عزيزه وأنور

أنا اتخطبت. نعم يا روح أمك؟! اتخطبتي؟! أيوة. قالتها في دلع شديد ليشيط الآخر. إنتي نسيتي يا هانم إنك لسا على ذمتي؟! أله! مش أنت قولت إنك هتطلقني وروحت خطبت؟ أنا كمان عملت زيك، الله! مش لازم أشوف مستقبلي أنا كمان ولا فاكرني هبكي على الأطلال؟ قبض على ذراعها بحدة: تشوفي مستقبلك بعد ما أطلقك، مش لما تكوني على ذمتي. ماتقول الكلام ده لنفسك! أنا هنا الراجل وأعمل اللي يعجبني، أما إنتي لأ. أبعدته عنها: ده كان زمان وجبروت سي السيد. ثم تابعت بدلع: أبعد بقى عني؛ أصل خطيبي بيغير عليا موت، ولو عرف إني بكلمك ممكن يقتلني. كز على أسنانه: ده أنا اللي هقتلك وأقتله لو ماغورتيش من قدامي! كتمت ضحكتها وجريت من أمامه لأن عيونه كانت بتطق شرار. اختفت ضحكتها وظهر الحزن والغيرة اللي بتنهش في قلبها، والخيانة من أقرب الناس ليها.. أعز صديقة ليها. أنا اسمي عزيزة، وده حبيبي وجوزي أنور. اتجوزنا بعد سنين حب، وعكس ناس كتير فضلنا نحب بعض حتى بعد الجواز، لحد ما جتلي فرصة عمل كبيرة خدت كل وقتي وبقيت أهمل أنور كتير. أخد الهاتف وقام برميه ليتكسر إلى قطع. عزيزة: أنت اتجننت يا أنور؟! أنور: إنتي... اسكريبت عزيزة وأنور الأخير: عزيزة: أنت اتجننت يا أنور؟! قالت ببراءة: لا والله، ده بعباكة ابن عمي. أنور: بإيه؟ بعباكة؟! مش كنا خلصنا منه واتنيل وسافر؟! عزيزة بدلع: لا ما هو لسا راجع من السفر، وأول ما عرف إننا هنطلق طلب إيدي للجواز، وأنا وافقت. أنور بغيرة: وقفت المية في زورك يا شيخة! مش ده اللي زمان كنتي بترفضيه؟ إيه، دلوقتي احلوّ؟! عزيزة بدلع أكبر: يااااي! أصلك ماشوفتهوش دلوقتي، بقى طول بعرض بحلاوة.. يا خوووواتي على عيونه! عزززززيزززززة! اقترب منها لكي يكسر عظامها، ولكنها أسرعت إلى الحمام؛ ليقول بحدة: اسمعي يا بت إنتي، الجواز من عقلة الإصبع ده تنسيه لأني مش هطلق، إنتي فااااااهمة؟! من خلف الباب: يبقى هرفع عليك قضية وأخلعك عشان أتجوز بعبوكيييي حبيب قلبيييي. ضرب الباب بقوة: عزززيزززة! ماتخلنيش أكسر الباب على دماغك. وأنا هعرف شغلي مع سي زفت ده، وهعرّفه إزاي يبص ليكي وإنتي على ذمتي. صرخت وظلت تقفز: بيغير علياااا! يعني لساااا بيحبنييي! هههههههههه، يس يسسس. ذهب أنور لبعباكة في محل والده. أنور بغضب: بعبااكة! أنت ياللي اسمك بعباكة! أتى بعباكة، هو قصير القامة هزيل الجسد، ابتسم أنور بسخرية: هو ده اللي بقى طول بعرض؟! رفع بعباكة نظره لأعلى لكي يستطيع أن يتحدث معه؛ فهو بالنسبة لأنور عقلة إصبع، فأنور ذو بنية قوية وجسد عريض وطول فاره، نعم يلزمه خدمة. قام أنور بمسكه من ملابسه ورفعه، ليصرخ بعباكة وهو يحاول الفرار: نززززلنييييي! حد يساااعدنييي! إلحقونييي يا خلق! أنور بحدة: اسمعني، وبطل نويح زي النسوان! هي كلمة ومش هعيدها تاني.. لو قربت من عزيزة مراتي، أنت فاهم؟! بعباكة: فاهم، فاهم، بس نزلني! نزله أنور: لو سمعت تاني إنك قربت منها تاني، شوف بنفسك أنا هعمل إيه. وضع يده على رقبته وهو يلعن اليوم الذي عرف عزيزة فيه. رن هاتفه: بصي يا بنت الحلال، إنسي واحد كان في حياتك اسمه بعباكة. عزيزة بتمثيل المسكنة: اخص عليك يا بعبوكي! بعباكة: بت! أنا مش قد جوزك التور ده، ده شالني بإيد واحدة! يلعن أبو معرفتك يا شيخة! عزيزة: اهئ اهئ اهئ، أخص عليك يا بعبوكي! كده تتخلى عني في أول الطريق؟ بعباكة: آه، أنا ندل وواطي يا ستي! ولو ماسكتيش هروح أقوله إننا اخوات في الرضاعة! ها، استريحتي؟ ثم أغلق الهاتف. عزيزة: جبان! أما وريتك يا بعباكة الكلب، بس أخلص من أم قويق الأول. عندما استمعت إلى باب الشقة يفتح ذهبت إليه سريعًا: ممكن أعرف إيه اللي عملته مع بعبوكتي ده؟ قال بسخرية: هو لحق قالك؟ بس حسابه معايا بعدين. عزيزة: لا، أنت لو فكرت تقرب له تاني، أنا اللي هقفلك. أنور: ثواني ثواني.. إنتي جبتي تليفون منين؟ أنا مش كسرت تليفونك قبل ما أطلع؟! رفعت حاجبها ووضعت يدها في خصرها: ده سر المهنة يا أستاذ هههههه. أنور: إنتي متأكدة إنك كنتي بتشتغلي في شركة ولا في شارع الهرم؟ عزيزة: يا سممم! بص أنا بقولك أهو، لو فكرت تقرب من بعبوك... كتم فمها: اششش، مش عاوز أسمع اسم الأراجوز ده هنا تاني، فاهمة ولا لأ؟! ومن النهارده مفيش خروج ولا تليفونات ولا أي حاجة، وكمان يومين هتجوز وأجيبها تقعد معاكي هنا.. علالة أسمع حسك! عيطت بجد ليبتعد عنها: ليييه؟ ليه بتعمل فيا كده؟ أنور: إنتي اللي عملتي مش أنا! إنتي اللي أهملتي بيتك وجوزك عشان ولا حاجة، خلتيني أقرب من شخص تاني، وأحس معاه بالحنان اللي مفتقده منك. عزيزة بانهيار: أنا بعترف إني غلط، بس أنت غلطت أكتر؛ لأنك اخترت الأسلوب الأسهل! كان ممكن تيجي وتناقشني ونلاقي حل سوا، مش تروح تخونني مع صاحبتي. أنور: أكلمك؟! هههههه، إنتي كنتي فاضية أصلا عشان تتكلمي؟ شغل شغل شغل لحد ما زهقت! خفت أروح أقولك تقوليلي إني غيران لأنك بقيتي ناجحة. صفقت: برافو! يعني تروح تخونني عشان خايف لأفهمك غلط؟! أنور: طول عمرك كده بتقلبي الترابيزة لصالحك، ومابتعترفيش بغلطك. عزيزة: بعترف! والدليل إني بقولك دلوقتي أنا عارفة إني قصرت، قصرت كتير بحقك وبعتذر، وبطلب منك تسامحني ونفتح صفحة جديدة. اقتربت منه: أنا لسا بحبك، وعارفة إنك كمان لسا بتحبني. ابتعد عنها: للأسف ماعدش ينفع الكلام ده، أنا كتب كتابي بكرة. مسحت دموعها وقالت بجمود: ألف مبروك، ربنا يتمم ليك بخير. اتنهد: هبعتلك اللوكيشن؛ عشان المأذون اللي هيجوزنا هيطلقنا أنا وإنتي. كتمت صوت بكائها، ثم هزت رأسها وجريت من أمامه. في اليوم التالي، خاصة وقت كتب الكتاب: أنور: هي اتأخرت كده ليه؟ العروسة: زمانها جاية يا أنور. أنور: ده أنا منبه عليها تيجي بدري. العروسة: اعذرها يا أنور، هي بردوا جاية عشان تتطلق مش عشان تتجوز. أنور: استرها يارب، خايف لتكون جرى بيها حاجة. العروسة: لسا بتحبها برغم كل اللي حصل! نظر لها وصمت. المأذون: هو إحنا هنستنى أكتر من كده يا أستاذ؟ أنا زهقت! أنور: معلش أصبر شوية كمان. يا ترى إنتي فين يا عزيزة؟ بعد شوية دخل ثلاث ستات يرتدون الأسمر ويصرخون. أنور: انتوا مين وجايين بتعملوا إيه هنا؟ هنا دخلت عزيزة وهي تمسك ظهرها وبروز بطنها، وفي يدها أربع أطفال. عزيزة: الجوازة دي لازم.. لا يمكن تتم يا حضرة المأذون! المأذون: ليه؟ ومين إنتي؟ عزيزة بتمثيل: أنا بكون الزوجة الرابعة للمتوحش ده يا سعادة البيه! سابني أنا وعياله وراح يتجوز يا سعادة البيه، ونسي إن ربنا حلل في الشرع أربعة بس، الطفس راح يتجوز الخامسة! أنور: عزيزة! إيه الهبل اللي بتقوليه ده؟! عزيزة للنسوان: أربعة على واحد إيه؟! الستات: حلاللللللل. عزيزة: خمسة على واحد إيه؟! هجموا على صديقتها هم والأطفال: حرامممممم. لتصرخ الفتاة؛ ليجري المأذون والمعازيم ويبعدوهم عنهم. أنور: قوليلهم يبطلوا اللي بيعملوه. عزيزة: لا، هخليهم يسيبولها عاهة مستديمة عشان كل ما تبص لها تفتكرني بعد الطلاق! مسك ذراعها: قولتلك ابعديهم! عزيزة: لااا. المأذون: الله يخربيتك! خليهم يبعدوا عن خطيبتي! عزيزة: خطيبتك؟! المأذون: أيوة زفت! الله يخربيت معرفتك أنت ومراتك يا شيخ. المأذون: ابعدوا انتوا وهي. واحدة فيهم شدته ووقعته هو كمان. عزيزة لأنور: الكلام اللي بيقوله ده صح؟! أنور: أيوة يا ستي اتنيلي بقى، خليهم يبعدوا! عزيزة: خلاص يا ستات، تشكروا نردهالكوا في الأفراح. الستات: إنتي تأمري يا ست عزيزة، السلامُ عليكوا. عزيزة: ممكن أفهم إزاي المأذون طلع خطيب دي؟! رمى المأذون دقنه والطاقية وهو يتألم: أنا ولا مأذون ولا زفت! أنا أحمد صاحب الزفت ده! عزيزة بصدمة: أحمد؟! أحمد: آه زفت يا أختي! أنا كان مالي ومال الخطة الزفت دي! العروسة: آااه آااه. أحمد: قومي براحتك يا روحي، بس تعرفي.. تستاهلي! عشان تاني مرة ماتقعديش تخططي لواحدة مجنونة زي دي. عزيزة لأنور: ممكن أفهم الموضوع؟ أنور: لما أفهم أنا الأول إيه اللي عملتيه ده، وإيه اللي عملاه في نفسك ده؟! اقتربت منه ولعبت في الكرافتة: أومال فاكرني يا روحي هسيبك تضيع مني بسهولة كده؟ يبقى لسا ماعرفتش مين عزيزة المجنونة! حاوط خصرها: هههه، لا طلعتي مجنونة بجد، بس حرام بهدلتي البنت! عزيزة: تستاهل عشان فكرت تسرقك مني! العروسة: ماتتكلم يا سي أنور وقولها الموضوع! آااه حسبي الله ونعم الوكيل. أنور: كل الحكاية يا ستي إن أحمد صديقي أعجب بسارة صاحبتك لما اتقابلوا في العمارة مرة، وقرر يتجوزها. فسارة خطر ليها فكرة إني حبيتها وهتجوزها؛ عشان تخليكي تغيري؛ لأنها أكتر واحدة عارفاكي إنك استحالة تسيبيني أروح لحد غيرك. ثم نظر لسارة وأحمد: وبصراحة كان عندها حق ههههه. عزيزة: يعني إنتي ماخنتينيش ولا سرقتي جوزي؟ بل كنتي بترجعيني لجوزي؟ سارة: شكلك لسا ماتعرفيش صاحبتك كويس! أنا لو كانت روحي فيه استحالة أخونك يا عزيزة، دانتي أختي اللي ماخلفتهاش أمي. حضنتها عزيزة لتصرخ سارة من الألم: آاااه! عزيزة بحزن: أنا آسفة. سارة وهي تتألم: لا عادي آااه، إنتي عملتي حاجة؟! أحمد: أخطب أنا إزاي بمنظرنا اللي يعر ده؟! ضربته في كتفه ليصرخ: آااه! عزيزة: تعيش وتاخد غيرها يا كينج. عزيزة: بحبك، وآسفة على كل حاجة زعلتك مني بقصد ولا غير قصد. أنور: لو كنتي بتحبيني بجد، ماكنتيش رضيتي إنك تتخطبي لواحد زي بعباكة، أو حتى تروحي تكلميه. ابتسمت ببراءة: هو أنا ماقولتش ليك؟ أنور بشك: قولتيلي إيه؟ عزيزة: أنا وبعباكة اخوات في الرضاعة! أنور: نعم يا أختي؟! أومال كان طول الوقت ده بعباكة طالب إيدي للجواز، ده زفت عاوز يتجوزني.. ده كان إيه؟! ابتعدت عنه خطوة: ده عشان تسرع تطلبني للجواز! جريت، وأنور: آه يا بنت الـ... طب مش هسيبك بقى، كنتي تخليني أغلي من أخوكي؟! عزيزة: ههههههههه، اهدى يا أنور إحنا مش في بيتنا! أنور: مش هسيبك يعني مش هسيبك! عزيزة: ههههههههه، الحقوووونيييي! تمت.

مقالات ذات صلة

في وسط عزومه عائليه محمد عبده

امراه حامل بجوار افعاها الاليفه

يوم كتب الكتاب ج٣ منال علي

عفصوره في عرينه ج2

العيله المخفيه

مرات ابويا حبستني

اترك تعليقاً إلغاء الرد