مشيره محمد

مقفول باسم أورورا كابيتال. كان فاكرني مجرد بنت غلبانة بتعمل كيكة وبسبوسة وريحتها دايماً زبدة وفانيليا!
المواجهة الأخيرة في المستشفى
بعد ربع ساعة، شريف وأمه دخلوا يجروا على الاستقبال وشدوا الستارة بعنف.
أنتي لسه مخلصتيش التمثيلية السخيفة دي؟ شريف زعق بصوت عالي.
أمه مسكت عقد اللولي بتاعها وصوتت بصوت مسرسع يا لهوي يا فندم! بجد بنت قليلة الأصل وجاحدة.. أنا هموت من الجوع وهي متمطعة على السرير كأنها ملكة زمانها!
مديت إيدي بكل هدوء وضغطت على زرار استدعاء الممرضة وطاقم الأمن.
وقلت في الانتركول لو سمحتوا، ابعتوا أمن المستشفى فوراً يطردوا الناس دي برة.. بيعطلوا علاجي وبيعملوا شغب.
وش شريف جاب ألوان أنتي بتطلبي الأمن يطرد جوزك يا مريم؟!
الراجل اللي يستنى لقمة وحتة دين غدا من ست رجلها متدمرة، ملوش إنه يتقال عليه راجل أصلاً.
أول ما اتنين من أفراد الأمن بعضلاتهم ظهروا في الممر، الحاجة إلهام شاورت بصباعها اللي فيه مانيكير أحمر وقالت بشر وغل
والنعمة الشريفة، أول ما تطلعي من عيلتنا، ما هتاخدي معاكي حتى المعلقة الفضة اللي حيلتك!
بصيت في عينيها من غير ما أرمش.. مكنوش يعرفوا إن اللعبة انتهت خلاص، وإن الدنيا كلها هتتهد فوق دماغهم من بكرة الصبح..
الجزء الثاني بداية الانهيار
خرج شريف وأمه من باب المستشفى يجروا رجليهم من الفضيحة، والأمن وراهم خطوة بخطوة لحد ما طلعوا للشارع. كنت سامعة صوت حماتي الحاجة إلهام وهي بتصوت في الممر وتدعي عليا بخراب البيوت، وشريف بيحاول يسكتها وهو وشه أحمر من الغل والكسوف قدام الدكاترة والمرضى.
أول ما الستارة اتقفلت عليا تاني، الأوضة رجعت لهدوئها. غمضت عيني وأخدت نفس طويل.. نفس حقيقي مخدتوش من تلات سنين. تلات سنين وأنا حابسة نفسي في دور مريم الغلبانة اللي بتصحى الفجر تعجن وتخبز في محل الحلويات الصغير بتاعها في المعادي، وترجع تطبخ وتغسل وتستحمل قلة قيمة من راجل كل طموحه في الحياة كان إنه يثبت لنفسه إنه أحسن مني.
بعد ساعة، الباب خبط ودخلت ندى صاحبة عمري. كانت شايلة في إيدها شنطة الهدوم، واللاب توب المتشفر بتاعي، وشاحن الموبايل. ملامح وشها كانت مرسوم عليها القلق، بس أول ما شافت رجلي المتجبسة، عينيها دمعت وجريت عليا
مريم! حبيبتي.. إيه اللي حصل؟ كلمتيني في التليفون خضيتيني، ومفهمتش حاجة غير إنك في المستشفى ورجلك مكسورة!
مسكت إيدها وطمنتها
أنا كويسة يا ندى، متقلقيش.. الكسر بسيط والوجع هيروح، بس الوجع الحقيقي هو اللي كان لازم ينتهي النهاردة. شريف جاب آخره معايا.
حكيت لندى كل اللي حصل؛ من أول مكالمته المستفزة وهو بيطالبني بغدا أمه وأنا غرقانة في دمي، لحد البلاغ الكيدي اللي عمله في الشرطة، والتهديد اللي هددني بيه إنه هيرميني في الشارع بالهدوم اللي عليا.
ندى وشها اتغير تماماً، وعينيها لمعت بغضب حقيقي
الندل! واطي وجاحد طول عمره، بس يوصل بيه الفجر إنه يعمل بلاغ كيدي في مراته وهي في الطوارئ؟ ده محتاج يتربى من أول وجديد يا مريم.. وأنتي عندك السوط اللي هيربيه!
ابتسمت ببرود وفتحت اللاب توب اللي جابتهولي
وهو ده اللي هيحصل بالظبط يا ندى. شريف عاش تلات سنين فاكرني البنت اليتيمة اللي ملهاش ضهر، اللي عايشة على قرشين بيجوا من محل كيكة وبسبوسة.. نسى تماماً، أو بالأصح عمره ما عرف، مين هي مريم عادل مشيره محمد
ليلة التجهيز للمعركة
فتحت اللاب توب بتاعي، ودخلت على الشبكة الخاصة المشفرة لصندوق أورورا كابيتال الاستثماري. الصندوق ده هو الكيان الفعلي اللي بيمتلك 60 من أسهم شركة كور دينامكس اللي شريف شغال فيها مدير إقليمي ومنتفخ بلقبه قدام الناس. شريف كان مجرد موظف بدرجة مدير، بيقبض مرتب وعمولة من فلوسي أنا، ومن أرباح الأسهم بتاعتي، ومن غير ما يعرف إن الست اللي بيذلها بلقمة العيش هي اللي بتدير الكيان اللي مشغله!
بدأت الشغل فوراً مع المستشارة القانونية بتاعتي، أستاذة نادية علام، اللي كلمتها ندى وجت لنا المستشفى بشنطتها المليانة ورق.
قعدت نادية على الكرسي جمب سريري، وعدلت نظارتها وقالت بجدية
مريم هانم، الموقف القانوني في صفنا 100. أولاً، الحساب البنكي المشترك اتجمد رسمي بطلب منك بصفة عاجلة للاشتباه في استغلال مالي. ثانياً، فيلا التجمع الخامس مسجلة باسمك وباسمه كشراكة ثنائية بشرط عدم التصرف إلا بتوقيع الطرفين، ومستحيل يقدر يبيع طوبة فيها. تالتاً والأهم.. بلاغ الإهمال الكيدي اللي قدمه ضدك اتقلب ضده بعد تقرير مستشفى السلام الدولي ومحضر الشرطة اللي أثبت إنك كنتي في غيبوبة مؤقتة وتأثير الصدمة وقت الحادثة، وده لوحده كفيل يوديه في داهية بتهمة البلاغ الكذب وإزعاج السلطات.
هزيت راسي وقولت
جميل جداً يا نادية.. بس أنا مش عايزة بس قضايا قانونية وتجميد حسابات. أنا عايزة شريف يتجرد من كل حاجة وهمية عاش فيها وصنع منها برستيج كداب على حساب كرامتي. كمال بيه تواصل معاكي؟
نادية ابتسمت بخبث
كمال بيه، الرئيس التنفيذي لكور دينامكس، جهز كل حاجة. لجنة الجرد والتفتيش المفاجئ هتوصل مكتب شريف بكرة الساعة 9 الصبح بالدقيقة. واللجنة دي مش رايحة تدور على ورق عادي.. دي رايحة تفحص الدفاتر المالية لقطاع المركز اللي شريف ماسكه، بناءً على شكاوى سرية من موردين عن شبهة عمولات ورشاوي وتلاعب في العقود.
سندت ضهري على المخدة وقلت بصوت هاديمشيره محمد
تمام.. اللعبة هتبدأ بكرة الصبح. ندى، جهزيلي هدوم خروج كلاسيك تليق ب