جنه الياسين ج٢

تنهد بقهر وقال ” طول عمري نفسي اجرب الشعور ده أتعلق في حد أحب حد كدة يهتم بيا وأهتم بيه انت عارف ماما ومعاملتها ليا اللي معرفش سببها ايه لحتى الآن فجت جنة اللي قلبي تمناها نفسي تكون بريئة ” سكت أحمد قليلا ثم همس بحزن ” وهتعمل ايه لو طلعت مش مظلومة ” ياسين بقهر ” مش عارف والله ما عارف “

ضمه أحمد وقال بحنان ” اكيد في حل ان شاء الله ما تعملش بنفسك كدة مافيش حاجة مستهلة يا حبيبي لازم تهتم بشغلك وتفصل بين ده وده انت عارف في ناس بتستناك توقع “
هز رأسه وقال بصوت مبحوح ” طيب هيا وحشاني اعمل ايه ” ضحك بغيظ وأمسك الهاتف يتصل بأحد الارقام ” السلام عليكم معايا استاذ محمد اخ انسة جنة ” مجرد سماعه اسمها كل حواسه اشتغلت ليكمل احمد ” حضرتك في شغل ضروري هيا مسؤولة عنه وبقالها يومين ما بتجيش ولازم تيجي تكمله “

سكت يستمع للطرف الاخر ليكمل بحسم ” خلاص طالما مش هتكمل شغل يبقى حضرتك تدفع الشرط الجزائي نص مليون جنيه ” ابتسم بمكر وقال ” خلاص مستنينها تكمل شغل وعشان خاطرك مش هنخصم اليومين الباقيين ” أغلق الخط وياسين ينظر له بكل لهفة غمز له احمد وقال ” نص ساعة وهتكون هنا ” بدون سابق انذار احتضنه بكل قوته وقال بسعادة وامتنان ” عليا الطلاق انت اجدعها صاحب بحبك ياد متشكر اوي يا صاحبي “

ضمه احمد وهو يبتسم وقال ” مافيش شكر بين الأخوات بس المهم تنتبه لشغلك ” هز رأسه وسعادته تشبه سعادة طفل صغير فرح بهدية جلس وهو ينظر لساعته يعد الدقائق حتى رآها عبر الكاميرات ..
ركض لمكتبها بكل لهفة وبمجرد دخولها سحبها لحض.نه دون اي كلام فقط ضـ,ـمه بقوة حتى قالت بألم ” اااه ياسين بالراحة “
رفع رأسه ينظر له ليرى وجهها المزرق أثر ضرـ,ـب أخيها لها…
****
خرجت من عند الطبيبة بعد أن اخبرتها بحملها كانت خائفة ان يرفض ذاك الطفل صعدت بالسيارة لتتفاجأ بأحد الاشخاص يجلس بجوارها ويهمس ” مدام جنة حرم ياسين باشا الخالدي “

ابتلعت ريقها وقالت ” حضرتك غلطان ” هز رأسه وقال ” مش غلطان عندي ليكي عرض مش فرصة عمرك ” نظرت له بعدم فهم ليتابع هو ” صفقة ياسين شغال عليها تجبيلي الملف او نسخة منها وليكي ١٠ مليون جنيه ٥ دلوقتي و٥ بعد التسليم ” نظرت له قليلا ثم قالت بتوجس ” وايه اللي يضمنلي ” رد بثقة ” هأعطيكي شك لي موعد صرفه يوم موعد التسليم ” سكتت قليلا ثم قالت ” موافقة “