انتي مراتي ج١

وبعد بعض الوقت

نور روحت الفيلا وغيرت لبسها وبعدين اخدت لبس لامها وراحت عند عاصم الشركه وما لقت السكرتيره خبطت علي الباب ودخلت واتفاجئت بالسكرتيره فحضن عاصم

عاصم. ايه اللي انتي عملتيه دا

ساندي. اسفه يا فندم كنت هقع

عاصم. بصلها

نور. هو انا جيت فوقت غير مناسب ولا ايه

عاصم اتفاجئ بصوت نور وقام وقف وقال نور

نور اها نور اللي مخدوعه ونايمه علي ودانها وحضرتك بتقضيها هنا وعايش حياتك

ساندي بكل بردو قالت عن اذن حضرتك يا فندم ولو احتاجت حاجه انا موجوده وعدت من جنب نور وبصتلها بارف وقفلت الباب

عاصم. نور انتي فاهمه غلط

نور. والله

عاصم لف وراح عندها وقالها اهدي واسمعيني

نور بعصبيه قالت واضح انها مش اول مره لانها ما اتهزت ولا حتي خافت ولا بان عليها اي حاجه حتي من الكسوف

عاصم. نور اتكلمي كويس

نور. هو انتي كمان ليك عين تتكلم

عاصم مسكلها من ايدها وقالها دي كانت هتقع

نور. يا حبيبي وانته بقا اللي سندتها

عاصم. نوووور

عاصم. انا مش بكذب هي فلا كانت هتقع

نور. اها وكمان وهي بتقرب منك وانت عينك عليها بردو دا كان غصب وهي بتقع طيب المره الجايه ابقي خلف منها وقولي اصلاها مغمي عليها

ساندي دخلت تاني وقالت بكل مياعه وعند فنور عاصم بيه عند حضرتك اجتماع مهم ولازم تحضره دلوقتي وبلاش تتأخر علي حاجه ملهاش لازمه

عاصم. ساندي اخرجي برا والغي اي اجتماع

ساندي قربت منه وقالت بس يا قندم العملا وصلو

عاصم. قولت برا

ساندي خافت من طريقته وخرجت
نور بعد كلام ساندي مع عاصم بهذه الطريقه شاكة انو بينهم حاجه وقالت قسما بالله ما هعديها بالساهل مش انا اللي اتخان يا عاصم ومن واحد زيك وواحده رخيصه زي دي

عاصم بصوت عالي قالها زي يعني ايه فوقي لكلامك

نور زقته عنها وقالت انا فايقه يابن الزيني وهوريك بنت عامر السمنودي هتعمل ايه فيك وانت اللي ابتديت

عاصم مسك دراعها ولواه وراها وقالها جنان مش عايز

نور ضربته فصدره بقوه وبعدتته عنها وقالت جرح بجرح وظلم بظلم وإهانه بإهانه وغدر بغدر وخيانه بخيانه يابن الزيني والبادي اظلم

عاصم خلاص فقد اعصابه تعامل معها بقسوة وقالها خيانه بخيانه انتي خلاص اتجننتي

نور. بتضربني علشان واحده رخصيه خونتي معها ماشي انا هاخد حقي منك ومن عيلتك كلها يابن الزيني وهاخد تاري منك بجرحك ليا وخيانتك ليا وكرامه بكرامه بس انا بقا کرامتي بكرامتك وكرامة عيلتك كلها يابن الزيني