رفضت ادى مرات بابا فستان زفاف ماما

ابديت

الموضوع كبر جدًا وبصراحة بعد ما قريت كومنتاتكم حسيت إني كنت بضيع وقت وأنا مستنية لحد المعاد النهائي.
يوم التلات بابا جه عندي البيت علشان يحاول يتفاهم معايا.
ولما أقول يتفاهم أقصد إنه قعد حوالي ساعة كاملة على الكنبة عندي بيعيط وبيقولي إن لما يدفعو 3500 دولار لترميم الفستان معناه إنهم هيسحبوا الفلوس دي من فلوس فرح ليلي.

واعترفلي إن كارين هددته إنها هتسيبه لو دفع تكلفة الترميم وإنه فضل يترجاني أقبل 500 دولار كاش وأعتبر الموضوع انتهى علشان خاطر العيلة قلتله طبعًا لأ وطلبت منه يمشي.
وبعدين امبارح الموضوع أخد منحنى تاني خالص.
خطيب ليلي اتصل بيا .
مارك كان غضبان جدًا لأن ليلي كانت قالتله إني وافقت بنفسي إن كارين تاخد الفستان وتعدله علشانها.
لكن لما شاف الموضوع وصل لفين وعرف إن كارين ضحكت عليا وخدت الفستان مني على أساس إنها هتوديه يتنضف بس حصلت بينهم خناقة كبيرة جدًا.

مارك قال لليلي إنه بدأ يعيد التفكير في الجواز كله لو هي مش مستعدة تتحمل مسؤوليتها وتساعد في تصليح الفستان.
كارين عبت منها على الاخر وبعتتلي مجموعة رسايل صوتية كلها صريخ واتهمتني إني ببوظ جوازة بنتها وإن أنا إنسانة شريرة وانتقامية وده كان آخر خيط بالنسبة لي.

في اللحظة دي عرفت إنهم عمرهم ما هيدفعوا جنيه واحد لتصليح الفستان وإن كل اللي بيعملوه مجرد محاولة للتلاعب بيا والضغط عليا لحد ما أتنازل.
امبارح بعد الضهر قابلت محامي في منطقتنا وخليته يراجع أوراق حصر تركة أمي وصور الفستان قبل وبعد اللي حصل فيه والرسايل اللي كارين اعترفت فيها إنها أخدت الفستان للترزي وخدعتني بعد ما أنا سلمتهولها علشان التنضيف.

المحامي أكدلي إن موقفي القانوني قوي جدًا وإن عندي أساس قوي أرفع دعوى مدنية وكمان أقدم بلاغ جنائي بسبب سرقة وإتلاف ممتلكات نظرًا لقيمة الفستان وحجم الضرر اللي حصل فيه.
وبمجرد ما خرجت من عند المحامي امبارح بالليل روحت على طول لقسم الشرطة وقدمت بلاغ رسمي ضد كارين.

أبويا اختفى تمامًا ومبقاش بيرد على أي حاجة وكارين بقت هتتجنن دلوقتي بعد ما الشرطة دخلت فعلًا في الموضوع.
إيديا لسه بتترعش من التوتر والضغط اللي حصل كله لكن لأول مرة حاسة إني فعلًا وقفت على حقي ومتمسكة بموقفي.
هفضل أقولكم إيه اللي هيحصل بعد كده مع الشرطة والمحكمة.