توكيل جواز ج١
الثامنه عشر.
الساعه ١٢عشر ولم يأتي بعد بقيت مستيقظه تنتظره في شرفه غرفتها وجدته يدخل بسيارته للقصر فدخلت سريعا وجلست تصتنع النوم .
دخل الغرفه خلع جاكت بدلته وألقاه بإهمال علي طرف الفراش ونظر لها معذبته تغفو بسلام وهوا يحترق منها ود لو بإمكانه قتـ,ـلهاالان وإخراجها من قلبه .دخل الحمام وبدل ملابسه وذهب للنوم علي الكنبه .
استغربت ندي انه لم ينام بجوارها فأعتدلت في جلستها نظرت له وجدته يوليها ظهره نادته .
كامل انتا جيت .
كامل اغمض عينه بقوه من شده غضبه صوتها ينحر في صدره لم يلتفت لها ورد ببرود انتي شايفه ايه .
ندي .انتا كنت فين اتأخرت ليه كل ده قلقتني عليك.
كامل .لنفسه .ايه الأداء الرائع ده بجد ممثله ممتاذه دانا صدقت خوفك عليا.
ندي مبتردش عليا ليه ياكامل انتا كويس.اتجهت له ووضعت يدها علي كتفه .انتفض كامل كمن لدغه عقرب وهب واقفا وهوا يصرخ بها .
كامل .انتي اتجننتي بتدخلي في الي ملكيش فيه ليه مالك انتي ومال كنت فين وبعمل ايه خليكي في حالك ومتتجاوزيش حدودك وياريت من النهارده تروحي أوضتك متناميش جمبي عايز اكون براحتي في اوضتي وجودك بيخنقني .
ندي والدموع في عينها انتا بتكلمني انا ياكامل الكلام ده لياانا انا وجودي بيخنقك.
كامل .ليه شايفه غيرك في الاوضه .
ندي ولماانا وجودي خنقك اوي كدا طب ماتطلقني وتخلص من الخنقه دي .
كامل وقد فقد عقله امسكها من كتفها بعنف .بتحلمي نجوم السما اقربلك ده الي انتي عيزاه مش كدا اطلقك علشان ترتاحي مني بس ده بعدك هسيبك كدا زي الكلبه لمتجوزه ولا متطلقه فاهمه مش انا الي تستغفلوه وتغصبوه يعمل حاجه مش عايزه والله لندمكوا ياندي وتركها فجأه لتسقط علي الأرض .أخرجي بره مش عايز المحك هنا تاني اخرجي.
ندي وهي لا تقوي علي الكلام ودموعها تسقط بغزاره علي وجهها خرجت من الغرفه وذهبت لغرفتها سريعا واغلقت الباب وظلت تبكي علي حالها فقد ظنت انه يحبها ولاكنه يعاقبها علي جوازها منه بدون علمه فظنت من كلامه انه يقصد زواجهم بأمر والده وبدون معرفته ارتمت علي فراشها تبكي وتشكي حالها اماكامل فكان كالثور يجوب الغرفه ذهابا وإيابا وقف امام المرأه ينظر لنفسه .ويحدثها .غبي غبي لما فكرت انها بتحبني طلعت زباله والله ياندي لهخليكي تتمني المـ,ـوت وماتطوليه .
في الصباح استيقظت ندي علي صوت هاتفها .رقم غريب يتصل بها فلم ترد لتعبها ذهبت الحمام وبدلت ملابسها وجدت الرقم يعيد الإتصال اكثر من مره فردت .
ندي .الو.
ناصر .كيفك يابنت عمي .
ندي .ناصر الحمدلله انا كويسه .
ناصر. انا جاي في الطريج هوصل علي الظهر كدا عايز اجابلك علشان الموضوع اياه .
ندي .ماشي ياناصر لماتوصل كلمني .
ناصر .تشكري ياندي بتعبك معايا.
ندي .لا مفيش تعب ولا حاجه ياناصر يلا سلام لاني هروح الجامعه .
ناصر مع السلامه .
استيقظ باكرا وذهب للشركه تعجب الجميع من خروجه بدون القاء التحيه علي احد .
نزلت ندي وشافتهم كلهم قاعدين وكامل مش موجود فطرت معاهم بصمت وذهبت الجامعه مع يوسف .
يوسف .مالك في ايه ياندي .
ندي .مفيش حاجه يايوسف .
يوسف هتخبي عليا تعالي معايا نخرج من الجامعه نروح كافي .
ندي .ماشي انا اصلا تعبانه ومش عايزه اقعد هنا .
منه .وهيا جايه عليهم ازيكوا عاملين ايه .
يوسف .ازيك انتي ياقمر منوره .
ندي .ازيك يامنه .
منه .تمام ايه مش يلا هنتأخر ياندي المحاضره هتبدأ.
يوسف لا احنا هنخرج سوا شويه متيجي معانا .
منه .لا مش هينفع اصلي همشي بعد المحاضره علطول في عريس جاي النهارده يتقدملي ولازم اروح بدري
ندي .يسلام عريس وهتوافقي .
منه وهي تنظر ليوسف .مش عارفه لسا لما اشوفه ونتكلم يمكن يعجبني .
يوسف .بغيظ يلا ياندي نمشي انا اتخنقت .
في شركه كامل يجلس علي مكتبه وتدخل عليه السكرتيره .
مستر كامل في واحده جايه تقابل حضرتك وبتقول عملالك مفاجأ.
كامل .مين دي .
السكرتيره .مردتش تقول اسمها يافندم .
كامل .طب دخليها .
السكرتيره وهيا تفتح الباب .
اتفضلي يافندم مستر كامل منتظرك .
تدخل الضيفه .هاي كامل وحشتني حبيبي وتنحني لتقبله في خده.
كامل .كرستين .ايه جابك .
كرستين .وحشتني حبيبي قولت اجي اشوفك اتاخرت عليااوي يابيبي .
كامل .معلش حصلي شويه ظروف عطلتني شويه .
كرستين .ايه الي ممكن يشغلك عني حبيبي .
كامل بعدين اقولك تعالي نخرج من الشركه نروح مطعم نتغدا سوه .
كرستين .اوك بيبي .
في مطعم علي النيل يجلس به ندي ويوسف .
ندي .بس هوا ده كل الي حصل يايوسف وانامش عارفه اعمل ايه اقول لعمي محمود .
يوسف .ندي انتي بتحبي كامل وانا اكتر واحد عارف كدا فبلاش تدخلي حد بينكم ممكن يكون كان مخنوق من الشغل وجت فيكي اكيد هيصالحك لما يرجع .
ندي مش عارفه بس كلامه جرحني اوي يايوسف .
يوسف .معلش ياندوشه احنا كدا لمانحب بنجرح بعض منغير مانحس .
ندي .ياسلام وانتا حبيب اوي طبعا كل يوم مع بنت شكل .
يوسف. حب ايه دول تسالي لب كدا بتقزأزيه وانتي قاعده في الباص مستنياه يوصل المحطه لاكن لما بتوصلي خلاص بترمي اللب ده وتنزلي مكانك الي وصلتيلوا .
ندي بضحك .وانتا بقا وصلت لا لسا بتاكل لب.
يوسف . وصلت من زمان بس المحطه شكلها مش من نصيبي .
ندي لا ياشيخ مايمكن هيا نصيبك بس انتا الي غبي .
يوسف. قصدك ايه ياندي .
ندي .قصدي منه ياخفيف .
يوسف .منه انتي عرفتي ازاي يخربيتك .
ندي عيب عليك دانا ندي باين عليكوا اوي علي فكره .
يوسف عليكوا قصدك ايه هيا قالتلك حاجه يعني هيا بتحبني طب والعريس .
ندي .لا معرفش مليش دعوه .
يوسف. ندي قولي الحق بالله عليكي خليني الحق اتصرف.
ندي .ياعم بتحبك زيك بالظبط بس بتنفضلك مفكراك بتتسلي بيها الحقها بقا لتوافق وتطير من ايدك .
يوسف تطير مين دانا كنت طيرتها من الدنيا كلها دانا امـ,ـوتها والله انتي اتجننتي ولا ايه اخيرا اتأكدت انها بتحبني .
ندي .طب هتعمل ايه .
يوسف .هكلمها في التلفون علشان تزحلق العريس وهكلم بابا ونروح نتقدم رسمي .
ندي .ياواد انتا اتهبلت تلفون ايه مينفعش
يوسف .اومال استني لما توافق لا هتصل بيها.
ندي .انتاحر انتو اصلا مجنين زي بعض .
يوسف يتصل بمنه .
يوسف .الو منه انا يوسف .
منه .يوسف في ايه ندي جرالها حاجه .
يوسف .لا ندي كويسه اناالي تعبان .
منه .مالك الف سلامه عليك انتا فين وانا اجيلك .
يوسف .طب والعريس هتسبيه لمين لماتجيلي .
منه وقد انتبهت لما تفوهت به ها اه صح العريس خلاص انتا كويس لاني مش هعرف اجي زمان الناس علي وصول .
يوسف .طب بصي ياحلو بقا من الاخر العريس ده تزحلقيه وتتنيلي علي عينك تستنيني اما اكلم الحاج محمود وتجبيلي معاد مع ابوكي علشان عايزه في موضوع منه ها ازحلقه وموضوع موضوع ايه يابني انتا شارب حاجه .
يوسف .اه شارب عصير منجا مع ندي اجيبلك .
منه .يوسف انتا مجنون ايه الي بتقوله ده يوسف بقول ايه بقولك زحلقي العريس لاني هتجوزك ومش هتكوني لغيري فهمتي .
ندي .الله يخرب بيتك انتا غبي ايه الي بتقوله ده يازفت .
يوسف .اسكتي انتي والنبي .
انتي يابنتي منه يابت مبترودش ليه دي منه .
منه……لا ترد من الصدمه بقيت صامته .
يوسف يعطي التلفون لندي خودي ياندي شوفي صحبتك ماتت باين .
ندي .منه الو انتي يابنتي .
منه .ندي سمعتي يوسف قال ايه ولا انا بيتهيقلي .
ندي.لا سمعت ياختي وهكلمك لما اروح يلا سلام الوقتي .
منه .سلام .
يوسف .شوفتي البت هنجت مني .
ندي انتا موصيبه واثناء ضحكم بصوت عالي يدخل كامل ومع كرستين ويراهم ويستشيط غضبا من ضحكاتهم ويحدث نفسه .كامل بتضحكي بقاانا اسيبك وانتي منهاره من العياط والوقتي بتضحكي فعلا ممثله ممتازه ياندي ..
كرستين .ايه ياكامل مش هنقعد مين دول الي بتبصلهم .
كامل تعالي هعرفك عليهم .
التاسعه عشر
.كامل وهوا يذهب لطاوله ندي ويوسف .
كامل .متدحكونا معاكو ياحلوين .
يوسف .كامل بتعمل ايه هنا .
كامل .والله اناالي المفروض اعرف انتا بتعمل ايه هنا مع مراتي .مش انتو المفروض في الجامعه ولا الجامعه نقلت
اتصدمت كرستين من الكلمه ونظرت لندي بغل .
يوسف .مفيش ندي كانت تعبانه وحبيت اخرجها تغير جو .
كرستين .مش هنقعد ياكامل .
كامل .اعرفكم كرستين صديقه غاليه اوي عليا جت من امريكا النهارده وبتشتغل معايا هناك .
يوسف اهلا كرستين اتفضلي اقعدي.
ندي تنظر لها من رأسها لقدمها وشعرت بالغيظ من مرافقتها لزوجها .ولم ترحب بها.
كامل لا احنا هنقعد لوحدنا محتاج اتكلم معاها لوحدنا وانتو خليكوابراحتكو يلا كريستين .
كرستين .اوك يلا .
كامل وهوا ينظر لندي بغيظ ثم مال علي اذنها .مكنتش اعرف انك زباله اوي كدا وتركها وذهب مع كرستين .
ندي وهيا مصدومه من كلامه .هوا بيكلمني كدا ليه كل ده علشان مسلمتش علي الزفته دي ولا علشان خرجت منغير ماأقوله .
يوسف .مش عارف بس كلامه معانا كان غريب اقولك يلا نروح احسن .
ندي .يلا . احسن انا اتخنقت .
يوسف .سيبك اكيد بينهم شغل .
ندي .التفتت تنظر لهم وجدتهم منهمكون في الحديث ولم يلتفت لها حتي .
غادرت وهي تشعر بالغيره تنحر صدرها نعم فهي تغار عليه من هذه الكرستين .
الهذه الفتاه سبب في تغيره معهاوتغير معاملته لها وندم علي زواجه منها .
ظلت تفكر في ماحدث وهي في طريق العوده .
رن هاتفها .
ندي .الو
ناصر .انتي فين يابنت عمي اني جاعد في مطعم …..مستنيكي ورنيت عليكي كتير مردتيش .
ندي معلش مكنتش سامعه الموبايل هجيي علطول سلام .
ناصر سلام مستنيكي .
ندي معلش نزلني يايوسف كدا عندي مشوار مهم .
يوسف .مشوار ايه ده .
ندي .نزلني بس وانا لمااجي هقولك كل حاجه .
يوسف .اوك تمام هستناكي .لماترجعي
ندي .اوك انا مش هتأخر عندي مزاكره كتير اصلا يلا سلام.
اتجهت ندي للمطعم ودخلت وجدت ناصر في انتظارها .
ناصر .كيفك ياندي اتوحشتك والله .
ندي .ازيك ياناصر ها فين العنوان علشان نروح لبيت حبيبتك.
ناصر اجعدي نشربوا حاجه الاول .
ندي .ماش بس يلا علشان منتأخرش .
ناصر .ماشي يامتر جهوه مظبوط وعصير مانجا.
عارف انك بتحبي المنجاياندي .
فاكره لما كنتي بتاكليها وهيالسا متحصدتش.
ندي .اه فاكره بابا كان بيأخدني نقطفها سوا.
ناصر ايوه فاكر عمي ناجي كان بياخدك وياه بساتين المنجااول واحده تأكلي منها.
ندي الله يرحمه .يلا علشان منتأخرش.
ناصر .ماشي يلا بس اني حابب اجبلها هديه الاول هجبلها دهب من المحل ده وكمان ورد .
ندي طب يلا تعالي .
دخلو محل الذهب .وأختار ناصر بعض الخواتم القيمه وعرضهم علي ندي فأختارت احسنهم .
سأله السائغ عن المقاس فأمسك كف يدها والبسها الخاتم به وهي تفاجئت مما فعله ناصر .
ندي بتعمل ايه .
ناصر يدك كيف يدها نفس المجاس .هناخدو وضعه بعلبه وخرج ذهبو لمحل الورد وانتقي باقه جميله ورودها حمراء وبيضاء .
واتجهو لسياره اجره وقبل ركوبها رن هاتف ناصر.
ناصر .ايوه يابوي. ايه كيف ده .طب اني جاي دلوك .لااني بره البلد ساعتين وأكون جدامك .ماشي مع السلامه .
ندي .في ايه .
ناصر .اني لازم ارجع البلد ابوي بيجول ان كرم اخوي عمل حادثه ولازمن.اروح دلوك خلي معاكي الخاتم وهحاول اجي جريب .ندي ماشي ياناصر ابقااتصل بيا طمني علي كرم.
ناصر ماشي اه وخودي بجا الورد ده ليكي انتي .يلا اركبي دلوك مع السلامه .اخذت الورود والخاتم وركبت التاكس واتجهت للمنزل .
بعد ذهابها خرج حمدان اخو ناصر من محل الورود .وذهب لناصر .
ناصر.كله تمام ياحمدان اوعاك تكون غلط في حاجه.
حمدان .كله تمام يااخوي هيااول مره يلا دلوك نرجعو ابوك مستنينا.
