خيانه ناعمه منال علي

قبل الفرح ب أيام.. اكتشفت إن الراجل اللي وثقت فيه سنين كان بيجهز بيت لست تانية من ورا ضهري!
قبل الجواز بأسبوع.. اكتشفت إن شقا عمري راح لغيري
الرسالة ظهرت على شاشة موبايل ياسين الساعة تسعة ونص بليل. بقلم منال علي
أنا مكنتش بتجسس عليه، ولا كنت بدوّر ورا مشكلة.. أصلاً كنت قاعدة بخلص قايمة المعازيم النهائية على اللابتوب وهو في المطبخ بيقشر برتقال.
الموبايل كان بيشحن على السفرة لما الشاشة نورت
تمت عملية التحويل 15000000 جنيه
وتحتها سداد كامل تمن الوحدة السكنية بقلم منال علي
جسمي كله اتخشب.. لأن ده مش الكارت اللي ياسين بيستخدمه في يومه العادي، دي الحساب المشترك اللي بدأنا نجمّع فيه قرش على قرش عشان مستقبلنا بعد الجواز.. حساب الشقة، والعيال، والحياة اللي رسمناها سوا.
في نفس اليوم ده، كنا بنقيس الدبل وبنختار تفاصيل القاعة في كايرو فيستيفال.. وفي الوقت اللي كنت ببتسم فيه وأنا بشوف فساتين الفرح البيضة، هو كان بيشتري شقة لست تانية!بقلم منال علي
مجاليش رغبة إني أصرخ، ولا حتى أعيط.. جاتلي حالة هدوء غريبة، الهدوء الۏجع اللي بييجي لما القلب بيتأكد من شكوك كان خاېف يواجهها.
بصيت عليه في المطبخ.. كان مدي دهر لى، لابس قميص أبيض وشايم كُمامه لحد كوعه وهو بيقشر الفاكهة.. كان باين عليه إنه نفس الراجل المخلص، المؤدب، الراسي.. النوع اللي الكل بيقولي عليه يا بختك بيه بقلم منال علي
مسكت موبايلي براحة، صورت الشاشة، وبعتها لنفسي.. ومسحت الرسالة من موبايله ورجعت كل حاجة زي ما كانت.
إيدي مكنتش بتترعش، وده أكتر حاجة خوفتني.. لما الشك بيستوي جواكي، بييجي وقت القلب بيبطل يشحت تفسيرات، بتبقي بس عايزة تشوفي الحقيقة كاملة بقلم منال علي
ياسين دخل الصالة بطبق الفاكهة وسألني وهو بيضحك
إنتي لسه في القايمة دي؟ أنا قولت زهقتي من ليلة الأقارب دي خلاص.
ابتسمت له
خلاص، قربت أخلص.
قعد جنبي وحط فص برتقال في بوقي.. كان مسكر، مسكر أوي.
إنتي تعبتي النهاردة؟بقلم منال علي
بصيت لشاشة اللابتوب كأن مفيش حاجة حصلت
شويه.. إنت وصلت المكتب الساعة كام بعد ما سبنا المول؟
إيده وقفت لأقل من ثانية.. حركة مش ملحوظة بس أنا شفتها.
على تلاتة ونص كدة بقلم منال علي
ياااه، بسرعة أوي.. ده إحنا خارجين من عند الجواهرجي كانت تلاتة إلا عشرة.
رفعت عيني وبصيت له بهدوء
خلصت شوية حاجات في التليفون وأنا في الطريق.
طبيعي، خفيف، واثق في نفسه.. الكدب كان سهل أوي عليه.
ليلتها منمتش.. فضلت باصة لسقف الأوضة في منتهى الهدوء.. ولأول مرة من أربع سنين، سألت نفسي مين الراجل ده؟بقلم منال علي
عرفت ياسين في ندوة عن الاستثمار في التجمع.. أنا كنت شغالة في شركة دعاية، وهو كان مدير حسابات في بنك كبير. وقتها كان عندي تلاتين سنة ومكنتش بنبهر بالرجالة اللي لسانها حلو زيادة.. اللي شدني فيه كان اهتمامه الهادي.. كان بياخد باله من التفاصيل، يبعتلي أكل لما أتأخر في الشغل، مبيسيبش مناسبة صغيرة إلا ويفتكرها بقلم منال علي
لما بابا تعب ودخل المستشفى، نام تلات ليالي على الكرسي جنبي.. الكل كان بيحبه، وصاحبتي رنا كانت دايما تقول يا بنتي ده راجل يتوزن بالدهب.
وأنا كمان كنت مصدقة.. لحد ما اكتشفت إن فيه ناس مبيكدبوش بطريقة وحشة، دول بيكدبوا بمنتهى الرقة.
تاني يوم، اتحججت بأي عذر في الشغل وقضيت اليوم كله بحث.. أول مكالمة كانت لصاحبة قديمة ليا من أيام الكلية شغالة في العقارات بقلم منال علي
محتاجة أتأكد من عملية بيع حصلت امبارح. بقلم