بنتي صحتني نص الليل وقالتلي بابا ممتش في حادثه

وهي بټعيط يا بابا أنا لقيت الرسالة زي ما كنت عايز وشكرا انك خبيتها في الدبدوب بتاعي عشان أنا اللي ألاقيها
وأنا فهمت ان جوزي مكنش بياخد ولاده الرحلة دي عشان يتفسحوا بس كان بيحاول يعلمهم ازاي يحافظوا على أرضهم
وهو عارف ان صاحب عمره هيغدر بيه
بس كان واثق ان بنته الصغيرة اللي بتحب الدبدوب هي اللي هتجيب حقه في يوم من الأيام
بعد الحكم ب 25 سنة كنت فاكرة اني هرتاح
بس مرتحتش
بقيت كل يوم أحلم بجوزي وولادي التلاتة
جوزي ييجي في الحلم يقولي ليه سيبتيه 5 سنين ييجي بيتنا وياكل مع بناتي وانا مش عارفة انه هو اللي زق الطوبة
أصحى أعيط
بنتي الصغيرة بقت هي اللي تطبطب عليا
تقولي يا ماما خلاص احنا خدنا حقهم
بس أنا كنت حاسة اني أنا اللي ضيعت حقهم 5 سنين وأنا سايبة الراجل ده يدخل بيتي ويقول للبنات يا حبايبي
بعد الحكم بشهرين المحامي قالي الأرض اللي حوالين الكوخ جاي لها مشتري كبير هيدفع مبلغ كبير أوي
قلت له مش عايزة أبيع
قال ليه
قلت له الأرض دي ډم جوزي وولادي مينفعش أبيعها لحد غريب
قال طيب هتعملي ايه بيها
قلت له هسيبها وقف باسم جوزي وولادي أي حد من أهل البلد عايز يزرع فيها يزرع ببلاش بس بشرط ياخد باله منها
المحامي استغرب وقال انتي هتسيبي ملايين
قلت له الملايين دي هي اللي موتت جوزي وولادي أنا مش عايزاها
وفعلا عملت كده
كتبت الأرض كلها وقف خيري باسم جوزي وولادي التلاتة
وكل أهل الجبل بقوا يزرعوها قمح ودرة وكل سنة المحصول يتوزع على الغلابة باسمهم
الناس بقت تدعيلهم
أما الكوخ نفسه فضل مقفول
بس بنتي الصغيرة قالت لي يا ماما أنا عايزة أروح أبات فيه ليلة زي ما بابا كان بياخد اخواتي
قلت لها لا يا حبيبتي ده بعيد ومخيف
قالت لا أنا عايزة أحس اني كنت معاهم
أخدتها ورحنا أنا وهي واخواتها البنات
فتحنا الكوخ
ريحته لسه ريحة خشب قديم وريحة جوزي وولادي
لقيت على الحيطة صورهم اللي كان جوزي معلقها
ولقيت على الترابيزة كشكول صغير بتاع ابني الكبير
فتحته
كان كاتب فيه يوميات الرحلة
آخر صفحة كاتب بكرة بابا قال هيعلمني أسوق العربية على طريق الجبل أنا مبسوط أوي
الكشكول وقع من ايدي وقعدت أعيط أنا وبناتي الخمسة
بنتي الصغيرة خدت الكشكول وحضنته وقالت أخويا كان نفسه يسوق زي بابا
بتنا الليلة دي في الكوخ
ولعڼا ڼار بره وقعدنا نحكي عنهم
بنتي الكبيرة قالت فاكرة لما بابا كان بيرجع من الرحلة دي كان بيجيب لنا ورد جبلي
والتانية قالت وكان بيجيب عسل
والصغيرة قالت وأنا كان بيجيب لي دبدوب جديد كل مرة بس الدبدوب اللي لقيت فيه الورقة كان أحلى واحد عشان بابا خبى لي فيه سر
تاني يوم واحنا راجعين من الجبل لقيت عربية البوليس واقفة قدام بيتنا
اټخضيت
نزل منها ظابط صغير قال انتي مرات المرحوم
قلت أيوه
قال المتهم اللي محپوس بعت لك جواب من السچن وعايز يقابلك
قلت له مش عايزة أشوفه
قال هو بيقول عايز يقولك حاجة مهمة عن الليلة دي
بنتي الصغيرة قالت لي روحي يا ماما يمكن عايز يقول الحقيقة
رحت السچن بعدها بيومين
دخلوني أوضة صغيرة وهو جه مقيد
أول ما شافني وطى راسه
قال أنا عارف انك مش هتسامحيني بس أنا لازم أقولك الحقيقة كاملة
قلت له حقيقة ايه تاني انت قټلت جوزي و 3 عيال
قال أنا يومها مكنتش لوحدي
اټصدمت
قلت يعني ايه مكنتش لوحدك
قال كان معايا واحد تاني من المركز كان بيساعدني عشان الأرض دي كنا هنقسمها سوا
قلت له مين
قال مش هقدر أقول اسمه عشان عيالي بس هو اللي زق الطوبة الكبيرة