شميت ريحه وحشه ولما رفعت الدواسه

يعني جاية تعيطيلي
قالت لا جاية أقولك خدي جوزك أنا مش عايزاه أنا عايزة فلوس للبيبي بس
فلوس للبيبي
ساعتها فهمت اللعبة كلها
هو سابني عشانها وهي عايزة تسيبه وترجع لي عشان الفلوس
قلت لها بصي يا حبيبتي جوزي ده أنا خلاص رميته زي علبة التونة المعفنة اللي كانت تحت الدواسة
لا ينفع يتاكل ولا ريحته تستحمل
خديه لو عايزاه بس فلوس مفيش فلوس بيتي دي لعيالي
قالت طب والبيبي ده ذنبه إيه
قلت لها ذنبه إن أبوه واحد كداب وبيهرب ذنبه إن أمه صدقت واحد بيقولها مراتي ماټت من غير ما تدور وراه ذنبه إن احنا الاتنين ستات صدقنا راجل واحد
سكتنا احنا الاتنين
البيبي بيعيط
قمت عملت له لبن من اللبن اللي كان عندي للعيال زمان
واديتها الببرونة
وهي بترضعه عيطت
قالت أنا آسفة
قلت لها متتأسفيش لي أنا آسفي عليكي انتي لسه صغيرة ومعاكي عيل من راجل باعك في أول محطة
قالت طب هتعملي إيه
قلت لها هطلق وهربي عيالي وانتي هتربي ابنك وكل واحدة تشوف حالها
قالت طب ممكن أطلب منك طلب
قلت لها إيه
قالت ممكن تخليني أنضف العربية بتاعتك أنا اللي وسختها
ضحكت تاني
قلت لها العربية اتباعت خلاص
بعتها تاني يوم ما جوزي مشي
خدت فلوسها وحطيتها باسم عيالي
عشان مفيش واحدة تانية تركبها وتوقع فيها تونة تاني
قامت مشيت وهي شايلة البيبي
وهي ماشية سابت لي ورقة السوبر ماركت بتاعة لبن الأطفال
كانت كاتبة عليها من ورا رقمها وكاتبة سامحيني
قطعت الورقة ورميتها
مش عشان مسامحتهاش
عشان مش عايزة أي ريحة تانية في البيت
بعدها بأسبوع المحامي كلمني قال لي جوزك عايز يرجع
قلت له يرجع فين
قال عايز يرجع البيت وبيقول إنها كانت نزوة
قلت له قوله النزوة دي بقت بني آدم بيعيط وعايز لبن وقوله العداد لسه 32522 متغيرش وقوله الهبلة اللي مبتركزش بقت بتركز أوي دلوقتي
لدرجة إنها بقت تشم ريحة الكدب من قبل ما يخش البيت
المحامي ضحك وقال له هقوله
وجوزي مجاش تاني
وبعد شهرين اتطلقنا
في المحكمة القاضي سألني عايزة إيه
قلت له مش عايزة فلوس كتير عايزة بس البيت يفضل باسمي والعربية اللي اتباعت فلوسها لعيالي وعايزة كل واحد يروح لحاله
القاضي بص له وقال له انت سايب بيت وعيال عشان علبة تونة
حتى القاضي عرف حكاية التونة
الكل عرف
أصل الحكاية انتشرت في المنطقة كلها
الست اللي لقت علبة تونة معفنة تحت دواسة عربيتها فعرفت إن جوزها بېخونها بقاله 8 شهور
بقت حدوتة
النهاردة عدى 6 شهور
البيت ريحته حلوة
جبت معطر جديد ريحته فانيليا
العيال كبروا شوية
بقوا يساعدوني
والعربية الجديدة اللي جبتها صغيرة على قدي مفيهاش مكان ورا يوقع فيه حاجة
وكل يوم قبل ما أركب ببص على العداد
مش عشان بشك في حد
عشان اتعلمت أبص
اتعلمت إن الست اللي تقول على نفسها هبلة ومبتركزش جوزها هيصدق ويعمل اللي هو عايزه
إنما الست اللي بتركز وبتشم الريحة بدري بتلحق نفسها
وعلى فكرة
لسه محتفظة بالمنديل اللي عليه الروج الأحمر الرخيص
حطاه في درج
مش عشان منسيتش
عشان كل ما أشم ريحة حلوة في بيتي أفتح الدرج وأبص عليه وأقول الحمد لله إن الريحة الۏحشة راحت