صقر وابرار ج١ حكايات زهره

رافع ابتسم وقال ..ماشي اميرتي بكره هجيلك واعمل حسابي افضل معاكي يلا انا هطلع

رافع لسه هيخرج اميره قالت ببرائه..اربط ايدي

رافع بصلها بدموع..وقال..اه..صح..نسيت..شاطره حبيبتي..وربط ايدها وباسها وخرج وقفل الباب واول ما طلع نزلت دمعه من عينه بحزن وحاول يتماسك ومشي قبل ما حد يشوفه

عند صخر اتنرفز جامد لان ابرار مخرجتش من الحمام وقال بغضب وصوت عالي..اكيد مش هتباتي عندك

ابرار مردتش عليه وهو اتنرفز اكتر وقال بغضب..قولت اطلعي مش قادر اقف لو وقفت هكسر الباب على دماغك..وبعدين متعمليش خايفه قوي..ااكيد مش هقربلك بحالتي دي

صخر استغرب انها مردتش وقام بالعافيه ووقف عند الحمام وقال..هعد لتلاته ..لو ما خرجتيش والله لاكسر الباب وانتي براحتك… واحد… اتن

بس قطع كلامو باستغراب لما سمع شهقه شديده كأنها لانسان بيلفظ اخر انفاسو خبط على الباب بقلق وقال..ابرار..انتي يا بت..سمعاني

بس بردو مفيش رد حط ايده على الجرح وبقى يضرب الباب بكتفو لحد ما اتفتح…واتسعت عنيه بزهول شديد من الي شافو ووووو

يتبع .. زهره الربيع

#الجزء_الثالث_اسيرة_القاسي
وقف بصدمه لما لقاها واقعه في ارضيه الحمام نزل لمستواها بتعب وقال…بت..بت يا ابرار..مالك يا بت ..واستجمع قوتو وشالها بالعافيه علشان جرحو وحطها على السرير وهو بيتألم وقرب منها وبقى يض\ربها على خدودها بخفه وقال بقلق..يا بت مالك حصلك ايه ابرار..ابرار سمعاني

ابرار شهقت بشده وبصتلو بتعب وقالت وهيه بتنهج زي الغريق…الب..البخاخ..وبقت تشاور بايدها

صخر قال …بخاخ..بخاخ ايه..عندك ربو..عايزه البخاخ بتاعك

ابرار ههزت راسها بسرعه وهيه بتشهق جامد

صخر قام بسرعه ولسه هيجري يجيبو حس بالم وبص لقا نفسو بينز،ف جامد ومش هينفع يطلع .طلع تليفونو واتصل برافع بسرعه وتوتر وقال..ايوه يا رافع روحت

رافع ارتبك وقال..انا..انا لا يعني راجع البيت

صخر قال..اسمعني كويس روح الصيداليه الي جمبنا وهات البخاخ الي كنا نشتريه لامي بسرعه

رافع قال باستغراب..بتاع الربو ده

صخر قال ..ايوه..ايوه بسرعه..يا رافع بسرعه ..وقفل معاه وجري عليها وحطلها مخده ورا ضهرها وجابلها ميه …بس زقت ايده لانها مش قادره تشرب

ابرار بصتلو بتعب وشافت ال\د\م على التيشرت بتاعو قالت بدموع..انت..انت بتن..يتنز,ف