شاهيناز وضياع ال١٢ مليون ج٢ شروق خالد

قلم شاهيناز وضياع الـ 12 مليون حكايات شروق خالد
انت في الصفحة 3 من 3 صفحات

موقع أيام نيوز
رافعة راسي وإيدي على خدي اللي لسه معلم أنا يا فندم. الست دي دخلت بيتي من غير إذن، شتمتني، ولما طلبت منها تخرج برة أرضي، ضړبتني بالقلم قدام الحتة كلها.
الظابط بص لشاهيناز وقالها البطاقة يا مدام.
شاهيناز بدأت تتلعثم حضرتك دي حماتي وهي اللي بدأت وتطردنا في الشارع..
الظابط قاطعها بحدة أنا ماليش دعوة بمشاكلكم العائلية، أنا قدامي بلاغ اعتداء وضړب. بطاقتك فوراً.
في اللحظة دي، طنط ميرفت جارتي دخلت من الباب وقالت بصوت عالي أنا أشهد يا سيادة الضابط! الست دي قليلة الأدب وضړبت الست الهانم على وشها ورنت الشارع كله، وكلنا واقفين وشايفين! والشباب والجيران كلهم أيدوا كلامها.
الظابط بصلها وقال للعساكر هاتوها على البوكس.
شاهيناز بدأت تصوت وټعيط بجد وتستنجد بحازم حازم! اِعمل حاجة! هيركبوني البوكس يا حازم!
حازم قرب من الظابط وهو بيترعش يا فندم دي مراتي وأرجوك…
الظابط زقه بالراحة وقال لو فتحت بوقك أو اتدخلت في شغلنا هأخدك معاها پتهمة التستر ومقاومة السلطات. اتفضلي قدامي.
أخدوا شاهيناز وركبوها البوكس وسط ڤضيحة بجلاجل في الشارع كله، الشنط الشيك والبرفيوم الغالي منفعوهاش بمليم.
حازم بصلي وعينيه مليانة دموع ارتحتي كده يا ماما؟ بهدلتينا وفضحتينا.
قلتله بكل برود وأنا بقفل باب الجنينة في وشه أنت اللي بهدلت نفسك لما سبت الستات تتدوس على كرامتك وكرامة أمك عشان شوية مظاهر كدابة. أهو ال 12 مليون طاروا، ومراتك في القسم، وبيتي مش هتعتبوه تاني.
روحت مع طنط ميرفت وعملت المحضر، وشاهيناز باتت ليلتها في التخشيبة. حازم ملقاش مكان ينام فيه غير إنه يبات في عربية متبهدلة على الرصيف. بعد القضية والمحاكم، أهلي شاهيناز اتنازلوا عن نصيبها في الأتيلييه الفاشل عشان يلموا الڤضيحة ويطلعوها بكفالة، وخرجت مکسورة ومحيلتهاش ولا مليم، وحازم رفع عليها قضية طلاق بعد ما فاق وعرف إنها ضيعت مستقبله.
أما أنا، فرجعت لجنينتي وبقيت بسقي وردي بكل راحة بال، وعرفت إن اللي يفرط في شقا عمره عشان يرضي المظاهر، يستاهل يفوق على قلم يصحيه.. بس الحمد لله، القلم جه في وشها هي في الآخر.
قلم شاهيناز وضياع ال 12 مليون
حكايات شروق خالد