جوزي استبعدني انا واولادنا

وشه
وسكت ثواني طويلة
وبعدين قال
لأني كنت عايز أبقى أنا الشخص الوحيد اللي العيلة محتاجاه
اتجمدت
قلت
يعني إيه؟
رفع عينه وقال
من يوم ما اتجوزتك وأنا حاسس إنك قربتي منهم أكتر مني
كنتِ بتكلمي أمي
بتروحي لها
بتسألي على إخواتي
وكنت بشوف سلمى ويوسف متعلقين بيهم
وأنا كنت بحس إني بره الصورة
حماتي قاطعته
فعملت إيه؟
قال
بدأت أبعدكم واحدة واحدة
كل سنة حجة
كل مرة قصة
كل مرة كنت أقول لنفسي إنهم لما يبعدوا عنكم هيبقوا محتاجيني أنا
بصيت له وأنا مش مصدقة
إنت كنت بتعاقب ولادك عشان غيران من علاقتهم بأهلك؟
هشام سكت
سلمى كانت واقفة ودموعها في عينيها
وقالت
بس أنا كنت عايزة أروح مع بابا
هشام بص لها
وأنا غلطت
قالها بصوت ضعيف
سلمى ردت
غلطت سنة
مش إحدى عشرة سنة
محدش اتكلم
الجملة فضلت معلقة في المكان
حماتي فتحت الظرف وحطت محتوياته قدامه
وقالت
فاكر الورق ده؟
هشام أول ما شافه وشه اتغير
قربت أبص
كانت صور إيصالات وحجوزات قديمة
كل سنة
نفس الشاليه
نفس عدد الغرف تقريبًا
وتحت كل حجز اسم هشام
وفي خانة عدد الأشخاص كان مكتوب عدد أكبر من اللي كان بيسافر بيهم فعلًا
قلت
إيه ده؟
حنان قالت
كان بيحجز لنا الشاليه من بدري
وكان دايمًا بيقول لنا إنك رفضتي
يعني كان فيه مكان لينا؟
قالت
كل سنة
كل سنة يا شيرين
سلمى حطت إيدها على بوقها
ويوسف قال
يعني كان ممكن نروح؟
حماتي قربت منه وقالت
كان ممكن
بس باباك هو اللي منعكم
هشام قام فجأة
وقال
أنا عارف إني غلطت
لكن الموضوع خرج من إيدي
قلتله
لأ
إنت اللي كنت ماسكه بإيدك
فضل ساكت
قربت منه وقلت
أنا ممكن أسامحك على إنك وجعتني
لكن مش هسامحك بسهولة على السنين اللي سرقتها من ولادك
هشام بدأ يعيط
وقال
أعمل إيه؟
رديت
مش أنا اللي أقولك
ولادي هما اللي يقرروا إذا كانوا عايزين يسمعوا منك ولا لأ
سلمى بصتله فترة طويلة
وبعدين قالت
أنا مش عايزة هدايا
ولا مصايف
ولا وعود بالسنة الجاية
أنا عايزة أعرف ليه كل مرة كنت بصدقك
وإنت كنت عارف إنك بتكدب
هشام نزل راسه
ومفيش رد
وفي اللحظة دي حنان قالت
لسه فيه حاجة تانية
بصيت لها
قالت
أهم من كل اللي عرفناه
هشام رفع راسه بسرعة
ماما بلاش
حنان بصت له پغضب
لأ
كفاية
وبعدين بصتلي وقالت
قبل ست سنين
هشام حاول يقنعنا إنك إنتِ اللي طلبتي منه يبعد أولادك عن العيلة
ولما رفضنا
قال لنا حاجة تانية
سألتها
إيه؟
قالت
قال إن فيه سبب لو عرفتيه
هتطلبي الطلاق فورًا
المكان كله سكت
بصيت له
وقلت
إيه السبب؟
هشام وقف مكانه
وبص لأمه
وأمه قالت
اتكلم يا هشام
المرة دي مفيش هروب
هشام أخد نفس طويل
وقال
أنا كنت خاېف إنك تعرفي
قلت
تعرف إيه؟
رفع عينه لي
وقال
إن في السنة الأولى لجوازنا
أنا عملت حاجة
ولو عرفتيها وقتها
مكنتيش كملتي معايا أصلًا
وساعتها فهمت إن حكاية المصايف
ماكانتشي غير أول طبقة من سر أكبر بكتير
هشام فضل واقف قدامي ثواني طويلة
أنا كنت مستنية
حنان كانت ساكتة
وسلمى ويوسف قاعدين جنب بعض ومش فاهمين ليه الجو اتغير بالشكل ده
قلت له
اتكلم يا هشام
هو بلع ريقه وقال
في أول سنة جوازنا
أنا كنت بمر بظروف مادية صعبة
قلت
وأنا كنت عارفة إنك مريت بظروف
قال
لأ
إنتِ ماكنتيش عارفة كل حاجة
قعد على الكرسي
وقال
كنت مديون
ومش عارف أسدد
فسألته
عملت إيه؟
قال
بعت جزء من دهبك
اتجمدت مكاني
قلت
دهبي؟
هز راسه
أيوه
الحاجة اللي كنتِ مخبياها عند مامتك
أنا عرفت مكانها
وسحبتها من غير ما أقولك
فضلت باصة له ومش قادرة أستوعب
قلت
إنت سړقت دهبي؟
قال بسرعة
أنا كنت ناوي أرجعه
قاطعه صوت حنان
عدى كام سنة؟
هشام سكت
قالت
سنين يا هشام
مش يومين
قلت له
طب وإيه علاقة ده بالمصيف؟
قال
لما ابتديتي تسألي عن الدهب
كنت بخاف تكتشفي
وأهلي كانوا ممكن يعرفوا
فبدأت أبعدك عنهم
لأني كنت خاېف إنك تحكي لهم
بصيت لحماتي
فقالت
إحنا عرفنا موضوع الدهب من فترة قريبة
وبصراحة أنا كنت مصډومة
سألتها
هو رجعه؟
سكتت
هشام بص للأرض
قلت
رجعه؟
قال
لأ
حسيت إن كل حاجة جوايا هديت فجأة
مش عشان أنا مش زعلانة
لكن عشان لأول مرة فهمت ليه كان بيحاول يتحكم في كل حاجة حواليا
كان خاېف
مش من خسارتي
كان خاېف من انكشافه
قلت له
والسنين اللي فاتت؟
قال
كنت كل ما أقول هرجع كل حاجة
كانت الديون تزيد
وبعدين بقى الموضوع أكبر مني
يوسف بصلي وقال
ماما نمشي؟
بصيت
متابعة القراءة
صفحة
3
/ 4
انت في الصفحة 4 من 4 صفحات