خيانه ناعمه منال علي

منال علي
بعد أقل من ساعة ردت عليا
شقة دوبلكس في المعادي.. دفع كاش امبارح.. والعقد باسم واحدة اسمها سلمى عز الدين.
سلمى.. الاسم نزل على صدري زي الحجر.
سلمى عز الدين كانت خطيبته القديمة.. سبع سنين مع بعض، وقصة جواز منتهتش. كان دايما بيقول إن الموضوع خلص من زمان، وإنها هي اللي سابته وسافرت برا.. وقتها صدقته، لأننا كبار ولينا ماضي بقلم منال علي
بس فيه فرق بين الماضي.. وبين حد لسه ممشيش أصلاً.
فضلت أدور.. فتحت حسابات قديمة، وبدأت أربط النقط اللي كنت بطنشها قبل كدة.. مشاويره الكتير ل مصر الجديدة بحجة شغل، الرسايل اللي بتتمسح بسرعة، والروشتة اللي شفتها في جيبه من شهور وكان فيها فيتامينات حمل.. وقتها ضحك وقاللي دي بتاعة مدام واحد صاحبي بجبها له.
صدقته.. لأن الحب بيخلينا نخلق أعذار للحاجات اللي بتوجعنا بقلم منال علي
روحت العنوان.. الموظف هناك فرجني على الشقة وهو مش فاهم أنا مين.
فيو النيل، ريسيبشن واسع، عفش مودرن مترتب.. حياة كاملة جاهزة.
وأنا واقفة في المطبخ، شفت طقم كاسات لسه في كرتونته.. اتنين.
هي اللي اشترت الشقة هتسكن لوحدها؟ سألت الموظف كأني بدردش.
ابتسم وقاللي لا مأظنش.. خطيبها كان معاها في كل خطوة، باين عليهم بيحبوا بعض جداً.
وقفت في البلكونة وبصيت على النيل.. وفي اللحظة دي استوعبت الحقيقة المرة
بينما أنا كنت بختار ورد الفرح.. خطيبي كان بيبني حياة تانية في السر.
وأنا راجعة، بعتلي رسالةبقلم منال علي
ماما عايزانا نتعشى معاها النهاردة.
بصيت للموبايل ثواني، ورديت
تمام، أكيد.
العشا كان تقيل بشكل لا يحتمل.. مامته بتسألني عن ديكور الكوشة، وباباه بيهزر عن الأحفاد، وياسين بينقي الشوك من السمك في طبقي زي ما بيعمل دايما.. الراجل المثالي، الراجل الحنين.. اللي بيصرف شقانا على ست تانية وهو داخل القاعة معايا كمان أسبوع.
فجأة مامته قالتبقلم منال علي
سمعتوا إن سلمى رجعت من السفر؟
الشوكة وقعت من إيد ياسين.. ثانية واحدة بس، بس أنا شفتها.
معرفش، رد بسرعة أوي.
مامته كملت يا عيني، شكلها تعبت أوي في الغربة وراجعة مکسورة الخاطر.
بصيت لياسين في صمت.. وفي اللحظة دي، آخر أمل عندي ماټ بقلم منال علي
لما كان في العربيه نزل يشتري حاجه .. فتحت جيب الجاكيت بتاعه، لقيت وصل ركنة في الجراج بتاع عمارة المعادي.. ولقيت وصل ركنة مستشفى النسا والتوليد من يوم الجمعة اللي فات.. اليوم اللي قاللي فيه إنه بيلعب كورة مع أصحابه.
حطيت الورق على التربيزة وقعدت أبص له.. كنت هادية بزيادة بقلم منال علي
لأن بعد ما الحقيقة بتظهر كاملة، الاڼهيار مبيبقاش له مكان.. بيبقى فيه قرار بس.
وفي الفجر بطلت أفكر ك عروسة.. وبدأت أفكر كواحدة لازم تنجو بكرامتها.
يتبع…