البيت الى وقعت بعد ما فلوسي

دخل وشاف الكراتين وقال أهلا أهلا أخيرا فضيتي الأوضة قلت له الأوضة اللي إنت بتتكلم عليها دي أنا اللي داهنة حياطانها بإيدي وجايبة لها سرير وكنت بدفع إيجارها بطريقة غير مباشرة بفلوسي اللي كانت بتدخل البيت قال لي يا شيخة متكبريش الموضوع إنتي كنتي قاعدة ببلاش الكلمة دي خلتني أضحك

ضحك من غير نفس قلت له ببلاش ده أنا لو كنت قاعدة في شقة إيجار بره كان زماني محوشة فلوس البيت اللي دفعته هنا وكان زماني اشتريت شقة تمليك أمي قالت خلاص بقى كفاية كلام يلا خدي كراتينك وامشي العيال تعبانين من السفر وعايزين يناموا كنت متوقعة إني هعيط زي

كل مرة بس المرة دي معيطتش مسكت تليفوني وفتحت حاجة ووريتها لأبويا قلت له بص يا بابا ده كشف حساب بكل جنيه دفعته في البيت ده من أول شهر جيت فيه لحد النهاردة أبويا بص ومبرقش قلت له ودي إيصالات الضرائب اللي اندفعت من حسابي ودي فواتير السخان والسباكة والكهربا

ودي رسايل الواتساب بيني وبين ماما وهي بتقولي الحقينا يا بنتي محتاجين فلوس للبيت أمي وشها اصفر قالت إنت بتعملي إيه إنت جاية تحاسبينا قلت لها لا أنا جاية أوريكي إني مش طفيلية الطفيلية هو اللي بياخد من غير ما يدي أخويا قال طب وإنتي عايزة إيه دلوقتي عايزة تاخدي

البيت قلت له لا أنا مش عايزة البيت أنا عايزة حقي ساعتها صاحبتي المحامية كانت قالت لي قبلها بيوم بصي إنت ليكي حق انتفاع وحق مالي مثبت بورق ولو رفعتي قضية ممكن تاخدي جزء من قيمة البيت أو على الأقل تاخدي كل فلوسك اللي دفعتيها بالفوايد كمان بس أنا مكنتش

عايزة أوصل لكده كنت عايزة بس أمشي بكرامتي قلت لهم أنا همشي دلوقتي زي ما طلبتوا بس قبل ما أمشي عايزة أقول كلمتين التلات سنين اللي فاتوا أنا مكنتش قاعدة ببلاش أنا كنت بدفع تمن وجودي كل يوم بفلوسي وبسكوتي وبإني أقول حاضر ونعم عشان البيت يفضل هادي بس إنتوا

افتكرتوا سكوتي ضعف وافتكرتوا فلوسي واجب عليا أمي قالت إحنا مربينك ولينا حق عليكي قلت لها حقكم على راسي بس مش من حقكم تقولوا عليا طفيلية وأنا اللي شايلة البيت شلت شنطتي الصغيرة اللي فيها اللاب توب والورق المهم وسيبت الكراتين مكانها وقلت لها خليها عندك يمكن تحتاجيها لأخويا خرجت

وركبت عربيتي ومشيت طول الطريق كنت حاسة إني خفيفة لأول مرة من 3 سنين رحت شقتي الجديدة الصغيرة اللي كنت مأجراها من يومين فتحت الباب لقيتها فاضية بس بتاعتي مفيهاش حد يقول لي إنت طفيلية مفيهاش حد يلم لي هدومي في كرتونة قعدت على الأرض وفضلت أعيط شوية مش عشان