صقر وابرار ج٣ حكايات زهره

بس قطع كلامها رافع وقال …اهدي ..اميره مرتي…ودي قسيمه جوازنا

ابرار مسكت القسيمه وقرتها وهيه مصدومه جدا وقالت ازاي…من ورا اهلها

رافع قال بحزن..ايوه محدش موافق…وانا مش قادر اعيش من غيرها..صخر بيخاف عليها ذياده علشان ظروفها وابويا رافض كمان علشان ظروفها وانا محدش مقدر اني مش قادر انساها واعيش من غيرها

ابرار قعدت بحزن وقالت…بس كده غلط يا رافع…صخر بيحبك اوي ولو عرف

رافع قاطعها وقال…عارف…كل الي هتقوليه عارفو ومضايق صدقيني بس انا…انا مش لاقي حل

ابرار اتنهدت وقالت…طب طب .انت انت تعرف حاجه عن موضوعها مع صخر..هيه ليه بتخاف منو كده

بقلمي…زهرة الربيع
رافع قال بحزن هيه…احم..فاكره انو..انو اعتدي عليها بس طبعا ده محصلش

ابرار قالت بسرعه…. امال ايه الي حصل… رد عليا ارجوك محمد ابن عمي له دخل بالي حصل ..ارجوك متكدبش عليا

رافع بص لاميره الي نايمه زي الملايكه بحزن وقال…اميره اتظلمت كتير وكل ذمبها ان عقلها على قدها وفي يوم وبالتحديد قبل كتب كتابك على ابن عمك بيوم واحد كانت بتلعب في الجنينه زي العاده وشافت فراشه وبقت تجري وراها لحد ما دخلت المخزن الي ورا الدوار ..مفيش دقايق…وحد من وراها حط قماشه على عنيها ومسكها جامد وبقى ….احم انتي فاهمه

ابرار كانت بتبصلو بزهول ورافع اتحولت ملامحو لغضب رهيب وقال…بعد كده ابتدى يعتد،ي عليها..كانت مش فاهمه حاجه…وكانت بتصرخ وبس…و..وهو ولا هامو وكمل وطبعا هيه متعرفش مين ده ومن كتر ما قاومتو اغمي عليها

ابرار قالت بدموع…محمد…كان محمد

رافع قال بغضب..ايوه زفت بس عمل عملتو وهرب في الوقت ده دخل صخر وقبل حتى ما يشوفها فاقت

صخركان بيجهز س/لاح من بتوعو الي مخبيهم في المخزن ومشافش اميره اصلا ..بس هيه فاقت واول ما بصت قدامها شافت صخر… الي فهمتو وقتها انو هو الي عمل فيها كده بقت تصرخ وتبكي هو بصلها ولاقاها متبهدله ومكانش فاهم ايه الي حصل بس هيه الي فهماه ان هو الي عمل كده ومش هارفين نقنعها بحاجه تانيه وبقت كل ما تشوفو تصرخ وتبكي فملقاش حل غير انو يسلسلها في الاوضه كده زي ما انتي شايفه

ابرار وقفت بغضب وقالت..انت كداب زيو…ايه دخل محمد لما انت مكنتوش موجودين ايه الي خلاكم تفتكرو ان محمد الي عمل كده