جوزي استبعدني انا واولادنا
متابعة القراءة
صفحة
1
/ 4
انت في الصفحة 2 من 4 صفحات
عارفة أقول لهم إيه
سلمى كانت قاعدة جنبي ساكتة، ويوسف ماسك الموبايل وبيبص من الشباك
وفجأة قال
ماما
بصيلي
بصيت له
هو بابا كان بيكدب علينا كل السنين دي؟
سؤاله نزل عليا تقيل
قلت له
أنا مش عارفة يا يوسف
بس النهارده لازم نعرف الحقيقة
وصلنا عند الشاليه، وقبل ما أخبط الباب اتفتح
حماتي كانت واقفة قدامي
أول ما شافت سلمى ويوسف، عينيها دمعت
مدت إيديها ليهم
تعالوا يا حبايبي
سلمى وقفت مكانها
وبصتلي الأول
أنا هزيت راسي
روحت حضنت جدتها
وحماتي فضلت ماسكاها كأنها بتحاول تعوض سنين كاملة في حضڼ واحد
يوسف كان واقف بعيد
حنان بصتله وقالت
وإنت كمان يا حبيبي
يوسف قرب منها ببطء
حضنته وهي بټعيط
وبعدها قالت
أنا آسفة
يوسف اتفاجئ
على إيه؟
حنان مسحت دموعها وقالت
على حاجات كتير
دخلنا الشاليه
لقيت صور العيلة كلها متعلقة على الحيطان
صور أعياد ميلاد
رحلات
مصايف
حفلات
وفي كل صورة كان فيه مكان فاضي
مكان كان ممكن يبقى فيه ولادي
حماتي قعدت قدامي وقالت
أنا محتاجة أحكيلك كل حاجة من أول سنة
قلت لها
أنا مستعدة أسمع
قالت
أول سنة هشام جه لوحده وقالنا إنك تعبانة ومش حابة تسافري
افتكرت وقتها إنك فعلًا مش عايزة تيجي
السنة اللي بعدها قال إن سلمى صغيرة ومش هتستحمل السفر
وبعدها قال إنك زعلانة من أختي
وبعدين قال إنك رفضتي دعوتنا
وفي مرة حتى قال إنك قلتي إن مصيف العيلة مش مناسب لأولادك
أنا شهقت
أنا عمري ما قلت الكلام ده
عارفة
قالتها وهي بتبص في عيني
عرفت منين؟
سكتت شوية
وبعدين طلعت موبايلها وفتحته
وقالت
لما بدأنا نشك، أخت هشام سألتني
قالتلي
ماما، هو إنتِ متأكدة إن شيرين مش عايزة تيجي؟
وقتها بدأت أسأل نفسي
ليه عمرها ما اتصلت؟
ليه عمرها ما رفضت قدامنا؟
ليه كل سنة نفس الكلام؟
مدت الموبايل ناحيتي
لقيت مجموعة رسائل قديمة
رسائل بين هشام وأخته
فتحت أول رسالة
وكان مكتوب فيها
متقوليش لشيرين إن ماما قالت تيجي
هو قال إنها مش عايزة
وبعدها رسالة تانية
ماما زعلانة منها ليه وهي أصلاً مش عارفة إننا عازمينها؟
إيدي بدأت ترجف
قلت
إنتوا واجهتوه؟
حماتي هزت راسها
أيوه
من كام أسبوع
ولأول مرة هشام اتلخبط
قال لنا إنك كنتِ بتغيري من علاقتنا ببعض
وبعدين قال حاجة أغرب
سألتها
إيه؟
قالت
قال إنك لو عرفتي إننا كنا عايزينكم تيجوا، هتطلبي منه يبعد عن أهله
ضحكت من الصدمة
أنا؟
أنا اللي كنت طول الوقت بحاول أقربه من أهله؟
حماتي قربت مني وقالت
عشان كده أنا طلبت منك تيجي النهارده
أنا عايزة أشوف رد فعله لما يعرف إننا عرفنا الحقيقة
وفجأة
سمعنا صوت عربية بتقف قدام الشاليه
الكل سكت
حماتي بصتلي
وبعدين بصت للباب
سلمى قربت مني
ماما
هو بابا؟
قبل ما أرد
الباب اتفتح
ودخل هشام
وقف مكانه أول ما شافنا
بص لسلمى
ثم يوسف
ثم أمه
وشه اتغير تماماً
قال بصوت متوتر
شيرين؟
حماتي قامت من مكانها وقالت بهدوء
أيوه يا هشام
شيرين هنا
والمرادي
هي عارفة كل حاجة
هشام بلع ريقه
وقال
ماما إنتِ فهمتي الموضوع غلط
ردت عليه
لأ
إحنا اللي فهمنا غلط
إحدى عشرة سنة كاملة
وأنت الوحيد اللي كنت عارف الحقيقة
بصيت له وأنا حاسة إن كل السنين دي واقفة قدامي
وقلت
أنا مش هسألك ليه منعتني أنا
أنا عايزة أعرف حاجة واحدة بس
بصلي
قلت
ليه حرمت ولادك من جدتهم وأعمامهم كل السنين دي؟
سكت
ومفيش ولا كلمة خرجت منه
لكن قبل ما يجاوب
يوسف قال جملة خلت هشام يرفع عينه له
قال
بابا
إنت كنت بتقول لنا إنهم مش عايزيننا
بس هما كانوا مستنينا
هشام فضل ساكت
وساعتها حماتي حطت ظرف قدامه على الترابيزة وقالت
وده آخر حاجة اكتشفناها عنك
هشام بص للظرف
ولأول مرة شفت الخۏف الحقيقي في عينيه
لأن الظرف ده كان فيه حاجة
أنا نفسي ماكنتش أعرفها
حاجة ممكن تقلب كل اللي حصل في الإحدى عشرة سنة اللي فاتت رأسا على عقب
هشام فضل باصص للظرف كأنه شايف مصېبة قدامه
مد إيده ناحيته
لكن حنان سحبت الظرف بسرعة
وقالت
قبل ما تفتحه جاوب شيرين
هشام بصلي
أنا حسيت إن صوته لأول مرة مفيهوش ثقة
قال
إنتِ عايزة تعرفي إيه؟
قلتله
الحقيقة كلها
مش جزء منها
مش حكاية تختار منها اللي يناسبك
كل حاجة
ليه عملت كده؟
هشام قعد على الكرسي وحط إيده على
متابعة القراءة
صفحة
2
/ 4
انت في الصفحة 3 من 4 صفحات
