جوزي ضرب بنتنا الصغيره انجي الخطيب
فضلت واقفة تحت الدش، مستنية الميه ترجع، لكن مفيش أي حاجة حصلت.سمعت صوت مروان من بره وهو بيقول بمنتهى الهدوء: «الوقت خلص يا ندى!»
صرخت من جوا الحمام: «إنت قطعت الميه بجد؟! أنا لسه الشامبو في شعري!»
رد عليا: «كان المفروض تخلصي قبل ما الوقت يخلص.
»
ما كانش قدامي حل غير إني أجيب كوباية بلاستيك كبيرة، وأفضل أغرف ميه ساقعة من الحنفية وأصبها على شعري عشان أعرف أشطف الشامبو.كنت واقفة جسمي كله بيترعش، وعيني مليانة دموع، مش عشان الميه ساقعة وبس، لكن عشان الإهانة اللي كنت حاساها.
ولما خرجت من الحمام، لقيت ملك بتعيط في سريرها الصغير، ومروان قاعد قدام اللابتوب، مركز في شغله كأن مفيش أي حاجة حصلت بصيت للبنت لاقيت عياطها بيزيد شيلتها قولت ارضعها عشان تهدي لاقيت وشها احمر جريت علية سألتة انت نفذت تهديدك وض. ربتها بجد.
ربتها بجد. رد بكل برود من غير حتي ما يتعب نفسة ويبصلي وقالي كان لازم تتربي عشان تبطل تعيط تاني
بصيتله وأنا مش قادرة أصدق إن ده نفس الشخص اللي كنت فاكرة إنه هيبقى سندي في الدنيا وسند لبنتة ازاي يجيلة قلب يعمل في بنتة الرضيعة كد.
كان نفسي أصرخ فيه، وأقوله إنه أناني وإنه عمره ما حس ب بنتة و بتعبي من ساعة ما ولدتها ، لكن بدل ما أعمل كده، روحت شلت بنتي من سريرها وضمّيتها لصدري.كنت مرهقة لدرجة إن حتى الخناق معاه بقى محتاج طاقة أنا ما بقيتش أملكها وعرفت انه معندوش قلب وخوفت يعمل فيا او في بنتة حاجة وانا لا هقدر ادافع عن بنتي ولا عن نفسي.
ومن يومها، التايمر بقى جزء من حياتي.كل مرة أدخل الحمام، كنت ببص على الأرقام وهي بتنقص، وأحاول أغسل شعري وجسمي في أقل وقت ممكن، وأنا قلبي مقبوض من فكرة إنة ممكن يض. رب بنتي تاني ويقطع الميه عليا تاني.
وبقيت أخرج من الحمام متوترة وحاسة إني في سباق.وفي مرة، اتأخرت ثواني بسيطة عن الوقت، فلقيته معدي من قدام الحمام وبيقولي بسخرية: «إنتِي تاني واضح انك متعلمتيش من المرة الاولي. الجملة دي فضلت ترن في ودني، لأني في الوقت ده كنت فعلًا بحاول أنظم كل ثانية في يومي، وبعمل المستحيل عشان البيت والبنت وهو كمان يكونوا راضيين.
لكن مهما عملت، مكنش فيه حاجة بتعجبه.بعد كام يوم، ملك فضلت طول الليل متضايقة وبتعيط على فترات، وأنا ما نمتش غير ساعات قليلة متقطعة.هدومي كانت ريحتها لبن، وشعري كان متشابك من ورا بسبب إني بقيت بستعجل في غسله كل مرة، وكنت حاسة إن جسمي كله بيوجعني من قلة النوم والإرهاق.
