على كان واقف في مكتبه
بعد ما الوفد مشي، علي جمع كل الموظفين في القاعة، ومسك المايك وقال انا عايز اعتذر لمياده قدامكم كلكم، انا اول يوم اهنتها عشان كنت مغرور وشايف الناس بلبسها، بس هي انقذتنا كلنا وانقذت بيوتنا، مياده مش مجرد مترجمة، هي شريكة نجاح، ومن النهاردة هي مديرة قسم العلاقات الدولية ومرتبها هيبقى عشر اضعاف، ولو حد فيكم شاف نفسه احسن من حد بلبسه يبقى يمشي من شركتي احسن.
مياده عيطت من الفرحة، هدير جريت حضنتها، وحسين كان بيضحك وبيقول سبحان مغير الاحوال، علي قرب من مياده وقال لها بجد انا اسف، انا اتعلمت منك درس عمري ما هنساه، ان الفلوس مبتعملش بني ادم، وان الكرامة اهم من اي عقد، ممكن تقبلي اعتذاري، مياده ابتسمت وقالت قبلته من بدري، من ساعة ما شفت خوفك على الموظفين مش على نفسك بس.
ومن ساعتها الشركة رجعت اقوى من الاول، وعلي بقى يعامل الناس كلها باحترام، ومياده بقت دراعه اليمين، وامها عملت العملية وبقت كويسة، وعلياء مصطفي بعدت عن طريقهم خالص، وكل الناس في الشركة بقت تحكي قصة البنت الفقيرة اللي بقت مديرة عشان علمها وكرامتها، وعلي كل ما يشوف مياده يفتكر انه كان هيخسر كل حاجة بسبب غروره، لولا ان ربنا بعتله اللي ينقذه في اخر لحظة.
وعدى شهر بعد العقد وعلي اتغير تماما، بقى ينزل يقعد مع الموظفين في المطبخ يشرب معاهم شاي، ويسأل مياده كل يوم عن امها وعن صحتها، وفي يوم لقى مياده قاعدة لوحدها بتعيط في البلكونة بتاعة الشركة، قرب منها وسألها مالك، قالت له انا فرحانة بس خايفة ارجع لنقطة الصفر تاني، خايفة الناس تنسى تعبي وتشوفني تاني بنت فقيرة، علي قال لها عمري ما هنسى انتي عملتي ايه عشاني وعشان الشركة، انتي مش فقيرة، انتي غنية بعلمك وباخلاقك وبكرامتك، واللي يقول غير كده يبقى اعمى، مياده ضحكت وقالت اول مرة حد يقولي كلام حلو كده من غير مصلحة، علي قال لها عشان اول مرة اشوف بعيني مش بفلوسي، ومن هنا بدأت صداقة قوية بينهم بقت مثال لكل الشركة ان الاحترام بيبني اللي الفلوس متعرفش تبنيه ابدا مهما حاولت. والكل اتعلم ان التواضع هو سر النجاح الحقيقي دايما وابدا في الحياة بجد واخلاص كبير جدا
