مؤامره الشقه ج٢ منال علي
— «آه.»
— «ومن غير ما أعرف؟»
— «ما كنتش محتاج تعرفي.»
الجملة دي كانت كفاية تخلي سلمى تقوم واقفة.
— «مش محتاجة أعرف؟»
— «أنا قصدي ما كانش فيه مشكلة.»
— «فيه مشكلة كبيرة يا ياسر.»
دخلت أوضتها وفتحت اللابتوب.
— «وريني كشف الحساب.»
ياسر قام وراها.
— «سلمى، بلاش نكبرها.»
— «أنا مش بكبرها. أنا عايزة أعرف فلوسي راحت فين.»
فتحت الحساب.
بدأت تقلب في العمليات.
وفجأة لقت تحويل بمبلغ مية وخمسين ألف.
من حساب باسم نوال.
لكن التاريخ كان من حوالي شهرين.
سلمى رفعت حاجبها.
— «إنت قلت إن المبلغ اتحط من فترة.»
— «أيوه.»
— «من شهرين يعني؟»
— «تقريبًا.»
— «طب ليه أمي… قصدي أمك، كانت بتقول إن الفلوس دي موجودة من فترة طويلة؟»
ياسر ما ردش.
سلمى كملت تقلب.
ثم توقفت.#حكايات_منــال_عـلـي
في عملية تانية.
سحب 80 ألف جنيه.
التاريخ كان بعد إيداع المبلغ بأسبوع.
رفعت عينيها له.
— «مين سحب التمانين ألف؟»
ياسر قرب من اللابتوب.
بص للشاشة.
وبعدين قال:
— «أنا.»
سلمى حست إن قلبها وقع.
— «إنت؟»
— «آه.»
— «سحبتهم ليه؟»
— «كنت محتاجهم في حاجة.»
— «إيه الحاجة؟»
— «هقولك.»
— «قول دلوقتي.»
ياسر سكت شوية.
— «دفعتهم مقدم لعربية.»
سلمى شهقت:
— «عربية؟»
— «عربية مستعملة.»
— «إنت اشتريت عربية بفلوس أمك؟»
— «فلوس هاجر.»
— «وهاجر عارفة؟»
سكت.
سلمى فهمت.
— «هاجر مش عارفة.»
— «كنت هرجعهم.»
— «إمتى؟»
— «قبل ما تحتاجهم.»
— «ولما احتاجتهم؟»
ياسر ما ردش.
سلمى رجعت تبص للحساب.
وبدأت تكتشف حاجة أخطر.
المبلغ اللي كان المفروض يكون في الحساب مش موجود.
جزء كبير منه اتسحب.#حكايات_منــال_عـلـي
وجزء تاني اتحول لحساب تاني.
وحين جمعت العمليات، اكتشفت إن الحساب اللي كانت فاكرة إنهم بيحوشوا فيه للشقة، ما كانش زي ما ياسر كان بيقول.
الرصيد أقل بكتير.
رفعت رأسها.
