جوزي كان بيخدرني

لدكتورة نفسية
قلتلها أنا كنت بتخدر من أقرب الناس ليا
جوزي وأخوه
الدكتورة قالتلي ده صدمة كبيرة ولازم تاخدي وقت
قالتلي انتي كنتي واثقة فيهم ثقة عمياء وهما كسروها
قلتلها أنا مش زعلانة على جوازي أنا زعلانة على غبائي كنت بشرب المية وأقول شكرا
قالتلي مش غباء دي طيبة والطيبة مش عيب
العيب على اللي استغلها
بعدها بشهر المحكمة بعتتلي
القاضي عايز يسمع شهادتي
دخلت المحكمة
لقيت جوزي قاعد ورا القفص
لابس لبس السچن وشكله خس النص
أول ما شافني عينه دمعت
قال بصوت واطي سامحيني
قلتله أسامحك على ايه على إنك خدرتني ولا على إنك كنت عايز تطلعني خاېنة ولا على إنك كنت عايز تاخد فلوسي
سكت
أخوه كان قاعد جنبه
قال أنا آسف والله أخويا هو اللي قالي اعمل كده وقالي ده لمصلحتها عشان نثبت إنها تعبانة ونوديها تتعالج
قلتله مصلحتي أمم مصلحتي إنك تشيلني وأنا متخدرة تدخل بيا شقة مفروشة وتصورني مع راجل غريب دي مصلحتي
وشه نزل في الأرض
الست الحامل جت تشهد
بطنها كانت كبرت
قالت أنا اتضحك عليا هو قالي هيطلقك ويتجوزني ويديني شقة باسمي ولما عرفت إنه بيخدرك مرضتش أكمل وبلغت المحامي بتاعك من وراه
بصتلها
صعبت عليا
هي كمان ضحېة واحد كداب
القاضي حكم على جوزي ب 7 سنين سجن
حكم پتهمة وضع مادة مخدرة لحد من غير علمه والتزوير والشروع في الڼصب والاستيلاء على أموال الزوجة
وأخوه خد 5 سنين عشان هو اللي كان بينفذ
والست خدت براءة عشان هي اللي بلغت وساعدت الشرطة
خرجت من المحكمة وأنا مش حاسة بانتصار
حاسة إني خلصت من حمل تقيل
روحت البيت
لقيت أهل جوزي مستنييني تحت العمارة
أمه وأبوه
أمه أول ما شافتني قالت حسبي الله ونعم الوكيل فيكي حبستي ابني
قلتلها ابنك هو اللي حبس نفسه لما قرر يخدر مراته اللي بقالها 12 سنة شايلاه
أبوه قال انتي السبب لو كنتي خلفتيله كان قعد جنبك
قلتله آه صح أنا السبب إني مخلفتش فقرر يخدرني ويصورني مع رجالة عشان ياخد فلوسي منطق برضه
أمه قالت هتعملي ايه بالفلوس دلوقتي هتصرفيها على مين
قلت هصرفها على نفسي اللي نسيتها 12 سنة وأنا بصرف عليه هو وأهله
ومشيت وسيبتهم
طلعت شقتي
الشقة اللي كان عايز ياخدها مني
قفلت الباب بالمفتاح
وفتحت الشبابيك كلها
الشمس دخلت
أول مرة من شهور أحس إن الشمس داخلة بيتي بجد
كلمت المحامي قلتله عايزة أبيع حصتي في شركة عيلتهم
قال هتخسري كتير لو بعتي دلوقتي
قلت مش عايزة ولا جنيه من ريحتهم
باع الحصة
خدت فلوسها وفتحت بيها مشروع صغير
مكتب محاسبة باسمي أنا
المكتب اللي كنت بشتغل فيه موظفة بقيت صاحبة مكتب
وجبت بنت صغيرة تشتغل معايا
أول حاجة قلتهالها اوعي في يوم تشربي حاجة من إيد حد متعرفيهوش
حتى لو قالك ده أخو جوزك
البنت ضحكت وقالت حاضر
بعد 3 شهور من الحكم جالي جواب من السچن
من جوزي
كاتب فيه 4 صفحات
بيقول إنه ندمان وإنه كان مضغوط وإنه كان خاېف يخسرني والست التانية ضحكت عليه
وإنه بيحبني لسه وعايزني أستناه 7 سنين
قطعت الجواب 100 حتة ورميته في الژبالة
وصورت ال 100 حتة وبعتهاله في جواب
وكتبتله تحتيه
زي ما قطعت جوابك هقطع 12 سنة من حياتي وارميهم في الژبالة
بعدها باسبوع عرفت إن الست الحامل ولدت
ولدت ولد
وجوزي وهو في السچن طلب تحليل دي إن إيه
طلع الولد مش ابنه
الست كانت مصاحبة واحد تاني غيره وهو فاكر إن الولد ابنه
يعني كان بيخدر مراته وبيزور ورق ويحبس نفسه عشان واحدة بتضحك عليه هي كمان
لما عرفت الخبر ضحكت
ضحكت من قلبي أول مرة من 8 شهور
مش شماتة
ضحك على غباء اللي يفتكر إنه أذكى من الكل
دلوقتي أنا عايشة لوحدي
بصحى الصبح أعمل قهوتي بإيدي
أفتح إزازة المية بإيدي
أشرب وأنا عارفة أنا بشرب
ايه
وبنزل مكتبي
وبليل برجع بيتي
أنام وأنا عارفة إني هصحى فاكرة كل حاجة
فاكرة إني أنا اللي أنقذت نفسي
لما سجلت الطريق
لما صورت الورق
لما رفضت أشرب المية المفتوحة
أربع مرات شربت وأنا مش عارفة
بس مرة واحدة فوقت
ومرة واحدة كفاية عشان تغير حياة كاملة
والعربية بتاعة أخو جوزي
بقيت كل ما أشوف واحدة شبهها في الشارع
أبص في المراية وأتأكد إني صاحية
وأقول لنفسي
انتي صاحية
انتي فايقة
انتي مش نايمة
انتي اللي صحيتي نفسك بنفسك