القانون لا يحمي المغفلين ج٢ منى السيد

موقع أيام نيوز

في ضوافره، أول ما دخلت اتعدل ووشه جاب ألوان… كان فيه مزيج مرعب في عينه بين الخۏف، والذهول، والانكسار.
أما الدكتور فؤاد، والد سيلين، فكان نحاول يحافظ على وقاره المزيف، بس عينيه كانت بتطق شرار.
قعدت على رأس الترابيزة، وشاورت للأستاذ نبيل يقعد جنبي.
صباح الخير يا جماعة… خير؟ أتمنى تكون زيارتكم دي بخصوص تسوية الموقف المالي مش مجرد زيارة مجاملة.
سيلين هجمت بالكلام فوراً، وصوتها كان متوتر ومهزوز
أنتِ فاكرة نفسك مين؟ أنتِ فاكرة إن بلطجة الأوراق دي هتمر بالساهل؟ أنتِ ڼصابة! استغلتي إن العيادات كانت في أزمة وكتبتيني على عقود إذعان!
رديت عليها بهدوء يقهر
عقود إذعان؟ دكتورة سيلين… أنتِ اللي جيتي لمكتبي من تلات سنين ورجلك فوق رقبتك، وكنتي بټعيطي عشان العيادات ما تتقفلش ويتلغى ترخيصك بعد قضية الإهمال الطبي بتاعة المدام إلهام. أنا اللي ضخيت 20 مليون جنيه في حسابك وسددت ديونك للبنك الأهلي، وبسببي أنا بقى عندك 5 فروع! وينك وقتها ما قولتيش إذعان؟
والدها اتدخل بصوت حاد حاول يخليه هادي
يا مدام ندى… بلاش ندخل الأمور الشخصية في العمل. أحمد جوز بنتي دلوقتي، واللي حصل بينك وبينه في الماضي ده شيء يخصكم أنتم الاثنين. إحنا هنا عشان نصلح الموقف المالي. 20 مليون كاش في 48 ساعة ده شرط تعجيزي وأنتِ عارفة إن الأرصدة مجمدة.
بصيت لأحمد اللي كان واقف ساكت، وقولت بتهكم
والله يا دكتور فؤاد… الأمور الشخصية هي اللي جابتنا هنا. الباشمهندس أحمد، نسيبك المحترم، دخل بيتي وأكل عيشي وملحي، وفي الآخر سرق دهب أمي الله يرحمها وحساباتي، وخرج يتقطع في سمعتي ويقول عليّ مفلسة وغلبانة ومابفهمش في الشغل. وهو واقف جنبك اهو… اسأله، مين فينا اللي طلع مابيفهمش؟
أحمد اتكلم بلعثمة وړعب
ندى… أنتِ فاهمة غلط… أنا الدهب كنت أخدته عشان…
قطعت كلامه بصوت حاد زي السيف
اسمي الأستاذة ندى! وحسابنا على الدهب والسړقة دي قدام النيابة العامة، والبلاغ اتقدم الصبح رسمي برقم محضر هتوصلك استدعاء بيه في خلال ساعات.
أحمد وشه اتخطف، وبص لسيلين ولأبوها وكأنه بيستنجد بيهم.
سيلين بصت لأحمد بنظرة كره وقرف يرعبوا، وقالتله بصوت واطي ومسمۏم
اخرس خالص يا أحمد! ما نسمعش صوتك! أنت السبب في كل القرف ده! أنت اللي جيبتلي المصېبة دي لحد عندي!
التفتت ليّ سيلين وقالت، ونبرة الغرور بتاعت البارح كانت اختفت تماماً وحل مكانها التوسل
يا أستاذة ندى… إحنا ممكن نوصل لحل وسط. نعدل بنود العقد، ونديكِ نسبة أرباح أعلى، أو نعمل جدولة للمبلغ على سنة…
ابتسمت ورفعت إيدي بمنعها تكمل
جدولة؟ لا يا دكتورة. أنا مش محتاجة فلوسك… أنا محتاجة الأصول.
الأستاذ نبيل فتح الفايل الأسود اللي قدامه وطلع الأوراق
وفقاً للبند الرابع من العقد المبرم، وفي ظل عدم قدرة الطرف الثاني على سداد المبلغ المطلوب خلال المهلة القانونية، بيتم انتقال نسبة 51 من ملكية العيادات والعلامة التجارية باسم شركة N S للحلول الاستثمارية، مع إقالكِ الفورية من منصب رئيس مجلس الإدارة وتعيين مفوض مالي وإداري من طرفنا.
سيلين صړخت
أنتوا بتتكلموا إزاي؟! دي عياداتي! اسمي أنا!
دكتور فؤاد وقف بانفعال
أنا رئيس مجلس إدارة مستشفى كبير! مش هسمح بالمهزلة دي! أنا هكلم وزراء وهرفع قضايا!
الأستاذ نبيل رد ببرود قاټل
اتفضل يا فندم، القضاء مفتوح للجميع. بس تحب أذكرك إن الشيكات المقبولة الدفع اللي مضياها الدكتورة سيلين كضمان موجودة في النيابة، وأمر التجميد الصادر من البنك المركزي جه بناءً على أحكام نهائية بتنفيذ السندات لأمر. يعني أي حركة مش مظبوطة… الدكتورة ممكن تقضي ليلتها في التخشيبة.
سيلين قعدت على الكرسي كأن ركبها