انت حياتي ساره مجدي

الفصل الاول كانت تركض فى اروقه المشفى …. تبحث بعينيها التى لا تتوقف عن زرف الـ,ـدموع …. انه سندها فى الحياه … اغلى شخص فى حياتها …. كيف سيتركها … ولماذا الكل يتركها ويرحل …. عندما كانت تنظف المنزل وتقوم بتجهيز الطعام … جائها ذلك الخبر من دقدق صبى المقهى .. ان اباها سقط مريض فى عمله ونقلوه الى المستشفى العام القريب …. لم تشعر بنفسها وهى تسحب اسدال صلاتها وتخرج من باب البيت تهرول فى خـ,ـوف وفزع كانت تنظر فى كل الاتجاهات حتى رأته انه سلطان ذلك الشاب صاحب الورشه الذى يعمل بها ابيها …. دون وعى ركضت اليه وامسكت زراعه فى راجاء سائله – ابويه فين يا سلطان ايه الى حصل … طمنى ابوس ايدك – اهدى يا مذمذيل رحاب ان شاء الله الأسطى يبقا بخير – اشوفه انا عايزه اشوفه – الدكتور عنده دلوقتى وقفت بجانبه تستند الى الحائط تنظر الى باب الغرفه برجاء … وكانه هو من بيده الامر كان لسانها لا يتوقف عن الدعاء …. ودموعها تسيل من عينيها انهارا حتى فتح الباب رقضت سريعا تقف امام الطبيب الشاب تسأله فى خـ,ـوف – ابويا عامل ايه يا دكتور أجاب الطبيب فى برود اكتسبه مما يرى يوميا … ودون اهتمام لمشاعرهم …اجاب قائلا – زبحه صدريه شهقت بصوت عالى … ولطمت صدرها بيديها ليقترب سلطان سائلا – و لحقته مش كده يا دكتور – الحاله جت المستشفى متاخر .. مفيش فى ايدى حاجه اعملها عن اذنكم كانت مازالت تبكى وتنتحب … تلطم خدها وصدرها مع كلام غير مفهوم تقدم سلطان منها قائلا – مش هتدخليله يا مذمذيل رفعت عينيها اليه كانت لا تراه من غشاوه الـ,ـدموع فى عينيها ولكن هزت راسها بنعم وتقدمت من باب الغرفه وفتحته كان ابيها ممدد على السرير الابيض فى صمت … مغمض العينين …. المها قلبها بشده وشعرت ولاول مره بالخـ,ـوف حقا من فقدانه … هو كل عائلتها ….. هو حمايتها فى الحياه…. تقدمت من ذلك المستسلم وجثت على ركبتيها بجانب السـ,ـرير وامسكت بيده البارده ونادت – ابا ….ابا … رد عليا الله يخليك … متخوفنيش عليك … قوم يا ابا … انا مليش غيرك …. هتسبنى لمين … مين هيخلى بالوا منى …. مين هيبجبلى الحاجات الحلوه … ومين الى هيحمينى يا ابا …. وانحنت تقبل يده مرارا …. حتى سمعت همسته الخافته ينادى باسمها رفعت راسها تنظر اليه … عيناه تنظر اليها فى حزن شديد …. قائلا بصوت ضعيف – معلش يا بنتى ده قدر ربنا بس انا عارف انك بميت راجل ….. تدخل ذلك الواقف عند الباب يشاهد ما يحدث فى صمت واشفاق على تلك الزهره التى يعشقها من كل قلبه …. -شد حيلك يا اسطى محمود …. ان شاء الله هتبقا كويس التفت اليه الرجل فى زهول وكائنه لاول مره يراه – لا حول الله … شد حيلك كده علشان خاطر المذمذيل رحاب . اشار له الرجل فى وهن ان يقترب …. وحين اقترب منه مد الرجل يده برجاء و بضعف شديد وقال . – اتجوز رحاب يا سلطان …. مش هطمن عليها غير معاك يا ابنى … انت راجل بجد هتصونها وتحافظ عليها … روح هات المأزون …. اعمل يا بنى فيا الجميل ده وخلينى امو.ت وانا مطمن عليها كانت رحاب فى حاله زهول مما قاله والدها … وكان نظرها مثبت عليه … غير شاعره بذلك الذى انتفض قلبه بين ضلوعه …. هل ستصبح له حقا … انها حلمه الذى لم يستطع يوما التفكير فى تحقيقه …. ربط سلطان على يده قائلا – حاضر يا اسطى … انا ليا الشرف ثوانى و المازون يكون هنا ونظر الى تلك التى تجلس على ركبتيها منكسه الراس … فى سعاده حاول مدارتها وتحرك يخرج من الغرفه سريعا … حتى ينفذ امنيه الرجل الاخيره … وامنيته التى تتحقق دون اى مجهود منه لا تعلم كيف ومتى … ولكنها افاقت على جمله المازون – بارك الله لكما وبارك عليكما وجمع بينكم فى خير هل حقا تزوجت الان … هل اصبحت زوجه سلطان ..ذلك الضخم المخيف …. فرضها ابيها عليه فرضا …. استغل شهامه الرجل. وحبه له وجعله يتزوجنى …. مؤكد سينتقم منها على ذلك الموقف …. لابد انه يشعر بانها بلاء عليه … لابد من ان تتحدث معه ولكن لتطمئن على والدها الان فقط اقتربت من ابيها وامسكت يده …. وقبلتها فى رجاء – انا كده يا بنتى اتطمنت عليكى .. سلطان راجل بصحيح … كده بقا ليكى ظهر فى الدنيا … وامشى وانا مطمن عليكى . – والنبى يا ابا بلاش الكلام ده ابوس ايدك … شد حيلك كده …. علشان خاطرى رفع الرجل نظره الى ذلك الواقف خلفها بمسافه قليله وقال – رحاب امانه فى رقبتك يا سلطان وانا عارف انك قدها . وعاد بنظره الى ابنته واكمل – سلطان جوزك دلوقتى اسمعى كلامه وطعيه …. واحترميه … وقدرى تعبه ووقفته معانا دلوقتى …. هتوحشينى اوى يا رحاب . وارتخت يده التى كانت تمسك يدها … واغلقت جفونه …. وعم الصمت المكان وضعت يدها على صدره تحركه وتنادى عليه -ابا … ابا … رد عليا …. رد عليا يا ابا …. حاضر حاضر هشيله فوق راسى … هخدمه بعنيا يا ابا بس قوم … قوم يا ابا متسبنيش لو حدى … اباااااا ووضعت راسها على صدره وهى تصـ,ـرخ وتهزه بقوه تقدم ذلك الضخم من خلفها واقترب منها وضمها اليه وسحبها من فوق صدر الرجل وهو يدعوا الله بالصبر – انا لله وانا اليه راجعون …. اهدى يا رحاب مش كده …. متعذيبهوش بالصويت … واخذها وخرج من الغرفه لم تستوعب ما حدث كل شئ تم بسرعه إجراءات الدفن والغسل …. والتصاريح …. كل شئ تم … والان هى هنا تقف امام قبر ابيها تبكى فراقه … وخسارته … تبكى قلبه الكبير … تبكى حبه وحنانه…. تبـ,ـكى سند رحل ولن يعود …تقدم منها سلطان قائلا – مش يلا انت اكيد محتاجه ترتاحى …. ثم نظر الى قبر الرجل وقال … الله يرحمه ويحسن اليه … ورفع يده يقراء الفاتحه ثم مسح بكفيه وجه وعاد اليها بتركيز قائلا – يلا .. الليل هيدخل علينا دلوقتى خلينا نتحرك علشان نلحق نجهز العذا مشت بجانبه فى صمت … وهو لم يجد كلمات يواسيها بها .. الامر كله عجيب … هى زوجته ولكن لا يعرف كيف يتكلم معها ركبت بجانبه سيارته القديمه ….. وتحرك بها لا هى تعلم الى اين سياخذها … حتى هو لا يعرف كيف يتصرف ولكن قال اخيرا – انت طبعا عايزه تعملى عزا لابوكى…. هنفضل فى بيت الاسطى محمود الثلاث ايام بتاعه العذا و كمان الناس تعرف اننا اتجوزنا يعنى … وبعد كده تنورى بيتى الى هو بقا بيتك دلوقتى هزت رأسها بنعم …. وعم الصمت السياره حتى وصلوا الى الحاره …نظر اليها قائلا – اطلعى انت الشقه وانا هتكفل بكل حاجه متقلقيش هز رأسها مره اخرى بنعم دون حديث وفتحت باب السياره وترجلت منها … واخـ,ـتفت خلق باب البيت ركن السياره بجانب الطريق … وترجل منها وتوجه مباشره الى مقهى المعلم طه كبير الحى واخبره بما حدث نادا المعلم طه على صبيه دقدق … وأمره بمساعدة سلطان … فى تجهيز سردق العذاء وارسل فى طلب اثنان من شباب الحاره للمساعده ايضا … فى خلال ساعه كان كل شئ على وشك الانتهاء … العمال فى سردق العذاء انهو كل شئ واصبح جاهز لاستقبال المعذين … وامتلئ الصوان بالمعزين وامتلئت الشقه بنساء الحاره جميعا …. منهم من جاء لتقديم العذاء … ومنهم من سمع بزواج رحاب من سلطان واردت التاكد … ومنهم الشامت والحاقد والمحب …كانت تسمع همهمات النسوه عنها من تقول انها نصبت شباكها حتى توقع بسلطان … ومن تقول انه تزوجها شهامه … ومن تقول انه تزوجها حتى تمر محنه مو.ت ابيها ثم سيتركها …..ومنهم من تتمنى ان تلحق بوالدها حتى تتخلص منها … حتى يصبح سلطان متاح لها …. ومنهم من اراضت اخافتها من سلطان قائله انه لا يحب دلع الحريم وبكل تاكيد هى لن تتحمل ضر,به لها يوميا………ومر اليوم رحلت جميع النسوه وظلت رحاب على جلستها لم تتحرك … لم تاكل شئ منذ الصباح .. لم تتكلم كلمه واحده من بعد مو.ت والدها …. دخل سلطان البيت ولااول مره بدون وجود الاسطى محمود . ظل ينظر الى تلك الزهره الحزينه تنحنح بصوت مسموع . فرفعت رأسها تنظر اليه وبدون شعور منها وقفت على قدميها تنظر اليه فى صمت تقدم بخطوات قليله حتى اصبح امامها مباشره وعندما رفع يده ليربت على كتفها … تراجعت هى الى الخلف بحركه مباغده ورفعت يدها امام وجها فى خوف من صفعه تهوى عليه تشنجد يده فى الهواء هل ظنت انه يضر,بها من اين لها بهذه الفكره عنه لم ينزل يده بل اكملت طريقها الى كتفها يربت عليها فى حنو ..قائلا – البقيه فى حياتك …. رفعت راسها اليه وهاله الفزع فى عينيها ولكنه اكمل قائلا – روحى ارتاحى انت اكيد مش قادره تقفى على رجليكى هزت راسها بنعم ثم تحركت من امامه فى اتجاه غرفتها حين ناداها مره اخرى سائلا – رحاب انتى اتعشيتى ؟ صمتت قليلا واخفضت وجهها الى الارض وهز راسها بلا واكمل هو – وطبعا و لا تغديتى و لا كنتى فطرتى مش كده حركت راسها بنعم ظفر بصوت عالى وقال – طيب استنى بقا متنميش هنزل اجيب اكل كده بسرعه كلى وبعدين ارتاحى انت حياتى الفصل الثانى – طيب استنى بقا متنميش هنزل اجيب اكل كده بسرعه كلى وبعدين ارتاحى هزت رأسها بنعم وعادت وجلست فى مكانها مره اخره فى صمت ظل ينظر اليها قليلا ثم تحرك باتجاه الباب وحين فتحه وجد جاره رحاب الست ام اسماء امامه تبتسم فى سماجه … قائله – ازيك يا سى سلطان … هى رحاب نامت ولا ايه – لا … بس بتريح شويه خير فيه حاجه – لا يا اخويا انا بس كنت بطمن عليها ..يمكن تكون محتاجه حاجه – متشكرين يا ام اسماء انا موجود و ان شاء الله مخليهاش محتاجه حاجه ابدا – هو صحيح انتوا اتجوزتوا – هو الكلام ده فيه هزار . – طيب عن اذنك انا وسلملى على رحاب اغلق الباب خلفها ونفخ بصوت عالى ثم نظر الى تلك الجالسه فى صمت .ولكن وجدها تبتسم صحيح ابتسامه بسيطه لكنها أضاءت الكون من حوله ابتسم وقال – الست دى لا تطاق … حشريه اوى – ده حقيقى ماما الله يرحمها كانت ديما تقولى كده ابتسم وقال – هروح اجيب الأكل بقا وتحرك وخرج من الشقه … كان يسير وهو يفكر فى تلك الذى تركها فوق صامته وحزينه استفاق من افكاره على صوت هاتفه المحمول اخرجه من جيبه ليجد ان المتصل اخته الصغيره فاطمه فتح الخط لياتى اليه صوتها العالى وهى تصـ,ـرخ به – اتجوزت يا سلطان من غير ما اعرف ليه هو انا مش اختك ولا ايه هدر بها بصوته القوى فاسكتها وقال بعد ان نفخ فى الهواء – اهدى واسمعى الاسطى محمود وقع فى الشغل ولما اخدته على المستشفى .. الدكتور قال ذبحه صدريه والراجل بنته ملهاش غيره …. فكتبت عليها فى المستشفى قبل الراجل ما يمو.ت بثوانى بس – لا حول الله يارب …. وهى عامله ايه يا اخويه .. اكيد يا كبدى مقطعه نفسها من العياط … خلى بالك منها يا سلطان وبكره الصبح هجيلكم يا اخويا – احنى فى بيت الاسطى محمود الثلاث تيام بتوع العذى – خلاص هجيلكم على هناك … مش عايز حاجه يا اخويا اجبهالك وانا جايه – تشكرى يا اختى … متحرمش منك اغلق معها وهو يقف امام المطعم الذى باول الحاره … نادا على عامل المطعم … وقال له على ما يريد ودفع ثمنهم وعاد لمن كانت حلم بعيد … و تحقق اخيرا .وليس له فضل فى ذلك .. ولكنه هو الله واقداره الذى يسيرها كما يشاء وقف امام الباب لدقيقه يدعوا الله ان يعينه ويرشده لكيفيه التعامل معها طرق الباب وبعد ثوانى قليله سمع صوتها تسال من الطارق عندما فتحت الباب كان على وجه ابتسامته الرجوليه تنحت جانبا حتى يستطيع الدخول بعد ان اغلق الباب قال – احلى سندوتشات … تعالى يلا كلى وهى سخنه تحركت فى هدوء وجلست على الكرسى المقابل له …. بدأوا فى الاكل فى صمت تام … ظل ينظر اليها ثم تكلم قائلا – انا عارف انك متعرفنيش وانك خايفه منى … بس صدقينى انا هكون سندك وضهرك … ناسك وكل ما ليكى مش عايزك تقلقى وكمان مش هجبرك على حاجه … صدقينى هتكونى كل اهلى … وهكون كل الى تحتاجيه الذهول على ملامحها لا يقل عن زهوله من نفسه ومن كلماته .. من اين اتى بهذه الكلمات …. سلطان الذى تحمر ازناه اذا تكلم مع اى امرأه… واحيانا يكون فظ ذلك الذى يتحدث بخشونه تكلمت اخيرا قائله – انا ….انا مش قدره اصدق ان ابويا مـ,ـات … ومش عارفه اصدق انه قبل ما يمو.ت فرضنى عليك … يا سى سلطان انا… واختنقت كلماتها بدموعها … وهو لم يعرف ماذا عليه ان يفعل وقف على قدميه وتوجه اليها وجلس على الكرسى الذى بجانبها … وقال – ابكى لو البكى هيريحك بس بلاش قبل ما تنامى .. علشان الكوابيس ضحكت من وسط دموعها … انه طيب القلب … ولكن ما سمعته من النسوه يخيفها منه حقا . قالت – انت طيب اوووى …. ارجوك لو عملت حاجه تدايقك بلاش ضر,ب … انا عمر ما حد ضر.بنى وانا والنعمه هسمع كلامك وكل اوامرك قطب بين حاجبيه وغلبه طبعه النارى وهدر بها قائلا – ضر,ب !؟ حد قالك عنى راجل ناقص و انى ممكن امد ايدى على الحريم … انا راجل والرجولة مش بضر,ب الحريم والا انى اجى على ضعيف او مظلوم الرجوله هى انى انصر الحق وقف جمب الضعيف…. والحريم المعمله معاهم بالمعروف يا بنت الناس .مش بالضر,ب والاهانه وقفت على قدميها سريعا وظلت تضر,ب على صدرها برفق وهى تقول – انا اسفه والله مقصد … انا سمعت انك عصبى وعلى طول بتستخدم ايدك …حقك عليا انا محقوقالك . تنهد بصوت عالى واستغفر الله فى سره ثم قال – عازرك يا بنت الناس .. انت لسه متعرفيش سلطان التهامى …. يلا قومى ارتاحيلك شويه ومتاخفيش انا هنام على الكنبه هنا نظرت الى الكنبه والى. جـ,ـسد سلطان الذى هو ضعف الكنبه مرتين وقالت – هو انت خايف لا روح ابويا تدايقك لو نمت فى الاوضه بتاعته نظر لها فى اندهاش و ضحك بصوت عالى وقال وهو يشير الى جـ,ـسده الضخم – كل ده بيخاف … انا بس محبتش ادايقك ولا اغصبك انك تخلينى انام مطرح ابوكى … ابتسمت له وقالت – لا مفيش مدايقه ولا حاجه وكمان انت مينفعش تنام بهدومك دى انت لابسها من الصبح …. هجبلك جلبيه من عند ابويا … وتحركت فى اتجاه غرفه ابيها فتحت الباب و تحركت الى الدولاب فى حركه سريعه اخرجت جلباب لبنى اللون واعطته لسلطان وخرجت سريعا واغلقت الباب خلفها ثم عادت وفتحته وقالت – ابقى نولنى الهدوم دى اغسلهالك … علشان على الصبح تكون زى الفل وتقدر تلبسها واغلقت الباب خلفها سريعا. ظل ينظر الى الباب وعلى شفاهه ابتسامه بلهاء … انها لذيذه وطيبه . ودعا الله فى سره ان يستطيع اسعادها . 💕 انت حياتى 💕 الفصل الثالث استيقظ سلطان على طرقات عاليه وكثيره على الباب نهض سريعا وخرج من الغرفه كانت رحاب واقفه عند باب غرفتها تنظر الى باب الشقه فى خوف .اشار لها بيده يهدئها وتوجه يفتح باب الشقه … ودخلت منه عاصفه هوجاء تحـ,ـضتنه وتقبله …كانت رحاب تنظر لهم فى زهول رافعه حاجباها فى استغراب شديد نظر سلطان الى رحاب و لاحظ نظراتها فامسك تلك التى تحضنه من كتفها قائلا – بس يا بطه فى ايه هو انا كنت مسافر كانت رحاب تفكر فى نفسها هل هذه زوجته … ولكن سلطان امسك بطه من يدها واقترب من رحاب مشير الى التى تمسك بيده كالاطفال – فاطمه اختى الصغيره تحركت بطه سريعا بتجاه رحاب وقامت باحتضانها وقالت – اهلا اهلا يا مرات الغالى .. من النهارده انا اختك اوعى تشيلى اى هم….. البقيه فى حياتك يا حبيبتى يارب تكون اخر الاحزان والنبى يا اختى الواحده ما عارفه تعذيكى ولا تبراكلك على الجواز … – ما تهدى شويه فى ايه داخله قطر مبيقفش واقفلى الرديو الى انت فتحاه على الصبح ده ثم نظر الى رحاب قائلا – لاموخذه اصلها كده عشريه وبتاخد على الناس بسرعه قاطعته بطه قائله – ملكش دعوه انت انا و رورو هنكون اصحاب وأخوات كمان اطلع انت منها كانت رحاب تنظر اليها فى اندهاش وكئنها كائن فضائى تلفتت بطه حولها وقالت – شكلكوا كده لسه صاحين … وطبعا مفطرتوش انا هقوم اجهزلكوا فطار سريع كشر سلطان وتكلم وهو يجز على اسنانه – تجهزى وتدخلى فين … افرضى رحاب متحبش حد يخش مطبخها تكلمت رحاب اخيرا قائله – مفيش مشكله انا هقوم معاها .. علشان تفطر قبل ماتروح الورشه وتحركت سريعا فى اتجاه المطبخ كانت تتبعها بطه قبل ان تقف امام سلطان تربت على كتفه قائله -شكلها طيبه وبنت حلال … مكسوره الجناح خلى بالك منها يا سلطان نظر سلطان الى اخته التى لاول مره يسمعها تتحدث بهدوء وكلام يدخل العقل هز راسه بنعم واشار الى رقبته بحركه حمايه قائلا – برقبتى يا اختى … برقبتى ضحكت له ثم قبلت كتفه وتحركت الى المطبخ تتبع تلك التى اختفت هناك منذ دقائق جلس سلطان على كرسى طاوله الطعام فى انتظار اخته وزوجته يعدون الافطار كانت جلسه الافطار ممتعه بسب حديث بطه المضحك … جعل رحاب تعتداد عليها .. بل وتحبها حقا وترتاح اليها انتهى سلطان من تناول أفطاره ووقف ونظر الى رحاب قائلا – هطل على الورشه وارجع على طول … عايزه حاجه اجبها وانا جاى حركت رحاب رأسها بلا … وقالت بطه – متقلقش يا اخويا … لو عزنا حاجه هنكلمك فى التليفون روح انت شغلك علشان تلحق ترجع علشان العذا بليل وحولت نظرها لرحاب قائله – قومى يا رورو وصلى جوزك للباب انا هدخل اشيل الأطباق فى المطبخ وتحركت سريعا للمطبخ واختفت هناك تراقبهم وقفت رحاب على قدميها وتوجهت خلف سلطان فى اتجاه الباب فتح الباب ونظر اليها قائلا – عايزه حاجه ردت سريعا – عايزه سلامتك احمرت وجنتها عندما استوعبت ما قالت ابتسم سلطان وقال – الله يسلمك … سلام عليكو وخرج واغلق الباب خلفه ظلت رحاب على وقفتها حتى اقترب منها بطه ووضعت يدها على كتفها وقالت بهدوء وعقل نادرا ما يظهر منها – انا عارفه انك خايفه ومستغربه الى انت فيه … وانت يا كبدى لسه سندك وظهرك فى الدنيا رايح للى خلقه … بس هو كمان امنك صدقينى .. وسلمك لليكون سند وحمايه وأمان ومش عشان هو اخويا بقول كده لا والله سلطان راجل حقيقى … وبكره تعرفى بنفسك … وصدقيني بكره تشكرى ابوكى الله يرحمه على الى عمله ده … وكمان كسبتى اخت فى كيس شيبسى كمان ضحكت رحاب على مزحه بطه وقالت – شكرا يا فاطمه انا مش عارفه هرد جمايلكم دى ازاى ضر,بت على اعلى زراعها وقالت – جمايل ايه بس انا بقول اخوات وهى تقولى جمايل يا اختى انت فهمك تقيل ولا ايه عادت رحاب الى الضحك مره اخرى – ايوه كده يا اختى اضحكى محدش واخد منها حاجه ثم نظرت الى بيت وقالت – يالا خلينا نرتب البيت علشان نسوان الحته كلهم هيبقوا هنا دلوقتى كانت رحاب جالسه فى وسط نسوه الحى صامته دامعه و كانت بطه هى من تعد القهوه للنساء المعذيات .. كانت ام اسماء تتحدث لام عبير قائله – يا اختى والله ما كنت مصدقه انو اتجوزها .. لكن بعد مشفت اخته بطه خلاص صدقت – يا ام اسماء رحاب طيبه وبنت حلال … وربنا وقفلها سلطان علشان ما تبقاش وحدنيه وبطولها فى الدنيا .. ربنا يهدى سرها ويسعدها … الله يرحمها امها كانت زيها كده هاديه وفى حالها لوت ام اسماء شفاهها يمينا و يسارا فى حركه شهيره وقالت – وهو يعنى بناتنا ولاد حرام … يا اختى كانت البت اسماء ولا عبير اولى منها بسلطان – ملكيش دعوه بعبير … بنتى الى عايزها ويستهلها هيجلها لحد بيتها …. ربنا يسترها على بناتنا ثم وقفت على قدميها وقالت – عن اذنك يا ام اسماء .. اروح اواسى البت الغلبانه دى ده سبب وجودنا هنا مش الكلام الفاضى ده واخيرا انتهت ايام العذاء وكان سلطان يقف مع العمال وهم يجمعون خيمه العذاء .. وكانت بطه تساعد رحاب فى جمع اغراضها وتغطى اثاث البيت بالملايات البيضاء .. استعدادا لانتقالها الى بيت سلطان … وكم هى خائفه من ذلك الانتقال بقلم سارة مجدي 💕 انت حياتى 💕 الفصل الرابع دخل سلطان الى شقه الاسطى محمود ينادى – يا رحاب يا بطه .. خلصتوا ولا لسه خرجت رحاب من غرفتها وبيدها شنطه ملابسها توجه اليها سريعا واخذها منها .سائلا – لميتى كل حاجتك اومأت بنعم دون ان تنظر له …. شعر بخوفها حاول تغير مجرى الحديثة قائلا – امال بطه فين. تكلمت بطه من خلفه قائله – بطه هنا اهو … خلاص كل حاجه بقت تمام … خلصت يا رورو ولميتى كل حاجاتك …. اجابتها رحاب قائله – اه خلاص مفيش حاجه تانيه. تحدث سلطان قائلا – خلينى الحق اوصلكم البيت … علشان اروح الورشه – انا هفضل مع رحاب النهارده يا سلطان . – وجوزك الى سيباه من امبارح – هو يا اخويا قاعد مع امه متقلقش .. وانا استأذنت منه – طالما جوزك موافق خلاص مفيش مشكله .. بس متزوديهاش مش علشان هو طيب .. وكمان انت عارفه حماتك – عارفه يا اخويا عارفه -طيب يلا وتحركوا جميعا وكل بداخله حكايا وخوف تشعر رحاب برهبه كبيره وخوف هل ستكون سعيده وهل عشره سلطان ستكون طيبه ام ستتعذب فى حياتها وكان سلطان يدعو فى داخله ان يستطيع كسب قلبها …ويسعدها فى حياتها ويعوضها وكانت بطه سعيده من اجل اخيها ولان زوجته طيبه وهى تشعر انها ستسعد اخاها و هى تجزم بان اخاها سيسعدها ويحميها كل هذه الافكار كانت تدور فى رؤسهم وهم فى الطريق الى بيت سلطان

مقالات ذات صلة

باع البيت وهرب محمد نور

خيانه زوج صافي هاني

مرام اشرف

عروسه جديده ج١ ضحى الدميري

شاب ادى لواحده اللاب توب حكايات بسمه

حرب المظاهر والفتنه ج١ منى السيد

اترك تعليقاً إلغاء الرد