ايزيس ج٣

صلوا الفجر وقروا قرأن وبعدها ناموا تاني وصحي ادم الصبح

ولقي مامته محضرة الفطار فطر ونزل شغله

في الشركة

اللجنة عاينت مشروع ادم وعجبهم جدا وانبهروا بسحر المكان بعد ما اكتمل ودا اللي دفع رجال اعمال كتير انهم يقدموا عروض شراكة وشغل لشركة ادم

ادم مستمر من نجاح لنجاح بس مش بمحض الصدفة هو تعب واشتغل علي نفسه واجتهد وابدع ساعد نفسه ووقع وقام تاني يحارب مايئسش وقال كده خلاص انا فشلت ثقته ف نفسه دفعته يتخطي كل الحدود ويحقق حلمه .وثقته ف ربنا خلته يعمل كل اللي يقدر عليه ويسبها ع الله ..

طبعا رجع ادم الشركة بعد يوم طويل وجميل واحتفل هو وموظفينه علي انغام اغنية

شفت الازمات ومواقف مالهاش عد

بس الصدمات بتقوي ومش بتهد

انا عندي ثقة في النفس

ومناعة ضد اليأس

انا ابن مصر انا ضد الكسر.. انا رافع راسي تملي لفوق طول العمرانا ابن مصر..قلبي نسر.ماقدرش اعيش أبدا يوم .غير وانا حر

وبعد ما خلص شغله واحتفاله رجع عشان يفرح حوريته

ادم وصل الفيلا

لقي حبيبة مستنياه علي ڼار هو ما رضيش يطمنها حب يعملها مفاجأة

حبيبة جريت علي ادم وحضنته ..خير يا ادم طمني انا م الصبح برن لك فونك مقفول

ادم .انتي مش واثقة ف جوزك ولا ايه ..وغمز لها

حبيبة ربنا يزيدك يا ادم ويوفقك يا حبيبي

ادم ..قلبك يتحمل كام مفاجأة

حبيبة انا قلبي جامد قول يا حبيبي سمعاك

ادم واولا طبعا مشروع ارض الأحلام عجب كل اللي شافه من رجال الاعمال

ثانيا سمعتنا رجعت تاني زي الاول واحسنلانه ربنا عدل

ثالثا هشام اتعدم انهاردة واخد جزائه علي اللي عمله

رابعا مدرسة زياد قاله انه عنده قدرات عقلية فوق معدل الذكاء الطبيعي ونقلوه فصول فائيقين

خامسا دي اكتر حاجة مفرحاني اتفقت مع مجموعة من رجال الاعمال اصحابي نخصص جزء من ارباح شركاتنا كل سنة لتعليم الاطفال. الايتام والاطفال الفقرا اللي اهلهم مش قادرين يصرفوا علي تعليمهم وهبدأ نبني مدرسة لهم ورجال الاعمال رحبوا جدا بالفكرة

سادسا بقي يلا بينا نروح لمروان وكارما نكتم علي نفسهم قصدي نباركلهم

حبيبة حاسة نفسها هطير من الفرحة جوزها ناجح وبيعمل خير لوجه الله ..ادم انت عظيم اوي يا حبيبى انا فخورة جدا بيك

ادم ..انا وصلت لدا كله بفضل ربنا وبفضلك انتي اللي اخدتي بأيدي من عالم كنت متغيب فيه ومش عارف طريق ربنا ساعدتيني وحبك وايمانك قواني وخلاني ابقي الشخص اللي انتي شايفاه دلوقتي خلتيني ملتزم