا على سريرك خالد بلع ريقه بالعافيه وهو مش قادر ينطق وقال…هو مين جوده قال بمكر…صاحب عمرك…ابراهيم اللي مخليه بدالك هنا ومأمنلو اكتر من اخوك وكل شويه تقولوا اطمنلي عليهم اهو اطمن على الاخر خالد غمض عنيه بحزن وتعب وقال…عملت ايه بعد كده يا جوده جوده قال بغضب..عايزني اعمل ايه اظبطلهم الاريل وامشي خالد قال بحده…جوده بسألك عملت ايه جوده اخد نفس من الشيشه وقال …ولا حاجه سحلتهم الأتنين بره الشقه وخليت اللي ما يشتري بتفرج عليهم..هيه ناقصه قرف خالد بصلو بحزن ميتوصفش وقال….ليه يا جوده ليه..ده انا اخوك جالك قلب تعمل في عرضي كده وتخليني لبانه في بق كل من هب ودب…يهون عليك تشوفني مكسور ومقدرش ارفع عيني في حد جوده وقف وقال بغضب…انت تقدر تتحاشا كل ده …ارمي عليها اليمين طلقها ونضف اسمك وشرفك خالد ابتسم بسخريه ووجع وقال….شرفي..وانت يهمك شرفي…ماشي يا ابن ابويا …شكرا على النصيحه…حنان فين …امها كلمتني ومنهاره عايزه تشوفها جوده اتسعت عنيه بزهول وقال بانفعال ….بعد كل اللي قولتهولك عنها..انت مش راجل يلا…ازاي تقبل بيها بعد ما خانتك في قلب بيتك…وكمان عايز تودي بنتك عندها علشان تبقى زيها فاجره وملهاش حاكم و خالد قاطعوا وقال بغضب شديد…اخرس يا جوده..بلاش انا…بلاش انا بذات تعملهم عليا لاني حافظك….بس الغلط مش عليك الغلط عليا انا الي صدقت انك نسيتها واعتبرتها مرات اخوك…الحق عليا اللي جبتها هنا لما جيت اسافر وسبتهالك صيده سهله….انا عارف احكام كويس…واللي بتقوله ده لو شفتو بعيني مش هصدقه متتعبش نفسك ودخل على اوضة بنتو وكانت نايمه ودموعها على خدها شالها بحزن ولسه هيطلع من الشقه جوده قال بغضب…راجع نفسك يا خالد…حتى لو اللي بتقوله صحيح..لكن في نظر كل الناس مراتك واحده **** باعت شرفها في سفر جوزها..واكيد مش هقولك الراجل بيتقال عليه ايه في الحاله دي لو فضل معاها خالد بلع ريقه بحزن وطلع بشرود وهو حاضن بنتو جوده خبط الشيشه على الارض وضر\ب الكرسي برجله بعصبيه وقال….انا وراكي والزمن طويل يا احكام ماشي بسيطه خالد نزل واتوجه ناحية بيت احكام تحت انظار اهل الحاره اللي كانو بيتهامسو عليه وفيه اللي بيبصلو بحرج واللي بيبصلو بشفقه وخالد كان منزل راسو من نظراتهم ومشي بسرعه مش قادر يواجه حد عند احكام كانت هتقع من طولها من التعب والقلق ولانها مأكلتش طول اليوم قالت بدموع..اتأخر قوي اكيد راح على هناك الاول اكيد ابراهيم اتنهد وقال ….اهدي يا احكام حتى لو راح خالد عارفك كويس وكمان عارف اخوه احكام لسه هتتكلم شافتو جاي وشايل بنتها ابتسمت بسعاده وجريت عليه حض\نتو وبقت تبكي بقوه خالد ضمها ليه وباس راسها وقال …اهدي…انا هنا خلاص احكام مسحت دموعها بسرعه وهزت راسها بالموافقه وقالت ..فعلا..خلاص انت بقيت هنا انا مطمنه الحمد لله يارب خالد ابتسم لها وادالها بنتها ودخل سلم على والدتها احكام بقت تحض\ن البنت وتبو\سها بلهفه وقالت…ياحببتي يا قلبي …جسمها بارد ..زي ما تكون مكانتش متغطيه …مكانتش متغطيه صح خالد لسه هيرد ابراهيم قرب منو يحض\نه وقال..وحشتنا يا خالد بس خالد بعد خطوه وقال بجمود…احكام ممكن تسيبي البنت مع حم\اتي وتيجي معايا..لازم نتكلم احكام وابراهيم بصو لبعض بتوتر واحكام قالت …طبعا اكيد ونيمت البنت على الكنبه ودخلت معاه البلكون يتكلموا احكام اول ما جات تتكلم خالد قاطعها وقال بسرعه…قبل ما تتكلمي..لازم تعرفي اني مستحيل اشك فيكي يا احكام…بس عايز اعرف منك الموضوع بالظبط واصل لفين بأدق تفاصيله ماشي يا قلبي احكام هزت راسها بالموافقه و قالت بدموع…انا كنت في المطبخ زي العاده وبعد ما خلصنا نوال قالتلي هتدخل تريح وانا قولتلها هخلص وادخل استحمى واذاكر لحنان وبعد ما خلصت سبت حنان قدام التلفزيون ودخلت الاوضه واخدت الحمام بتاعي ..وسمعت حنان فتحت الباب لحد وكان ابراهيم ودخلتو وبقى يهزر معاها زي عادتو انا طلعت من الحمام وكنت هلبس واخرجلهم بس اتصدمت واتسمرت مكاني لما شوفت حيه كبيره جدا بطول السرير كلو خالد اتفاجأ وقال…ايه…حيه احكام بقت تبكي جامد وقالت..ايوه ومنظرها كان مرعب قوي نسيت اني لافه الفوطه عليا ومش لابسه حاجه …ونسيت ان ابراهيم بره نسيت الدنيا كلها وصرخت جامد خالد اتنهد وتقريبا بدأ يربط الخيوط وقال بهدوء…اهدي شويه وكملي يا احكام احكام حاولت تبطل بكا وقالت…اول ما صرخت ابراهيم جيه جري..الراجل مكانش قصده غير انو يشوف فيه ايه لاني صرخت جامد دخل الاوضه وبقى ي\\ الحيه وجات نوال على صوتي ووقفت معانا هيه وحنان بس مفيش ثواني ولقينا الحقير …قصدي جوده اخوك دخل وبقى يزعق ويتكلم على اساس اني لوحدي انا وابراهيم في الاوضه مع ان مراتو وبنتي كانو معانا…وطلعني زي ما كنت من الشقه من غير ما يسمحلي البس حاجه وبقى يزعق قاصد يلم الناس..واللي كان عايزه حصل…فضحني..فضحني ومسابليش ثانيه واحده اتكلم فيها وبقت تبكي بشده وانهيار خالد غمض عنيه بحزن رهيب عليها وقال…مصدقك يا احكام مصدقك يا قلبي احكام ابتسمت وسط دموعها وقالت..انا..انا كنت مستنياك..كنت كنت متأكده هتصدقني ومتأكده هتنصفني و بس قطعت كلامها لما قال بالعافيه…بس مش هينفع نكمل سوا مهما كنت مصدقك احكام اتسعت عنيها بصدمه وقالت…ايه….قولت..قولت ايه خالد قال بدموع…اللي سمعتيه…انا مصدقك يا قلبي بس اللي بيتقال بره صعب جدا مقدرتش استحمله…مقدرتش ابدا ..مفيش اي راجل يستحمله اصلا احكام كانت بتسمعه بصدمه شديده ومش قادره تستوعب كلامو وهو مسح دمعه من عيونه وقال…هتفضلي احلى حاجه حصلت في حياتي ..واجمل خمس سنين عشتهم احكام قالت بزهول…انت..قصدك ايه..انت لو..لو طلقتني دلوقت تبقى بتأكد كل اللي اتقال عليا يا خالد تبقى بتدبحني وتظل\مني زيهم خالد حض\ن وشها بإديه وقال بسرعه..لا لا مقدرش اظل\مك..والله انا مصدقك ومش شاكك في حرف ..سامحيني …دي غلطتي انا لاني سبتك عندهم وسبتلو الفرصه يجي عليكي .انا..انا اسف….بس مش هقدر….. لحد هنا وطريقنا انتهى احكام الارض بقت تدور بيها وكانت هتقع من طولها وبقت تبصلو بتوهان وهو قال بالعافيه…انتي…انتي طالق يا احكام وكل حقوقك هتوصلك وبذياده كمان ووووو ممكن تكونو فاكرين ان كده اسوء شيئ ممكن احكام تواجهو لكن للاسف اللي جاي اصعب بكتيييير جدا عايزه رايكم في الاحداث وفي موقف خالد وياترى ايه اللي هيحصل شجعوني باجمل تفاعل تقديرا ومحبه يا اغلى الغاليين #الثالث انا عارف انك بريئه واشرف من الشرف بس بعد الفضيحه اللي حصلت مش هقدر استحمل كلام الناس..مش هقدر اواجه حد ونظراتهم ليا مش هتقبلها …حاولي تفهميني انا اسف يا احكام..انتي..انتي طالق احكام كانت حرفيا رجليها مش شيلاها…كان اخر امل ليها السند اللي كانت مستنياه وعندها امل ينصفها قالت بمنتهى الحسره…بالسهوله دي يا خالد..معقوله قدرت تنطقها خالد قال بحزن…يا احكام افهميني …ارجوكي حاولي تقدري الي انا فيه ..انا راجل ازاي هستحمل كلامهم ونظراتهم ازاي هستحمل يتقال فضل مع الست اللي قرطستو وكانت تخليه يسافر و احكام قاطعتو وقالت بغضب وحده …بس…بس ولا كلمه ذياده…لا فعلا انت راجل..سيد الرجاله كمان…جاي تتشطر عليا انا وتسيب اللي وطى راسك ..تسيب السبب الرئيسي للي حصلنا كلو سايب اخوك اللي فضحك في عرضك واتبلى على مراتك ورماها في الشارع وفرج عليها الخلق ومهتمش انها مرات اخوه وجاي تستقوى عليا انا ..لا راجل جدا يا خالد ويا فرحتي برجولتك خالد نزل راسو واتنهد وقال..انا لو كنت اقدر استقوى عليكي يا احكام زي ما بتقولي كان المفروض ارد شرفي وكرامتي بدمك ده اللي بيحصل في الحالات دي …بس يعلم ربنا ان اخر حاجه اقدر اعملها معاكي الطلاق حتى لو كنتي مذنبه لاني بحبك وانتي عارفه احكام ابتسمت بسخريه ومسحت دموعها بقوه وقالت..انت هتقولي واضح طبعا واضح جدا خالد اتنهد وقال…بتمنالك كل خير يا احكام …ولو تاخدي بنصيحتي سافري..سيبي البلد دي مش هتلاقي راحه فيها ولا من جوده ولا من لسان الناس ..انا كنت هاخدك ونبعد بس خوفت على بنتنا ان السمعه تلاحقها عمرها كلو احكام نزلت دموعها وقالت بدهشه من كلامو ..سمعه..انا دلوقت بقيت سمعه تجبلكم العار يا خالد….تمام ..تمام جدا يا ابو بنتي ربنا يسهلك طريقك ….وشكرا على نصيحتك الغاليه..انا مش هسيب بلدي وبيت ابويا مهما حصل وانا قد الناس وقد اخوك وقد الدنيا بحالها..ووصل الكلام ده لاخوك الواطي…وانت تعجل وتبعتلي ورقتي…لأني مبقاش يشرفني وجودي على زمتك خالد اتنهد بحزن وهز راسو بالموافقه وقال…حاضر يا احكام …زي ما تحبي…اتفضلي معايا احض\ني بنتك و..وودعيها احكام اتسعت عنيها بزهول شديد وقالت…ايه اودعها…اودعها ليه أحكام حصريا بقلم زهرة الربيع خالد بص بعيد عنها وقال بحرج والم…مش هقدر اسيبها هنا…انا قولتلك اني مرضتش اسافر معاكي علشانها…البنت مش هينفع تفضل معاكي….بكره لو مهما بقت محترمه هيتقال تربيه امها وانتي اكيد ميرضكيش تفضل منبوذه عمرها كلو ….ارجوكي من غير ما اجرحك بالكلام ودعيها وان شاء الله هبقى اجبها كل فتره تشوفيها وتشبعي منها احكام زعقت فيه بقوه ورعب وقالت…انت بتقول ايه…لحد هنا ومش هسكتلك…تاخد مين..تاخد عمري قبلها….حنان بنتي ..هيه اللي طلعت بيها من ايامي اللي قضتها معاك وراحت هدر…مش هسبهالكو امشي من هنا اول ما زعقت كده ابراهيم جيه جري وقال….فيه ايه… فيه ايه يا احكام خالد دفعوا بقوه وغضب وقال…انت متدخلش…جاي ليه واحده وجوزها بيتكلموا ..لولا تدخلك المتسرع اللي ملوش اي لزوم ده مكانش وصلنا لهنا اصلا ابراهيم اتصدم بكلامو وقال..انا مش مصدق دلوقتي بقيت بتدخل واتحشر في حياتك يا خالد وتدخلي مكانش له لزوم كمان..هيه احكام مقالتلكش اللي حصل ده كان فيه حيه كبيره و مراتك كانت مرعوبه وبتصرخ و بس احكام قاطعتو وقالت بغضب …سيبه يا ابراهيم…انا حكيتلو كل حاجه…بس هو شايف ان الافضل انك كنت تسيبني اتسمم و امو\ت اسهل ما يقف قصاد اخوه خالد قال بسرعه…..يا احكام انا اكيد مقصدش تتأذي بس مكانش ينفع يندفع ويدخل عليكي اوضتك البيوت لها حرمه…..وكمان دلوقت مينفعش يدخل كده بين واحد ومراتو و بس قاطعتو وقالت بغضب..وميدخلش ليه..واحد عنده رجوله حاجه متعرفوش عنها حاجه انت ولا اخوك…ده غير يا باشا اصححلك معلوم\اتك هو دلوقتي بيتدخل بين واحد وطليقتو مش مراتو ابراهيم اتصدم بشده وقال بانفعال..اييييه.. قالت ايه..انت..انت صدقتو….طلقتها بجد يا خالد…شكيت في مراتك وصاحب عمرك معقول خالد نزل عيونه في الارض واحكام نزلت دموعها وقالت بسخريه …ياريتو شك فينا…ياريت….المصيبه بقى انو مصدقنا يا ابراهيم..بس الباشا عاجز يقف قصاد اخوه …وخايف من كلام الناس….بس مش مشكله الحمد لله ان ده حصل وبينلي انا كنت رابطه حياتي بمين خالد اتنهد وقال بضيق..ماشي يا احكام..انا معنديش حاجه تاني اقولها..وطالما مش عايزه تسلمي على بنتك انتي حره وطلع بسرعه قبل ما يشوف وجعها اكتر لانو عايز يهرب ومش قادر يواجه او يتحمل احكام طلعت وراه جري وهيه بتقول بزعيق…قولتلك مش هيحصل سيب البنت مش هتروح معاك على ج\ثتي ابراهيم راح وراهم وكانت احكام بتحاول تاخد البنت منو وهو بيشدها منها وبيقول..سيبي البنت يا احكام ..هتيجي معايا …قولتلك مبقاش ينفع تربيها احكام كانت بتبص للبنت لانها كانت خايفه وبتبكي وقالت بدموع..متخافيش يا قلب ماما محدش هياخدك مني يا روحي متخافيش …سيب البنت يا خالد البت خايفه سيبها خالد دفعها بغضب وقال..قولتلك مينفعش مبتفهميش احكام كانت هتقع لما دفعها وامها سندتها بخوف خالد بصلها بحزن ولسه هيمشي ابراهيم جري عليه وجذب البنت منو بغضب ودفعو بقوه خبطو في الباب وقال بعصبيه ..انت كمان بتمد ايدك عليها في بيتها يا بجاحتك يا اخي… البنت هتفضل مع امها فاهم يا خالد وعدي ليلتك على خير وامشي من هنا احسنلك خالد بصلو بحقد وقال بزعيق..انا لو مشيت مش هتنبسطوا ابدا….والبت كده كده هاخدها..بس لو مشيت في سكة المحاكم مش هتشوفي النور يا احكام يعني كده كده مش هتعرفي تربيها احكام اتصدمت بشده وقالت بزهول..م…محاكم خالد غمض عيونه وحاول يقوى وبص بعيد عنها وقال…ايوه محاكم… دي قضية ز*نا يا احكام..وفيه عليها الف شاهد…يعني كده كده مش هتاخدي حضانة بنتك احكام اتصدمت بشده من اللي بتسمعه ورجليها مقدرتش تشيلها اكتر وقعدت على الكرسي بزهول بنتها جريت عليها وبقت تحض\نها وتقول ببكا….لا انا عايزه امي سيبني معاها….وانبي يا ماما عايزه افضل معاكي احكام مكانتش بتنطق وبتبص لخالد بصدمه وخيبه امل تقطع القلب ابراهيم حط اديه على راسو لما سمع كلام خالد وخاف انو فعلا يأذيها ويرفع عليها قضيه مؤذيه زي دي فضل واقف مكانو بصمت خالد استغل حالتهم وسحب الطفله من حض\ن امها واخدها بسرعه ومشي بيها وهيه بتصرخ وبتستنجد بامها عايزه تفضل معاها احكام كانت مصدومه ومش بتنطق بس فوقها صوت بنتها وهيه بتناديلها وبتترجاها تاخدها مقدرتش تقعد مكانها وجريت وراه بدون وعي وهيه بتقول بصراخ وبكا شديد..سبهالي يا خالد…سيبوها حرام عليكم….سيبولي بنتييييي…انا هعيش علشانها يا خالد مبقاش عندي حاجه تاني غيرها ابو\س ايدك…خالد…خالد سبهااااااا خالد كان بيتالم جدا من صوتها ومش قادر يسمعه اكتر فضل نازل جري علشان ميسمعهاش وخلص السلم وجري ناحية بيته احكام كانت بتجري على السلم بسرعه وراه ومش بترد على ابراهيم اللي كان بينادلها علشان تقف بس للاسف انزلقت رجلها من شدة الجري ووقعت على السلم مسافه كبيره جدا نزلت على الارض والد*م مغرقها ابراهيم زعق باسمها برعب وقال..احكاااااااام خالد انتبه واتصدم بشده لما شافها بالحاله دي واتجمد مكانو وهو مش قادر يتحرك ابراهيم بقى يزعق ويقول …اسعااااف جيبو اسعاااااااف بسرررعه الناس اتجمعو وطلبو الاسعاف وخالد اخيرا اتحرك وجري عليها وهو بيبصلها بزهول ورعب وقال…ا..احكام..احكام حبيبتي ردي عليا…احكام اتكلمي ارجوكي ارجوكي ردي بس احكام مكانتش حاسه بالدنيا وغرقانه في د*مها جوده كان مستنى اخوه على القهوه ولقى الناس بتجري وبينادو بعض وقف واحد وقال…فيه ايه يلا…. ايه الربكه دي الشاب قال…انت مدرتش يا معلم معقول …الست احكام وقعت من على السلم والظاهر م\اتت قال كده وجري وسابو واقف متجمد مكانو مش قادر ينطق بحرف حس رجليه مبقتش شيلاه وجرهم بالعافيه وراح ناحية تجمع الناس واتصدم بمنظرها وقال بزعيق ورعب ..احكام…عملتو ايه..مين عمل فيها كده…انطقووووو..احكااام ابراهيم بصلو بحقد ومردش وخالد كان مش بينطق اصلا مفيش دقايق والاسعاف وصلت وشالها ابراهيم وحطها في الاسعاف وركب معاها فورا هو ووالدتها اللي كانت بتبكي بشده خالد لسه هيركب هو وجوده الدكتور منعهم وقال..المفروض شخص واحد واحنا اخدنا اتنين كفايه كده ارجوكم خالد قال بسرعه ..انا انا جوزها جوزها و قاطعو ابراهيم وقال بغضب وزعيق..مش جوزها..ده طليقها ولو سمحتو اطلعو بسرعه خلينا نلحقها يللاااا الدكتور اتوتر من زعيقه وهز راسو بتفهم وطلع بيهم بسرعه على المستشفى جوده جري على عربيته وهو بيقول…هات بنتك وحصلني يلااااا خالد جري على حنان اللي كانت قاعده على الارض في المكان الللي امها وقعت فيه وبتبكي جامد خالد قال بتوتر..اهدي يابابا اهدي ماما هتبقى بخير يلا نلحقها حنان قالت بشهقات وهيه بترتعش..انا خايفه…خايفه قوي يا بابا خالد لمعت عيونه بالدموع وشالها بسرعه وقال…انا معاكي يا حببتي متخافيش وطلعو مع جوده في عربيته راحو وراهم المستشفى بعد ساعات في المستشفى كان الجو متوتر جدااااا فوق الوصف كانت حنان في حض\ن جدتها وبيبكو الاتنين بخوف اما ابراهيم كان الحزن والتوتر هي\\وه ورايح جاي بيدعي تقوم بالسلامه خالد بقى مش حاسس باي حاجه حواليه الشعور بالذنب هي\\ه وبيفكر انو لو كان وقف مكانتش وقعت و كان ساكت مش بينطق ابدا انما الموقف الاغرب كان لجوده كان رايح جاي في المستشفى وييزعق جامد في خالد وبيقول…غبي..متخلف لقيتها بتجري وراك كنت وقفت…كنت استنيت كنت سبتلها البنت وكنا هناخدها تاني بأي طريقه..لو حصلها حاجه يا خالد انا… بس قطع كلامو لما لقى الكل بيبصولو بغضب حتى خالد اتنهد وحاول يهدى وبعد عنهم وبقى يتكلم مع الدكاتره وقالهم..اعملو اللازم كلو….متقلقوش من حاجه كل المصاريف عليا المهم تقوم ..سامعين تقوم ابراهيم مقدرش يسكت اكتر و اتقدم عليه بغضب رهيب وقال….بلاش تعمل نفسك قلقان عليها دلوقت …كلنا عارفين ان انت اللي وصلتها لهنا..احكام بتمو\ت جوه بسببك ام احكام قالت ببكا…ابراهيم يا ابني مش وقته ابراهيم قال بزعيق..لا وقته يا خالتي وقته…هو واخوه اللي حر\قو قلبها وخلوها بين الحيا والمو\ت دلوقت…مش من حق حد فيهم يقلق عليها او يعمل نفسو مهتم جوده دفعو في صدره بغضب وقال..انا واخويا اصحاب شأن ولينا صفه هنا..انت بقى دخل امك ايه ابراهيم لسه هيشتبك معاه خرج الدكتور وقال باسف…مين جوز الحالة دي جوده جري عليه هو وابراهيم وقالو بصوت واحد…خير الدكتور بصلهم باستغراب وقال….. بسأل عن جوزها جوده شد خالد من ايده اللي كان في دنيا تانيه وقال..اهوه جوزها اتكلم نشفت ريقنا الدكتور قال …اهدو اهدو المريضه بخير ومحصلهاش حاجه الحمد لله…شويه جروح وكدم\ات..ودراعها اتجبس بس كل ده الحمد لله اصابات طفيفه…. بس ابراهيم قال بقلق …بس ايه يا دكتور خير الدكتور قال..الجنين سقط للاسف خالد اتسعت عنيه بصدمه وقال بهمس… جنين الدكتور قال…اه للاسف كانت حامل في اول الشهر التاني بس على ما يبدو معندهاش علم بحملها…لأني لما قولتلها اتفاجأت ابراهيم حط ايده على دماغو بصدمه وخالد كان هيقع من طوله اما جوده اتنهد بارتياح وقال….في داهيه …صغيره وتجيب غيره…المهم هيه تمام الدكتور قال …هيه بخير بس حالتها النفسيه مش احسن حاجه …عن اذنكم الدكتور مشي وجوده ابتسم بارتياح شديد وقال…خد الشر وراح ووقف على زاويه بقى يشرب سيجاره بانبساط وهدوء خالد قعد على الكرسي وحط اديه على دماغه وبقى يبكي بدموع ابراهيم هز راسو باسف على شكلهم وبص لخالد بقرف واستحقار واخد ام احكام وحنان علشان يدخلو يطمنو عليها بس خالد وقف ومسح دموعه واخد البنت بسرعه ومشي من غير ما يكلمهم ابراهيم جري عليه ومسكو من هدومو وقال بغضب…انت بتعمل ايه معندكش دم سيب البنت تهون على امها الي هيه فيه خالد دفعو وقال بدموع…انا مش ناقص…سيبني في حالي الساعه دي ولسه هيمشي مسكو تاني وقال بزعيق…لا والله مش ناقص..ولا خايف تواجه زي العاده خالد قال بانفعال وبكا..ايوه..ايوه خايف اواجه خايف جدا….مش هقدر ابص في عنيها بعد اللي حصل مش هقدر..ولا هقدر استحمل اخد البنت من بين اديها تاني…سيبني اروحها قبل ما تقوم..واللي عايزه ربنا هيكون يا ابراهيم ارجوك ابراهيم اتنهد وشاف ان فعلا لو احكام رفضت انو ياخد البنت تاني هتبقى مشكله سابو وقال باسف…امشي يا صاحبي…امشي..الحق مش عليك..الحق على اللي باعت الغالي بالرخيص واختارتك جوده التفتلهم وقال ببرود…يسلم فومك…. اول مره اسمعك تقول حاجه صح ابراهيم بصلو باستحقار واخد ام احكام ودخلو يشوفوها وخالد بص لاخوه بحزن ومشي مع بنته اللي كانت بتبكي وعايزه تفضل مع امها جوده اخد نفس عميق وهو بيفتكر جملة ابراهيم لما قال لدكتور الإسعاف …لا مش جوزها طليقها…ولما الدكتور قال.. انها سقطتت..ابتسم بارتياح وقال…احكام القدر مبتتعاندش يا احكام في الاوضه احكام كانت قاعده بتوهان ودراعها متجبس ودماغها ملفوفه بشاش وفيه بعض الكدم\ات في وشها ودموعها محبو\سه في عيونها وبتبص قدامها بشرود امها دخلت مع ابراهيم واول ماشافت حالتها نزلت دموعها وقالت..سلامتك يا احكام..الف سلامه ياضنايا وحض\نتها شويه احكام كانت بتبص قدامها بصدمه ومش بترد ابراهيم اتنهد بحزن وقال..حمد لله على سلامتك يا احكام…الف بركه اللي ربنا قومك بالسلامه احكام بصتلهم بشرود ونطقت بالعافيه وقالت….قالولي….قالولي كنت…كنت حامل…وحطت ايدها على بطنها وقالت ….كان..كان فيه طفل و…و م\ات….م\ات امها بقت تبكي ونزلت عيونها مش قادره تبصلها احكام نزلت دموعها وابتسمت وقالت بسرعه..لا متبكيش..احسن..كده احسن بكتير..انا..انا مش عيزاه..مش عايزه حاجه جوايا منو…مش عايزه افتكرو…انا انا كده احسن….احسن بكتير..انا مبسوطه و…و…واااااه لا يا اما ااااه وانفجرت ببكا مرير من جواها وحسره وبقت تصرخ بشكل يوجع القلب امها حض\نتها بقوه وبقت تحاول تهديها بس كانت مش عارفه تسكت وبتقول بانهيار….راح ياماما..راحت كل حاجه مني في يوم….راحت بنتي وجوزي و…و روح جوايا ملهاش ذنب…راح من غير ما اعرف بيه ولا وافرح بوجوده حتى….ااااااه يا ربي ياااااارب صبرني ..يااااارب ابراهيم خرج بسرعه مقدرش يستحمل حالتها وبقت دموعه تنزل بحزن شديد جوده كان سامعها وضم ايده بغضب وحزن ومشي من المستشفى كلها ومرت الايام بعد اللي حصل وكانت سيئه جدا على احكام ..وصلتها ورقة طلاقها واتحرمت من بنتها وقضت شهور عدتها مش بتخرج من الاوضه ابدا وحالتها النفسيه في تراجع بتاكل بس اللي يخليها تعيش والدموع وصورة بنتها مش مفارقينها ابراهيم وامها حاولو اكتر من مره يخلوها تخرج بس من غير فايده وبالنسبه لخالد كان بيحاول يراضي بنته ويعوضها غياب امها وكان مش بيتكلم مع جوده ابدا ومش طايق وجوده في نفس البيت معاه اما جوده كان هادي جدا ولا كانه عمل حاجه وحاول اكتر من مره يزور احكام بس امها بتطرده بعد حوالي خمس شهور كان ابراهيم قاعد مع والدة احكام بيشوف طلباتها زي العاده وقال…انا بفكر اشوفلها دكتور نفسي الحال ده مش هينفع اكتر من كده امها شهقت وقالت بخضه..دكتور نفساوي ليه…البت اتجننت ولا ايه يا ابراهيم ابراهيم ضحك بخفه وقال…اتجننت ايه بس يا خالتي لا طبعا ده دكتور بس هيتكلم معاها امها قالت بيأس….يوه يا ابني وايه الجديد ما انا بقولك كل ما بتكلم معاها تحلفلي انها كويسه و علشان انا فعلا كويسه قاطعتهم احكام بالكلمه ده واتصدمو بشده لما لقوها خرجت من الاوضه بطله تخطف العين …بلبس منسق وانيق وابتسامتها الجميله منوره وشها ابراهيم وقف وهو تايهه فيها وابتسم وقال ….الله ما صلي على كامل النور امها اتقدمت عليها بفرحه وقالت..ايه الجمال والحلاوه دي اخيرا خرجتي ونورتي دنيتي تاني الحمد لله يا قلبي احكام ابتسمت بهدوء عكس العواصف اللي جواها وقالت….الحمد لله يا ماما..انا قولتلك هما شويه وقت..اكيد مش هفضل في الأوضه على طول امها قالت ….ده من فضل ربنا يا بنتي..بس انتي متشيكه كده ليه..ماشاء الله عليكي طلة قمر احكام ابتسمت وقالت..ابدا هنزل …قررت اشتغل ..كفايه كده تقلنا على ابراهيم ابراهيم قال بسرعه…تقلتو ده ايه وتشتغلي ليه اصلا..انا مش بجيبلكم من جيبي انتو عندكم محلات بتاعة المرحوم ابوكي وانا بجبلكم اراداتها من المستأجرين مش حاجه تتعب يعني احكام ابتسمت وقالت..لا يا ابراهيم انت عندك شغلك ومش فاضي للحوارات دي اصلا…..وانا كمان مخنوقه وعايزه انزل اشتغل في اي حاجه من شغل ابويا ابراهيم اتنهد وقال..اذا عايزه تفكي عن نفسك ماشي …الاحسن تخرجي للدنيا وتنوريها…دلوقتي حالا هنزل اشوفلك احسن حاجه في المحلات تناسبك واخدك تباشريها احكام ابتسمت و قالت بحزم…مفيش داعي انا عارفه هشتغل في اي محل ..انا هستلم محل العطاره الكبير بتاعنا ابراهيم اتصدم وامها ضر\بت على صدرها بخوف وقالت..ايه….اشمعنا ده…ما انتي عارفه انو متاجر من زمان احكام قالت بهدوء… عارفه ابراهيم اتنهد وقال..وطبعا عارفه مين اللي مأجره احكام بصت قدامها وقالت بغل..طبعا عارفه ..جوده الصباغ…وعلشان كده هستلمه … هو حايلا مستاجر مش صاحب ملك ..و لا واخد ايصالات ولا مأجر بعقود احكام بقلم….زهرة الربيع ابراهيم قال بقلق….بس مأجره من زمان يا احكام احكام ابتسمت بثقه وقالت….وافرض…. هو كان بيقول انو بيساعد امي علشان معندهاش حد يشغلهولها…دلوقتي وبفضله بقى عندها اللي يشغله….يبقى ياخد حاجته ويطلع بالادب قالت كده ومشيت وامها قعدت برعب وقالت..حصلها يا ابراهيم..حصلها وابقى طمني يا ابني ابراهيم مشي وراها وبقى ينادي عليها علشان تقف احكام التفتتله وقالت…لو ليا خاطر عندك خليك بعيد عن الموضوع ده…مش عايزه اكون معاك في مكان واحد قدام الناس انت فاهمني صح ابراهيم اتنهد بتفهم لان الناس فعلا لسه في سيرتهم قال بتوتر ….طب بلاش يا احكام علشان خاطري احكام ابتسمتلو وقالت…اسمع يا ابراهيم انا عمري ما كنت نعامه ود\فنت راسي في الرمل وانت عارف….طول عمري صقر والصقر راسو لفوق حتى لو فيها مو\تو قالت كده ومشيت بشموخ في وسط الحاره قدام كل الناس اللي اتصدمو بنزولها مكانوش متخيلين انها ممكن تواجه حد تاني ..وبقم يتهامسو عليها ووقفت قدام محل ابوها وبصت لليافطه مكتوب فيها ..عطارة جوده الصباغ وعائلته ابتسمت بحقد ونادت لواحد من صبيان المكان وقالت…نزل اليافطه دي يا ابني..وارجع حط يافطة الحج عبد السميع الزناتي الناس اندهشت بشده والشاب وقف مكانو بخوف احكام ابتسمت بخب\ث وطلعت مبلغ حلو حدفتهولو وقالت….نزل اليافطه يا غالي انت هنا بتسترزق وملكش دخل الشاب اخد الفلوس وجري بقى ينزل اليافطه ويرفع يافطة ابوها تحت انظار الزهول من الجميع عند جوده كان نازل على السلم بيصفر برواق وطلعلو واحد يجري وقال..الحق يا معلم المحل الكبير بتاعك اتفتح واتشالت يافطته جوده بصلو بزهول وقال..بتقول ايه ياض انت اتهبلت الشاب قال…. زي ما بقولك يا معلمي والله شوفت الولا حوده بينزل اليافطه وباب المحل مفتوح وفيه حد جوه المحل معرفتوش مين وجيت جري اقولك جوده جري بسرعه ووقف قدام المحل بصدمه لما لقى يافطة والد احكام ولسه هيسأل احكام خرجت من المحل واتكأت على الباب وقال بسخريه..العروسه تحب تلم عزالها بنفسها ولا يترميلها في الشارع جوده اتسعت عيونه بصدمه رهيبه وووووو يتبع

مقالات ذات صلة

بهدلو مراتي في عزا امها

كالون الشقه حكايات زهره

خطيبتي وصاحبته ج١ منى السيد

ضحيه نفسي ج2 نورهان العشري

عربيه عطلت

مراتي استهلكت كل طاقتها ج2

اترك تعليقاً إلغاء الرد