اخت جوزي حكايات بسمه
أخت جوزي طلبت مني فلوس ميراث أبويا عشان تسدد قسط شقتها، وجوزي قاللي إنتِ معاكي سند، هي ملهاش حد. وافقت… بس بشرط واحد خلى جوزي يلحق أخته قبل ما ترتحل!
خرجت الجملة من بق جوزي وكأنها أسهل طلب في الدنيا، وكأن ورث أبويا اللي طلعت بيه بعد سنين من القهر والأسى بقى الشباك اللي هيعدوا منه لمصالحهم!
حماتي كانت قاعدة حاطة رجل على رجل، بتشرب الشاي وبتبص لي بنظرة كأنها بتقول لي الفلوس دي مش بتاعتك، دي حماية لبيتنا، وأخت جوزي شيرين كانت بتصنع البكاء وتقول إن شقتها بتروح منها، وإن البنك هيحجز عليها، وإنها لو ما سددتش القسط الأخير خلال أسبوع هترمى في الشارع هي وعيالها!
التفتّ لسامر جوزي، ومستنية منه كلمة حق واحدة، موقف يثبت فيه إن ورث أبويا ده حقي الشرعي وأماني الوحيد في الدنيا دي بعد ما السند راح.. لكن سامر بص لي بمنتهى البرود وعينيه مليانة طمع وقاللي إنتِ معاكي سند يا نهى، أبوكي سابلك قرشين حلوين، لكن هي ملهاش حد يسندها غيرنا.. أديها المبلغ وهبقى أرجعهولك بعدين!
في اللحظة دي، حسيت بڼار بتأكل في صدري. كلمة ملهاش حد نزلت عليا زي الساطور.. بقى أنا اللي أبويا لسه مېت ودموعه ما جفتش من على وشي، بقيت أنا اللي معايا سند وهم الغلابة اللي مالهمش حد؟! والأنكى إن المبلغ اللي طالبينه هو نص الورث بالتمام والكمال!
سكتّ.. البكاء والصړاخ مع العيلة دي مابيجيبش نتيجة، والضعف قدام الطمع بيفتح شهيتهم للسړقة أكتر. بلعت القهر وبصيت لسامر بابتسامة هادية جداً، ابتسامة خلت أمه تبتسم بانتصار، وشيرين تمسح دموعها بسرعة، وقلت له
حاضر يا سامر.. أنا موافقة. بس بشرط واحد بس، هتمضي عليه إنت وهي قبل ما الفلوس تخرج من حسابي!
سامر اتمط في قعدته وقلي بثقة شرط إيه؟ وصل أمانة؟ نكتبه عادي!
قلت له ببرود لا، مش وصل أمانة.. الشرط إننا نروح بكرة الصبح للشقة اللي شيرين بتقول إنها بتدفع قسطها، ونقابل صاحب العمارة ونحول عقد الشقة باسمي أنا، كضمان لحد ما ترجعوا الفلوس.
أول ما نطقت الجملة دي، وش شيرين اتخطف، والدم هرب من عروقها في ثواني! حماتي اتنفضت من مكانها وقالت بزعيق إنتِ بتشككي في بنت أختك؟! إيه الشرط المفضوح ده!
بس سامر، وهو فاكر إنه بيحل الموضوع وبيثبت إخلاصه لأخته، قال بثقة مافيش مشكلة يا نهى، بكرة نروح ونتأكد، شيرين ماعندهاش مانع، صح يا شيرين؟
شيرين قامت تتلعثم وتتحجج إنها تعبانة ومش قادرة تتكلم وطلعت تجري على برة. ثاني يوم الصبح، وقبل ما سامر يصحى حتى، اتصلت برقم واحد بس.. رقم كنت واخدة بالي منه في مكالمات أخته السرية من أسبوعين، رقم الراجل اللي كانت بتتكلم معاه في التلفون بصوت واطي لما فاكرة إن محدش سامعها.
سألت
