اتجوزت في بيت عيله ج1 حكاوي شيمو

وبعدين كملت:
— “وعمل حساب خاص ليكي.”
بصيت للورق وأنا مش مستوعبة.
لكن جوا الظرف كان فيه حاجة تانية.
صورة قديمة.
صورة ليا وأنا صغيرة، يوم فرحي.
وتحتها ورقة مكتوب عليها بخط حمايا:
“دي مش مرات ابني وبس… دي بنتي، ومحدش له حق يهينها.”
انهرت في العياط.
افتكرت كل مرة اتقال لي فيها:
“إنتِ مقصرة.”
“إنتِ بتشتكي.”
“غيرك بيعمل أكتر منك.”
افتكرت سناني اللي ضاعت.
ورجلي اللي وجعتني.
والولادات اللي كنت برجع بعدها بأيام قليلة أخدم.
وبعدين بصيت لحماتي وقلت:
— “طب ليه؟ ليه عملتي فيا كل ده؟”
قالت:
— “لأني كنت فاكرة إن السيطرة على البيت هي الأمان… ولما ابني اتجوز، خفت أخسره.”
رديت عليها:
— “بس إنتِ خسرتيني أنا الأول.”
فضلت تبكي.
وفجأة سمعت صوت خبط جامد على الباب.
دخل سلفي.
الولد اللي ربيته.
اللي كنت بمسح له جزمه.
اللي كنت أجهز له هدوم الجيش.
بص لي من غير كلام.
وبعدين قال:

— “أنا سمعت كل حاجة.”
اتوترت.
قال:
— “أنا جاي أعتذر لك.”
ضحكت بحزن:
— “بعد إيه يا ابني؟ بعد ما قلت عليا يهودية؟”
نزل عينه.
— “أنا كنت غلطان.”
— “وغلطان بس؟”
سكت.
قرب مني وقال:
— “مراتي كانت بتقنعني إنك بتغيري منها، وإنك عايزة تفضلي مسيطرة على البيت.”
صرخت:
— “وأنت صدقتها؟!”
قال:
— “أيوه.”
وبعدين قال الجملة اللي وجعتني أكتر من كل حاجة:
— “كنت أفتكر إنك بتعملي كل اللي بتعمليه عشان تثبتي إنك صاحبة فضل عليا.”
بصيت له وقلت:
— “أنا كنت بعمله عشان كنت بحبك.”
دموعه نزلت.
— “عارف.”
— “لا… أنت عرفت دلوقتي بس.”
سكت.
حماتي قالت:
— “قول لها الحقيقة كاملة.”
بصيت لها.
وسلفي اتنهد وقال:
— “في حاجة تانية.”
قلبي اتقبض.
قلت:
— “إيه؟”
قال:

— “مراتي مش هي السبب الوحيد.”
اتجمدت.
— “يعني إيه؟”
بص ناحية أمه وقال:
— “أنا كنت عايز أسيب البيت من زمان.”
حماتي شهقت:
— “ليه؟!”
قال:
— “لأني كنت فاكر إنك بتحبي أخويا أكتر مني… وإن كل حاجة كانت بتروح له.”
بصيت له وأنا مش مصدقة.
— “أنا؟!”
قال:
— “أيوه… وكنت شايفك دايمًا بتخدميه وبتخدمي عياله، وكنت فاكر إنك بتعملي كده عشان تباني قدامه أحسن مني.”
قعدت ساكتة.
خمستاشر سنة من التعب…
وفي الآخر اكتشفت إن ناس كتير كانت بتفسر حبي لهم على إنه مصلحة.
لكن قبل ما نتكلم أكتر، موبايل سلفي رن.
بص للشاشة…
وتغير لون وشه.
قلت:
— “مين؟”
ما ردش.
الموبايل رن تاني.
مد إيده وقفله.
قلت:
— “مراتك؟”
هز راسه.
وقال:
— “لأ…”
وبص لي وقال: