ترقيه اماني السيد
كنت طالبه مجتهده وبطلع دايما من الاوائل خلصت دراسة واشتغلت وكنت مميزه فى شغلى جدا وده خلانى اترقى بسرعه وبعدها بفتره بسيطه لاحظت نظرات زميل ليه وحاول يقرب منى بشتى الطرق مكنش عندى الخبره الكافيه اللى …
كنت طالبه مجتهده وبطلع دايما من الاوائل خلصت دراسة واشتغلت وكنت مميزه فى شغلى جدا وده خلانى اترقى بسرعه وبعدها بفتره بسيطه لاحظت نظرات زميل ليه وحاول يقرب منى بشتى الطرق مكنش عندى الخبره الكافيه اللى تخلينى احكم عليه لكن كنت بلاحظ اهتمامه نظراته وده خلانى اتشدله واقرب منى وفضلنا كده فتره ولما كان يسألني عن حاجة فى الشغل كنت برد وكنت بساعده باللى بقدر عليه عدا على الوضع ده ٦ شهور وحكيت لوالدتى كل حاجه ماما قالتلى خليه يتقدملك لو هو نيته كويسه روحت وكلمته وقولتله إحنا بقالنا فتره بنتكلم وانا حاسه انى بعمل حاجه غلط لقيته قالى خلاص حدديلى معاد مع أهلك وانا هاجى اتقدم وفعلاً حددت معاد وجه اتقدم وحددنا معاد الخطوبه وعزمنا كل اهلنا والجيران المقربه لكن للأسف فتحى مجاش حاولت اتصل بيه مره ورا مره لكن مردش عليه ومكنتش أعرف رقم حد من قرايبه او أهله عشان أكلمه اطمن عليه الليلة دي عدت عليا كأنها سنة، فضلت قاعدة بفستان الخطوبة لحد الفجر، عيني على الباب وإيدي ماسكة التليفون اللي كان بيرن لحد ما اتقفل خالص.
مكنتش قادرة أستوعب، وكنت بلتمس له ألف عذر وعذر؛ قولت أكيد حصله حادثة، أكيد في مصيبة منعته، مستحيل يكون سابني في موقف زي ده بمزاجه وك.سرني قدام أهلي والناس بالشكل ده.تاني يوم الصبح نزلت الشركة وأنا منهارة، مانمتش دقيقة واحدة ووشي شاحب وعيني ورمانة من العياط. كان كل همي أوصل بدري عشان أسأل عنه وأعرف حصله إيه وأطمن قلبي. أول ما حطيت رجلي في مدخل الشركة، حسيت إن الجو مش طبيعي؛ نظرات زمايلي كانت غريبة جداً، همسات ووشوشة وسكوت مفاجئ أول ما عيني بتيجي في عين حد فيهم.
مشيت في الممر بخطوات مرتعشة لحد ما وصلت مكتبي، وقبل ما أقعد، لقيت علب شيكولاتة متوزعة على المكاتب وزغاريد مكتومة وضحك طالع من أوضة الاجتماعات. وقفت مكاني مذهولة، وقربت مني زميلة ليا وهي بتبصلي بشفقة وحزن، وقالتلي بصوت واطي ومتردد: “ألف بركة يا بنتي، بس إنتي كويسة؟”سألتها بلهفة وصوت مبحوح: “هو فتحي حصله حاجة؟ مجاش ليه امبارح؟”بصتلي بصدمة وعينيها وسعت من المفاجأة، وسكتت لثواني كأنها مش مصدقة إني معرفش، وبعدها نطقت بالجملة اللي نزلت على قلبي زي الصاعقة: “فتحي؟
