الميراث المسموم منى السيد

الأستاذ عبد العزيز رفع إيده بجمود وكمل قراية. الأملاك كانت عبارة عن فيلا المعادي والمحفظة الاستثمارية والأهم.. أسهم شركة كريمة للخدمات الطبية اللي ياسين بيديرها وهي اللي ممشية حياته وعربيته الفارهة ومنظره قدام الناس. بقلم مني السيد
ياسين كان بيجهز لإجراءات الطلاق من ليلى. وكان بيسحب فلوس من وراها وبيطلع إشاعات إنها غير متزنة عشان يكسرها. أنا عرفت كل ده لما رفضت أمضي له على قرض السنة اللي فاتت وشفت غله.. عشان كدة جبت مراجع مالي قانوني.
ياسين وشه اسود دي أوراق سرية!
المحامي رد ببرود دي جزء من الوصية.. وهتتسلم للمسؤول عن الصندوق.
ياسين صرخ ومين المسؤول ده
الأستاذ عبد العزيز بصلي وقال إنتي يا مدام ليلى.
فجأة الأوضة اللي كانت مترتبة عشان كسر نفسي بقت هي مكان قوتي.
ياسين وشه هرب منه الدم ونرمين ابتسامتها اختفت.
ياسين قال بصوت مهزوز إنتي متعرفيش تديري شركة!
رديت بثبات استغربته مش محتاجة أعرف.. أنا محتاجة بس أختار اللي يديرها صح.
المحامي كمل الشروط ليلى هي المسؤولة لمدة ٥ سنين هي اللي تعين مدير تنفيذي ومحاسب قانوني. لو التحقيق أثبت أي تلاعب مالي من ياسين هيتم طرده من الشركة ووقف أسهمه فورا. متوفرة على روايات و اقتباسات ولو حاول يهدد ليلى هيتحرم من الميراث نهائيا.
نرمين بدأت تنهار ده مش عدل! ياسين قالي إن والدته بتدعمنا!
ياسين زعق فيها اسكتي يا نرمين!

لكن المحامي كمل رسالة الحاجة كريمة لنرمين
أنا مش هعاقب طفل على غلطة أهله. فيه صندوق تعليمي ل يوسف تحت إشراف طرف تالت وإنتي مالكيش سلطة على الفلوس دي. لو ياسين وعدك بغير كدة فده كذبه هو.. مش كذبي أنا.
ياسين حاول يغير طريقته هدى صوته وبصلي بدموع مزيفة ليلى..
إنتي عارفة أمي كانت صعبة.. هي بتنتقم مني حتى وهي ميتة. خلينا نتكلم لوحدنا.
بصيت للمحامي فقال الحاجة كريمة وصت إنك متكونيش لوحدك معاه النهاردة وفي أمن بره المكتب لو احتاجتي. بقلم مني السيد
ياسين اتجنن أمن ليا أنا
المحامي أداني كارت دي الأستاذة دانا جلال محامية الحاجة كريمة عينتها عشان تمثلك قانونيا وهي مستنية مكالمتك.
نرمين بصت لياسين بذهول وقالت إنت قولت لي إنها مش عايزة تخلف ومهمومة بالفلوس بس!
رديت عليها أنا كنت عايزة عيال.. ياسين كان عايز سلطة.