طليقي رفض البنات ج١ صافي هاني
وفي نفس اللحظة رن تليفون أحمد
بص للشاشة واتجمد
المتصل كان اسمي أنا
رد وهو مش قادر يتكلم
وسمع صوتي وأنا بقول
أحمد…
لو الورقة وصلتلك يبقى عزيزة قالتلك الحقيقة
بس لسه في حاجة واحدة ماعرفتهاش
وسكت لحظة
وبعدين قلتله
إنت فاكر إنك سبتني أنا وبناتك؟
لأ يا أحمد…
إنت اللي وقعت في الفخ.يتبع في الجزء الثاني…القصه كامله ع الصفحه هنا اضغط هايوصلك
👈🏼 W A A D 👉🏻 القصه
ماتنساش تعملي متابعه ولايك عشان القصص هناك معظمها حصري وعشان يوصلك كل جديد♥♥♥♥♥♥♥
@أبرز المعجبين
#حكايات_صافي_هاني
#حصرياً
بعد ما قفلت معاه الموبايل حطيته جنبي وبصيت من شباك العربية
الإسكندرية كانت لسه قدامنا بس أنا حاسة إن حياتي كلها لسه ورايا
نور كانت نايمة على رجلي ووشها مليان دموع ناشفة
وسارة الكبيرة كانت ساكتة خالص من ساعة ما خرجنا من القاهرة
أما ليلى وياسمين فكانوا بيبصوا لبعض من غير ما يتكلموا
أنا كنت سايقة وأنا بحاول أبان قوية قدامهم
لكن الحقيقة إني كنت منهارة
مش عشان أحمد طلقني
ولا عشان اتجوز واحدة تانية
ولا حتى عشان حماتي كانت طول السنين دي شايفاني أقل من ست تانية لمجرد إني خلفت بنات
أنا كنت موجوعة عشان اكتشفت إن الشخص اللي عشت معاه سنين طويلة كان بيخبي عني حاجات أكبر بكتير من مجرد جواز سري
وصلنا إسكندرية عند أختي هدى قبل المغرب بشوية
أول ما فتحت الباب وشافت البنات ورايا وشافت شنطنا
وشيها اتغير
قالتلي
إنتي حصل معاكي إيه يا مريم؟
دخلت وأنا بحاول أتماسك
وقلتلها
أنا وأحمد انفصلنا
هدى حطت إيدها على بوقها
وقالت
يعني إيه انفصلتوا؟
بصيت للبنات وقلت
قدامهم بعدين
دخلتهم الأوضة واحدة واحدة
وسبتهم يغيروا هدومهم
وبعدين قعدت مع هدى في الصالة
وحكيتلها كل حاجة
من الجواز السري
لحماتي
للولد محمود
لحد اللي حصل قدام المحكمة
هدى فضلت ساكتة طول الوقت
ولما خلصت قالتلي
مريم
إنتي قلتيلي إن أحمد عمل تحليل DNA لمحمود
أيوه
وإنتي متأكدة إن النتيجة كانت إيجابية؟
أيوه
هدى قربت مني وقالت
طب والورقة اللي عزيزة لقتها؟
قلتلها
معرفش
بس شكلها حاجة تخص نور
هدى سكتت شوية
وبعدين قالت
يبقى لازم تعرفي الحقيقة قبل أحمد
بصيتلها باستغراب
حقيقة إيه؟
قالتلي
أنا مش عارفة
بس واضح إن عزيزة كانت بتشتغل عندهم من سنين
والست دي لو قررت تفتح بوقها دلوقتي يبقى أكيد الموضوع أكبر من مجرد ورقة
