سر الزياره ج٢ منال علي
وقفت ورا الباب، ورجلي ما بقتش شيلاني.
صوت دقات قلبي كان أعلى من صوت نفسي.
قربت ودني من فتحة الباب عشان أسمع كويس…
كان صوت حماتي وهي بتتكلم بنبرة كلها غل وانتصار:
”كويس إني طردتها بذوق قبل ما تفتح بؤها وتنطق باللي جاية عشانه!”
رد عليها حمايا بصوت واطي ومتردد:
“يا ولية اتقي الله! البت نزلت ودموعها في عينيها وعيالها هيموتوا من الجوع… كنتي سيبيها تاكل لقمة وتمشي!”
زعقت فيه وقالت:
“لقمة إيه وطين إيه؟! دي لو قعدت وكلت وشربت وشافت أختها، كانت هتفتح الموضوع! وإحنا ما صدقنا إن أختها غبية ومش دارية بحاجة ومفتكراها زيارة عادية!”
حمايا قالها: #حكايات_منــال_عـلـي
“وابنك؟ لما يرجع ويعرف إنك بهدلتي أخت مراته وهيجي يقولك ليه؟”
ضحكت حماتي باستهزاء وقالت:
“ابني هيعمل إيه يعني؟! هو مش عارف إنها جاية تاخد فلوس الدهب اللي استلفه منها السنة اللي فاتت عشان يشطب الشقة اللي فوق؟ إحنا لو كنا سبناها تفاتح أختها، كانت خربت الدنيا وقالتله رجّع فلوس أختي! أنا عملت التمثيلية دي كلها عشان تخرج مكسورة وماتجيش هنا تاني أصلًا!”
في اللحظة دي…
حسيت إن الدنيا لفت بيا مية لفة.
دهب؟!
فلوس شطب الشقة؟!
أنا جوزي كان قايلي إن الفلوس دي
كانت جمعية وقبضها!
أختي… أختي الحنينة، اللي باعت دهبها وسلفت جوزي في السر من غير ما تكسرني ولا تحسسني بحاجة، جاية النهارده عشان محتاجة فلوسها، وأنا بدل ما أردلها جميلها… حماتي طردتها بسببي وبسبب “دكر بط”؟!
الدم فار في عروقي لدرجة إني ما حسيتش بنفسي.
لقيت إيدي بتفتح الباب بهبده رنت في البيت كله.#حكايات_منــال_عـلـي
حماتي اتنفضت من مكانها، وحمايا بلم وهو بيبصلي.
دخلت الصالة ووقفت قدامهم، وعيني بطلع شرار ودموعي بتغلي:
”فلوس إيه ودهب إيه يا ماما؟!”
حماتي وشها اصفر، وحاولت ترتب الكلام بسرعة:
“إنتي… إنتي كنتي بتتصنتي علينا؟!”
صرخت فيها لأول مرة في حياتي:
“ما تصنتش! ربنا هو اللي خلاني أسمع وسخ*تكم وظلمكم! أختي بايعة دهبها عشان تفك ضيقة ابprocess وتستر بيتي، وجاية النهارده بيتي عشان تاكل لقمة وتسترد حقها، تقومي تبهدليها وتطلعيها بتعيط عشان خايفة على شوية فلوس؟!”
حمايا حاول يهدي:
“يا بنتي استهدي بالله، إحنا كنا بنفكر في مصلحتكم…”
قولتله بصوت بيهز الحيطان:
