جوزي كان بيخدرني
علاقة براجل تاني وصور متركبة
يعني كان عايز يطلعني أنا الخاېنة
أنا اللي كنت بطبق هدومه وبستناه كل يوم
أنا اللي كنت بقوله خلي بالك من نفسك
هو كان بيجهز ورق يثبت إني أنا اللي خاېنة عشان ياخد كل حاجة
قمت لمېت الورق بسرعة وصورته كله بالموبايل
صورة صورة
وبعت الصور على إيميلي الخاص اللي هو ميعرفوش
وعملت نسخة على فلاشة صغيرة خبيتها في علبة المكياج
وبعدين رجعت كل حاجة مكانها بالظبط زي ما كانت
كأني ملمستش حاجة
وخرجت وقفلت الباب
قعدت في الليفنج
دماغي بتغلي
الدكتورة اللي كلمتها قالتلي تعالي فورا
قالتلي اللي بتحكيه ده مش إرهاق
ده ممكن يكون حاجة محطوطة في المية
قلت أروح
لبست ونزلت
رحت العيادة
حكيت للدكتورة كل حاجة من غير أسامي
قلتلها كل مرة أخو جوزي يوصلني يديني إزازة مية مفتوحة وبعدها أنام وأنسى ساعة ونص
الدكتورة بصتلي وقالت انتي لازم تعملي تحليل ډم وتحليل شعر فورا
عملت التحاليل
الدكتورة قالتلي النتيجة هتطلع كمان يومين بس اللي بتحكيه ده شكله مادة منومة بتتحط بجرعة صغيرة تخليكي دايخة وتنسي
ساعتها حسيت إني هقع من طولي
يعني أخو جوزي كان بيحطلي حاجة في المية
أخو جوزي اللي كنت بقوله يا أخويا
وأنا أشرب وأقول شكرا
وجوزي هو اللي قايله اعمل كده
رجعت البيت
جوزي كان رجع من الشغل
قاعد بيتفرج على التليفزيون كأنه ملاك
قالي اتأخرتي ليه
قلت كنت في مشوار
قالي مش قلتلك متتأخريش
قلت معلش كان عندي حاجة مهمة
بصلي وقال مالك شكلك متوتر
قلت لا مفيش شغلي بس كتير
قالي ما أنا بقولك سيبي الشغل
كنت عايزة أمسكه من هدومه وأقوله انت اللي قلت لأخوك يحطلي منوم في المية يا ناقص
بس مسكت نفسي
افتكرت الجملة اللي كتبتها لنفسي
اوعي تواجهيه لحد ما تأمني الدليل
دخلت أوضة النوم وقفلت على نفسي وفضلت أعيط من غير صوت
عياط يوجع
12 سنة جواز
12 سنة وأنا فاكرة إني متجوزة راجل بيحبني
طلع بيخطط يدمرني
تاني يوم روحت لمحامي
محامي كبير بتاع قضايا عيلة
دخلت مكتبه ومعايا الفلاشة والتسجيل
قلتله أنا عايزة أحكيلك حاجة بس من غير ما تقول اسمي لحد
وحكيتله كل حاجة
من أول مرة دوخت لحد الورق اللي لقيته في المكتب
المحامي سمع التسجيل
سمع جملة خدها على نفس المكان فلانة مستنياك
وسمع جملة الصور لازم تبان طبيعية
وشه اتغير
قالي بصي اللي جوزك بيعمله ده اسمه تدبير جنائي
بيحطلك مادة مخدرة من غير علمك وده شروع في إيذاء
وبيعمل صور مزورة عشان ياخد حضانة مالية وده تزوير وڼصب
قلتله طب والست الحامل دي
قالي دي الضحېة التانية شكله وعدها بحاجة وبيستخدمها
قلتله طب أعمل ايه
قالي أول حاجة متشربيش أي حاجة من إيد أي حد فيهم تاني
تاني حاجة هاتي تقرير طبي رسمي
تالت حاجة احنا هنقدم بلاغ ونطلب تفريغ كاميرات الجراج اللي كنتي بتروحيه
قلتله جراج ايه
قالي التسجيل فيه صوت جراج تاني غير جراج بيتكم وصوت كاميرا
ده معناه إنهم كانوا بياخدوكي مكان تاني وانتي نايمة يصوروكي مع حد عشان يبان إنك على علاقة
ساعتها الدنيا لفت بيا
يعني كان بياخدني وأنا متخدرة يصورني مع راجل غريب
ياديني
بقيت أعيط في مكتب المحامي
المحامي قالي اهدي احنا هنثبت كل حاجة
قالي روحي البيت واتعاملي عادي جدا كأنك مش عارفة حاجة
وأنا هجهز كل حاجة
روحت البيت
جوزي كان مستنيني على العشا
عامل نفسه رومانسي
جايب أكل من برا
قالي قلت أعوضك عن الأيام اللي بتتعبي فيها
قعدت قدامه وأنا باصة للأكل
خفت يكون حاطط حاجة في الأكل كمان
قلتله معلش مليش نفس
قالي ليه
قلت تعبانة
قالي طب اشربي مية
وجابلي إزازة مية مقفولة
فتحها قدامي واداهالي
خدتها وحطيتها جنبي من غير ما أشرب
قال اشربي
قلت هشرب بعدين
فضل يبصلي
وبعدين قام دخل البلكونة يتكلم في التليفون
سمعته بيقول آه هي شاكة في حاجة لا لا لسه مش عارفة
فهمت إنه بيكلم أخوه
دخلت أوضة النوم
