شقه الزوجه ج٢ منال علي

بتلف كأنها في ساقية.
ليه ياسر يحط مبلغ زي ده في حسابهم؟
وليه حماتها عايزة الشقة تتكتب باسم هاجر؟
وهاجر… هل هاجر عارفة ولا هي مجرد غطا؟
تاني يوم الصبح.
ياسر نزل بدري جدًا، قال إنه رايح الشغل عنده مشوار ضروري.
سلمى ما سألتهوش رايح فين.
نزلت وراه، بس ما راحتش على شركتها.
كان في شخص واحد بس في قعدة العشا امبارح ما كانش مرتاح، وبان عليه الرفض.
حسام… جوز هاجر.
سلمى اتصلت بحسام.
ألو، إزيك يا حسام.
حسام صوته كان متلجلج أهلاً يا سلمى، خير؟
عايزة أقابلك نص ساعة، في كافيه جنب شغلك.
ياسر عارف؟
لأ، والموضوع يخص كلام امبارح.
سكت حسام ثانيتين، وبعدين قال تمام، مستنيكي كمان نص ساعة.
في الكافيه، حسام كان قاعد ماسك كوباية القهوة بإيدين متوترة، عينه رايحة جاية على الباب.
سلمى قعدت قدامه، وحطت شنطتها على الترابيزة.
أنا مش هلف وأدور يا حسام… إنت امبارح قولت إن الموضوع مش صح. إنت عارف إيه وأنا معرفوش؟
حسام اتنهد، وبص حواليه وقال بصوت واطي
يا سلمى، أنا امبارح اتفاجئت زيي زيك بالكلام على السفرة… بس هاجر كانت ملمحة لي من أسبوع إن في فلوس هتدخل باسمها.
فلوس إيه؟
هاجر جالها عرض إنها تشتري شقة من شركة عقارات كبيرة بخصم موظفين أو بتسهيلات غريبة… بس باسمها هي، عشان الشركة ما تسجلهاش باسم حد تاني.
سلمى ضيقت عينيها اسم الشركة إيه؟
مجموعة التهامي للاستثمار.
الصڤعة نزلت على عقل سلمى.
رؤوف التهامي!
نفس الراجل. حصري علي روايات واقتباسات
سلمى سألت بحدة وليه هاجر بالذات؟ هاجر لا شغالة في عقارات ولا علاقة لها برؤوف!
حسام قرب من الترابيزة وقال بصوت أشبه بالهمس
عشان ياسر عليه شيكات لرؤوف التهامي يا سلمى!
سلمى حست بدوخة شيكات بإيه؟
ياسر كان داخل في بيعة أراضي معاه وخسر، ورؤوف كان هيرفع عليه قواضي ويسجنه… بس الأسبوع اللي فات، حماتك دخلت في الموضوع، وياسر اتفق مع رؤوف على تسوية.
تسوية إيه؟
إن رؤوف يسقط الشيكات، ويديهم شقة بسعر رمزي كعمولة، بس بشرط… الشقة تتسجل باسم حد بعيد عن ياسر، وفي نفس الوقت…
حسام سكت، وبص لسلمى بتردد.
سلمى قلبها
ۏجعها في نفس الوقت إيه يا حسام؟ انطق!
في نفس الوقت في ورق عندك في شركتك… رؤوف عايزه يخرج من تحت إيدك إنتِ بالذات. تسريب مناقصة لمشروع العاصمة الجديدة. وياسر وعدهم إنه هيخليكي تمضي على استلام ملفات وتعديها من غير مراجعة!
سلمى قعدت مصلوبة مكانها.
الهوا خلص من حواليها.
يعني الموضوع مش مجرد حماتها طمعانة في شقة لأخت جوزها!
الموضوع إن جوزها، اللي بقالها خمس سنين بتقتسم معاه اللقمة والجنيه، كان بيخطط يورطها في قضية فساد وتزوير عشان يسدد ديونه!
وكانوا عايزين ياخدوا شقا عمرها في الحساب البنكي عشان يدفعوا مقدم للشقة التانية اللي هتكون مكافأة السكوت… وباسم أخته!
سلمى طلعت تليفونها، وأيدها بطلت ترتعش فجأة.
الرعشة اتبدلت ببرود غريب، البرود اللي بيجي للواحد لما يعرف إنه خلاص… خسر كل حاجة وما بقاش عنده حاجة ېخاف عليها.
فتحت شات ياسر، وكتبت له رسالة واحدة
أنا في البنك دلوقتي بسحب نصيبي من الحساب المشترك… ورؤوف التهامي مستنيك في مكتبه عشان يبلغك إن الصفقة باظت.
وقبل ما تدوس إرسال… بقلم منال علي
تليفونها رن برقم نوال، حماتها.
ردت سلمى بهدوء ألو.
صوت نوال كان كله زعيق وړعب وراها صوت دوشة في البيت
سلمى! إلحقيني يا سلمى… ياسر عمل حاډثة بالعربية والبوليس هناك وواخدينه على المستشفى، ومعاه ورق غريب باسمك!
يتبع ……